Kajal Aggarwal: తల్లి కాబోతున్న కాజల్.. అసలు విషయం చెప్పేసిన గౌతమ్..

కాజల్ అగర్వాల్ తల్లి కాబోతుందనే విషయాన్ని ఆమె భర్త సోషల్ మీడియా వేదికగా వెల్లడించారు.

Written By : ABP Desam | Updated at : 02 Jan 2022 12:26 PM (IST)

తల్లి కాబోతున్న కాజల్..

టాలీవుడ్ స్టార్ హీరోయిన్ కాజల్ అగర్వాల్ తల్లి కాబోతుందంటూ కొన్ని రోజులుగా వార్తలు వినిపిస్తున్నాయి. గర్భవతి అయిన కారణంగానే ఆమె కొన్ని సినిమాల నుంచి తప్పుకుందంటూ ప్రచారం జరిగింది. అయితే ఇప్పటివరకు దీనిపై ఎలాంటి అధికార ప్రకటన రాలేదు. తాజాగా ఈ విషయం నిజమేనంటూ కాజల్ భర్త గౌతమ్ సోషల్ మీడియా వేదికగా ఓ పోస్ట్ పెట్టారు.

కొత్త సంవత్సరంలోకి అడుగుపెట్టిన సందర్భంగా గౌతమ్ '2022.. నిన్నే చూస్తున్నా..' అంటూ ప్రెగ్నెంట్‌ లేడీ ఎమోజీని ఎటాచ్‌ చేశారు. ఇది చూసిన అభిమానులు కాజల్-గౌతమ్ లకు సోషల్ మీడియా వేదికగా శుభాకాంక్షలు చెబుతున్నారు. త్వరలోనే జూనియర్ కాజల్ రాబోతుందని నెటిజన్లు కామెంట్స్ చేస్తున్నారు. మొత్తానికి కాజల్ తల్లి కాబోతుందనే విషయాన్ని అధికారికంగా ప్రకటించారు.

తెలుగులో దాదాపు అందరి హీరోల సరసన నటించిన ఈ బ్యూటీ.. తన చిన్ననాటి స్నేహితుడు, ప్రముఖ వ్యాపారవేత్త గౌతమ్ కిచ్లుని ప్రేమించి పెళ్లి చేసుకుంది. గతేడాది పెళ్లి బంధంలోకి అడుగుపెట్టింది ఈ జంట. పెళ్లి తరువాత కూడా నటిగా సినిమాలు చేసిన కాజల్. ప్రస్తుతం ఆమె నటించిన 'ఆచార్య' సినిమా విడుదలకు సిద్ధంగా ఉంది. ఇక 'భారతీయుడు 2' సినిమా నుంచి ఆమె తప్పుకుందని సమాచారం.