Sammathame: ఆకట్టుకుంటున్న ‘సమ్మతమే’ ఫస్ట్ గ్లింప్స్

తెలుగు పరిశ్రమలో చిన్న సినిమాల హవా పెరుగుతోంది. ఇప్పుడు మరో సినిమా ప్రేక్షకులను ఆకట్టుకునేందుకు సిద్ధమవుతోంది.

(Image credit: twitter)

టాలీవుడ్ ఇండస్ట్రీకి పరిచయమైన మరో కుర్ర హీరో కిరణ అబ్బవరం. గతంలో రాజావారు రాణి గారు, ఎస్ ఆర్ కళ్యాణ మండపం వంటి సినిమాల్లో నటించారు. ఇప్పుడు సమ్మతమే సినిమాతో ప్రేక్షకుల ముందుకు రాబోతున్నారు. ఈ సినిమా మ్యూజికల్ రొమాంటిక్ ఎంటర్ టైనర్ గా రూపొందుతోంది. గతంలోనే మూవీ టైటిల్, ఫస్ట్ లుక్ విడుదల చేశారు. వాటికి మంచి రెస్పాన్సే వచ్చింది. ఈ సినిమాకు సంబంధించిన ఫస్ట్ గ్లింప్స్ ను మూవీ మేకర్స్ విడుదల చేసారు. హీరోయిన్ వెనుక హీరో వెంటపడుతున్నట్టు ఉంది ఫస్ట్ గ్లింప్స్. దాన్ని చూస్తుంటే ఇది మంచి లవ్ స్టోరీ అని అర్థమవుతోంది. ఈ సినిమాలో కిరణ్ కు జోడీగా తెలుగమ్మాయి చాందిని చౌదరి నటిస్తోంది. 

ఇప్పటికే ఈ సినిమా షూటింగ్ 80 శాతం పూర్తయింది. మిగతా 20 శాతం పూర్తి చేసి, పోస్ట్ ప్రొడక్షన్ పనులు మొదలు పెట్టనున్నారు. ఈ సినిమాకు దర్శకత్వం వహిస్తున్నది గోపీనాథ్ రెడ్డి. యూజీ ప్రొడక్షన్స్ పతాకంపై కె.ప్రవీణ ఈ సినిమాను నిర్మిస్తున్నారు. శేఖర్ చంద్ర సంగీతం అందిస్తున్నారు. 

ఇక హీరోయిన్ చాందిని చౌదరి విశాఖపట్నానికి చెందిన అమ్మాయి. 2012లో లైఫ్ ఈజ్ బ్యూటీఫుల్ లో చాలా చిన్న పాత్ర చేసింది. ఆ తరువాత ప్రేమ ఇష్క్ కాదల్ సినిమాతో హీరోయిన్ గా మారింది. కలర్ ఫోటో సినిమా ఆమెకు మంచిపేరు తీసుకొచ్చింది. 

Here's the First Glimpse of @Kiran_Abbavaram & @iChandiniC's #Sammathame 👩‍❤️‍👨
▶️ https://t.co/JCop8mPytN@gopinath_reddyy @ugproductions06 #SekharChandra @KankanalaPrave3 @UrsVamsiShekar @housefull_dgtl @adityamusic pic.twitter.com/crjvKDesuR

— Suresh Kondeti (@santoshamsuresh) October 21, 2021

">

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి