Anil Ravipudi: హీరోగా మారబోతున్న సూపర్ హిట్ సినిమాల డైరెక్టర్ - లుక్ మార్చడం వెనుక కారణం అదేనా?
తెలుగు సినిమా పరిశ్రమలో సక్సెస్ ఫుల్ డైరెక్టర్ గా గుర్తింపు తెచ్చుకున్న అనిల్ రావిపూడి, మరో కొత్త అవతారం ఎత్తబోతున్నారు. త్వరలోనే ఆయన హీరోగా వెండితెరపై అరంగేట్రం చేయబోతున్నట్లు తెలుస్తోంది.
Director Anil Ravipudi: టాలీవుడ్ డైరెక్టర్లలో తనకంటూ ఓ ప్రత్యేక గుర్తింపు తెచ్చుకున్నారు అనిల్ రావిపూడి. రచయితగా కెరీర్ ను మొదలు పెట్టిన ఆయన, నెమ్మదిగా దర్శకుడిగా మారారు. తెలుగు సినిమా పరిశ్రమలోని అగ్ర హీరోలతో సినిమాలు చేసి బ్లాక్ బస్టర్ హిట్స్ అందుకున్నారు. స్టార్ డైరెక్టర్లలో ఒకరిగా మారారు. ఇప్పుడు మరో కొత్త అవతారం ఎత్తబోతున్నారు అనిల్ రావిపూడి.
హీరోగా తెరంగేట్రం చేయబోతున్న అనిల్ రావిపూడి!
డైరెక్టర్ గా సక్సెస్ అయిన అనిల్ రావిపూడి హీరోగా ప్రేక్షకుల ముందుకు రాబోతున్నారు. ఇందుకోసం తన బాడీని పూర్తిగా మార్చుకుంటున్నారు. ఇప్పటికే బరువు తగ్గి ఫిట్ గా మారారు. తన లుక్ ను కూడా మార్చుకునే పనిలో పడ్డారు అనిల్. ఇప్పటికే తన సినిమాలో నటించాల్సిందిగా ఓ నిర్మాత ఆయనను ఆఫర్ ఇచ్చారట. అంతే కాదు, ఈ మూవీ కోసం రూ. 20 కోట్లు బడ్జెట్ పెట్టేందుకు ఓకే చెప్పారట. ఈ నేపథ్యంలో ఆ చిత్రంలో నటించేందుకు అనిల్ కూడా గ్రీన్ సిగ్నల్ ఇచ్చినట్లు ఇండస్ట్రీలో టాక్ నడుస్తోంది. త్వరలోనే ఈ సినిమాకు సంబంధించి పూర్తి విషయాలు అధికారికంగా బయటకు వచ్చే అవకాశం ఉంది.
View this post on Instagram
వెంకటేష్ తో సినిమా చేస్తున్న అనిల్ రావిపూడి
అటు అనిల్ రావిపూడి ప్రస్తుతం విక్టరీ వెంకటేష్ తో కలిసి ఓ సినిమా చేస్తున్నారు. ప్రస్తుతం ఈ మూవీ షూటింగ్ శరవేగంగా కొనసాగుతోంది. సుమారు రూ. 50 కోట్ల బడ్జెట్ తో ఈ సినిమా తెరకెక్కుతోంది. ఈ చిత్రంలో మీనాక్షి చౌదరి హీరోయిన్ గా చేస్తున్నట్లు తెలుస్తోంది. ఈ సినిమాకు దిల్ రాజు నిర్మాతగా వ్యవహరిస్తున్నారు. తనకు బాగా కలిసి వచ్చే సంక్రాంతికి ఈ మూవీని బరిలోకి దించాలని దిల్ రాజు భావిస్తున్నారు. అందుకే ఈ క్రేజీ ప్రాజెక్టుకు ‘సంక్రాంతికి వొస్తున్నాము’ అనే పేరు పెట్టించారని తెలుస్తోంది. ఇక ఈ చిత్రంలో ఇద్దరు స్టార్ హీరోలు గెస్ట్ రోల్స్ పోషించబోతున్నారట. వారిలో ఒకరు నటసింహం నందమూరి బాలయ్య కాగా, మరొకరు మాస్ మహారాజా రవితేజ. ఇప్పటికే వీరిద్దరిని సినిమాలో నటించేందుకు దర్శకుడు అనిల్ ఒప్పించినట్లు తెలుస్తోంది.
అనిల్, వెంకీ కాంబోలో వస్తున్న మూడో చిత్రం
అటు వెంకటేష్ తో కలిసి అనిల్ రావిపూడి రెండు సినిమాలు చేశారు. అందులో ఒకటి ‘F2’ కాగా, మరొకటి ‘F3’. ఈ రెండు సినిమాలు కూడా సంక్రాంతి కానుకగానే ప్రేక్షకుల ముందుకు వచ్చాయి. వీటిలో ‘F2’ సినిమా బాక్సాఫీస్ దగ్గర బ్లాక్ బస్టర్ హిట్ అయ్యింది. వంద కోట్ల క్లబ్ లో చేరింది. ‘F3’ మాత్రం అంతగా ఆకట్టుకోలేకపోయింది. వీరిద్దరి కాంబోలో వస్తున్న మూడో చిత్రంపై ప్రేక్షకలలో భారీగా అంచనాలు నెలకొన్నాయి. ఈ సినిమా ఏమేరకు సక్సెస్ అందుకుంటుందో చూడాలి.
Read Also: బాక్సాఫీస్ దగ్గర దుమ్మురేపుతున్న ‘కమిటీ కుర్రోళ్ళు’- రెండు రోజుల్లో ఎన్ని కోట్లు వసూలు చేసిందంటే?
టాప్ హెడ్ లైన్స్
ట్రెండింగ్ వార్తలు
