Pooja Hegde: 'ఆచార్య' - పూజాహెగ్డేకు కలిసొస్తుందా?

'దువ్వాడ జగన్నాథం' సినిమా పూజాహెగ్డే సక్సెస్ జర్నీ మొదలవ్వగా.. ఆ తరువాత 'అరవింద సమేత', 'మహర్షి', 'అల.. వైకుంఠపురములో' ఇలా వరుస హిట్స్ అందుకుంది.

Written By : ABP Desam | Updated at : 27 Apr 2022 02:51 PM (IST)

'ఆచార్య' - పూజాహెగ్డేకు కలిసొస్తుందా?

టాలీవుడ్ లో స్టార్ హీరోయిన్ గా గుర్తింపు తెచ్చుకుంది పూజాహెగ్డే. కెరీర్ ఆరంభంలో ఆమె నటించిన 'ఒక లైలా కోసం', 'ముకుంద' సినిమాలు నిరాశ పరిచినా.. సెకండ్ ఇన్నింగ్స్ లో భారీ బడ్జెట్ సినిమాల్లో నటించే అవకాశాలు దక్కించుకుంది. హిట్ మీద హిట్టు కొట్టడంతో టాప్ రేసులో దూసుకుపోతుంది. సినిమాకి రెండు కోట్ల రెమ్యునరేషన్ తీసుకుంటూ బిజీ స్టార్ గా మారింది.

'దువ్వాడ జగన్నాథం' సినిమా ఆమె సక్సెస్ జర్నీ మొదలవ్వగా.. ఆ తరువాత 'అరవింద సమేత', 'మహర్షి', 'అల.. వైకుంఠపురములో' ఇలా వరుస హిట్స్ అందుకుంది. గత నెలలో విడుదలైన 'రాధేశ్యామ్' సినిమా ఆమెకి చేదు అనుభవాన్ని మిగిల్చింది. అలానే చాలా కాలం తరువాత తమిళంలో 'బీస్ట్' సినిమాతో రీఎంట్రీ ఇచ్చింది పూజా. ఈ సినిమా కూడా ఫ్లాప్ అయింది.

ఈ సినిమా ట్రైలర్ విడుదలైనప్పుడే అసలు సినిమాలో పూజా ఉందా..? అన్నట్లు కామెంట్స్ చేశారు. తీరా సినిమా విడుదలయ్యాక అసలు అలాంటి రోల్ ఆమె ఎలా ఒప్పుకుందనే మాటలు వినిపించాయి. రెండు పాటల్లో తప్పితే సినిమాలో పూజా క్యారెక్టర్ కి అసలు స్కోపే లేదు. వరుసగా రెండు ఫ్లాప్ లు రావడంతో ఆమె డీలా పడింది. ఇప్పుడు ఈ బ్యూటీ నటించిన 'ఆచార్య' సినిమా ప్రేక్షకుల ముందుకు రానుంది.

ఈ సినిమాలో పూజాహెగ్డే.. రామ్ చరణ్ కి జోడీగా కనిపించనుంది. నిజానికి ఇందులో ఆమెది ఫుల్ లెంగ్త్ హీరోయిన్ రోల్ కాదు. కానీ ఈ సినిమాతో హిట్టు కొట్టాలని చూస్తుంది. 'ఆచార్య'పైనే ఆశలన్నీ పెట్టుకుంది. అందుకే ప్రమోషన్స్ లో కూడా అగ్రెసివ్ గా పాల్గొంటుంది. తెలుగులో తన స్టార్ డమ్ ను నిలబెట్టుకోవాలని చూస్తుంది. మరి 'ఆచార్య' ఆమెకి సక్సెస్ ను తీసుకొస్తుందో లేదో చూడాలి!

మరోపక్క బాలీవుడ్ లో వరుస సినిమాలు ఒప్పుకుంటుంది. రణవీర్ సింగ్, షారుఖ్ ఖాన్ లాంటి హీరోల సరసన ఆమె నటించబోతుంది. తెలుగులో మహేష్ బాబు-త్రివిక్రమ్ కాంబినేషన్ లో రాబోతున్న సినిమాలో హీరోయిన్ గా కనిపించనుంది.

Also Read: 'ఆచార్య'లో కనిపించని కాజల్ అగర్వాల్ రెమ్యునరేషన్ ఎంతో తెలుసా ?