Varun Tej: 'మ్యూజిక్ బాగా కొట్టినోడు ఎవడైనా రాక్ స్టారే' వరుణ్ తేజ్ స్పీచ్ కి తమన్ షాక్
తమన్ ని వరుణ్ తేజ్ రాక్ స్టార్ అని పిలవడంతో అతడు షాకై 'నో' అని అనడం.. దానికి వరుణ్ తేజ్ 'మ్యూజిక్ బాగా కొట్టినోడు ఎవడైనా రాక్ స్టారే' అని అనడం ఫన్నీగా అనిపించింది.
మెగాహీరో వరుణ్ తేజ్ నటిస్తోన్న లేటెస్ట్ సినిమా 'గని'. బాక్సింగ్ క్రీడా నేపథ్యంలో తెరకెక్కుతోన్న ఈ సినిమాతో కిరణ్ కొర్రపాటి అనే కొత్త దర్శకుడు ఇండస్ట్రీకి పరిచయం అవుతున్నారు. షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఇప్పటికే ఈ సినిమా నుంచి 'గని ఫస్ట్ పంచ్', 'గని యాంథెమ్', తమన్నా ఐటెం సాంగ్ ను విడుదల చేశారు. ఇవి సోషల్ మీడియాలో ట్రెండ్ అయ్యాయి.
రీసెంట్ గా ఈ సినిమాలో 'రోమియో జూలియట్' అనే పాటను విడుదల చేశారు. ఈ పాటను ప్రముఖ దర్శకుడు శంకర్ కూతురు అదితి శంకర్ పాడారు. ఈ సినిమా సాంగ్ లాంచ్ ఈవెంట్ ను విజయవాడలో నిర్వహించారు. నిన్న జరిగిన ఈవెంట్ లో టీమ్ మొత్తం కనిపించింది. మ్యూజిక్ డైరెక్టర్ తమన్ కూడా తన టీమ్ తో విజయవాడకి వెళ్లారు.
స్టేజ్ పై ప్రతి ఒక్కరు తమ స్పీచ్ తో ఆకట్టుకున్నారు. ఇదే సమయంలో వరుణ్ తేజ్ కూడా సినిమా గురించి గొప్పగా మాట్లాడుతూ.. తమన్ పనితీరుని కొనియాడారు. తమన్ ని వరుణ్ తేజ్ రాక్ స్టార్ అని పిలవడంతో అతడు షాకై 'నో' అని అనడం.. దానికి వరుణ్ తేజ్ 'మ్యూజిక్ బాగా కొట్టినోడు ఎవడైనా రాక్ స్టారే' అని అనడం ఫన్నీగా అనిపించింది. నిజానికి దేవిశ్రీప్రసాద్ ని రాక్ స్టార్ అని పిలుస్తుంటారు. అందుకే తమన్ తనను అలా అనొద్దని వరుణ్ కి చెప్పాడు. ఫైనల్ గా వరుణ్.. తమన్ ని 'ది డ్రమ్మర్' అని పిలవడంతో అతడు హ్యాపీ ఫీల్ అయ్యాడు.
View this post on Instagram
టాప్ హెడ్ లైన్స్
ట్రెండింగ్ వార్తలు
