Rana-Miheeka: రానా మ్యారీడ్ లైఫ్‌పై రూమర్స్ - క్లారిటీ ఇచ్చిన అతడి భార్య!

రీసెంట్ గా రానా సోషల్ మీడియా నుంచి కొంతకాలం బ్రేక్ తీసుకుంటున్నట్లు చెప్పారు.

రానా మ్యారీడ్ లైఫ్‌పై రూమర్స్ - క్లారిటీ ఇచ్చిన అతడి భార్య!

ఈ మధ్యకాలంలో చాలా మంది సెలబ్రిటీలు విడాకులు తీసుకొని వార్తల్లో నిలిచారు. సోషల్ మీడియా ద్వారా మన సెలబ్రిటీలు చేసే చిన్న చిన్న యాక్టివిటీస్ ను బట్టి వారి పెర్సనల్ లైఫ్ కి సంబంధించిన వార్తలు బయటకొస్తున్నాయి. సమంత విడాకుల రూమర్స్ కూడా ఇలానే మొదలయ్యాయి. ముందుగానే ఆమె తన ప్రొఫైల్ పిక్చర్ ను మార్చింది. ఆ తరువాత తన పేరు నుంచి అక్కినేని తీసేసింది. 

ఆ తరువాత తన సోషల్ మీడియా హ్యాండిల్స్ నుంచి చైతుతో ఉన్న ఫొటోలన్నీ డిలీట్ చేసింది. ఇలా ఫ్యాన్స్ ను ప్రిపేర్ చేస్తూ ఫైనల్ గా డివోర్స్ విషయాన్ని చెప్పింది. రీసెంట్ గా రానా కూడా సోషల్ మీడియా నుంచి కొంతకాలం బ్రేక్ తీసుకుంటున్నట్లు చెప్పారు. తన ఇన్స్టాగ్రామ్ హ్యాండిల్ నుంచి అన్ని ఫొటోలను తొలగించారు. దీంతో అతడి మ్యారీడ్ లైఫ్ పై రూమర్స్ మొదలయ్యాయి. 

మిహీకాకి రానాకి మధ్య గొడవ జరిగిందంటూ వార్తలు ప్రచురించారు. అందుకే రానా సోషల్ మీడియా నుంచి బయటకొచ్చేశారంటూ రకరకాల ప్రచారాలు జరిగాయి. వీటన్నింటికీ ఒక్క పోస్ట్ తో క్లారిటీ ఇచ్చింది మిహీకా. ఈరోజు రానా, మిహీకాల పెళ్లి రోజు. పెళ్లై రెండేళ్లు అవుతున్న సందర్భంగా రానాతో దిగిన కొన్ని ఫొటోలను ఇన్స్టాగ్రామ్ లో పోస్ట్ చేస్తూ.. లవ్ సింబల్ జోడించింది. ఈ పోస్ట్ చూసిన చాలా మంది సెలబ్రిటీలు రానా-మిహీకాలకు పెళ్లి రోజు శుభాకాంక్షలు చెబుతున్నారు. దీన్ని బట్టి ఈ జంట మధ్య ఎలాంటి విబేధాలు లేవని తెలుస్తోంది. 

ఇక రానా సినిమాల విషయానికొస్తే.. తెలుగులో ఆయన చివరిగా 'విరాటపర్వం' సినిమాలో కనిపించారు. సాయిపల్లవి హీరోయిన్ గా నటించిన ఈ సినిమా థియేటర్లో కంటే ఓటీటీలో బాగా ఆడింది. వేణు ఊడుగుల ఈ సినిమాను డైరెక్ట్ చేశారు. నక్సలైట్ బ్యాక్ డ్రాప్ లో ఈ సినిమా సాగుతుంది. 

ప్రస్తుతం రానా 'రానా నాయుడు' అనే వెబ్ సిరీస్ లో నటిస్తున్నారు. విక్టరీ వెంకటేష్ కూడా ఈ సిరీస్ లో నటిస్తున్నారు. దాదాపు దీనికి సంబంధించిన షూటింగ్ పూర్తయినట్లే. నెట్ ఫ్లిక్స్ లో ఈ సిరీస్ స్ట్రీమింగ్ కానుంది.  

'మానాడు' రీమేక్ లో రానా:

తమిళంలో శింబు, ఎస్.జె. సూర్య ప్రధాన పాత్రల్లో నటించిన 'మానాడు'ను తెలుగులో రానా దగ్గుబాటి రీమేక్ చేస్తున్నారు. తమిళ సినిమాకు వెంకట్ ప్రభు దర్శకత్వం వహించారు. మరి, తెలుగు రీమేక్ కూడా ఆయనే తీస్తారా? లేదంటే మరొకరి చేతిలో దర్శకత్వ బాధ్యతలు పెడతారా? అనేది చూడాలి. రానా దగ్గుబాటి తండ్రి, ప్రముఖ నిర్మాత సురేష్ బాబు 'మానాడు' రీమేక్ రూట్స్ సొంతం చేసుకున్నారు. సురేష్ ప్రొడక్షన్స్ పతాకంపై సినిమా ప్రొడ్యూస్ చేయనున్నారు.