Hyper Aadi: రష్యా అమ్మాయినీ వదలని హైపర్ ఆది, సుధీరే తోపంటున్న నెటిజన్స్!

హైపర్ ఆది ఫన్ ఒకే, మా సుధీర్ ఎక్కడా అని అడుగుతున్నారు అతడి ఫ్యాన్స్. ప్రోమో కింద అన్నీ సుధీర్ గురించే చర్చ.

Image Credit: Etv Telug

పంచుల సునామీ హైపర్ ఆది గురించి మీకు తెలిసిందే. ‘జబర్దస్త్’ షోకు ఆది దూరంగా ఉంటున్నా.. ‘ఢీ-14’లో మాత్రం కొనసాగుతున్నాడు. ఈ సారి సుధీర్ ‘ఢి’ షోలో కూడా లేకపోవడంతో హైపర్ ఆదియే షోను నడిపిస్తున్నాడు. అయితే, ప్రేక్షకులు మాత్రం.. సుధీర్ లేకపోవడం వల్ల షో చూడలేకపోతున్నామని అంటున్నారు. సుధీర్, రష్మీలు ‘ఢీ’ షోలో ఉన్నప్పుడు కామెడీ పండేది. యాంకర్ ప్రదీప్‌తో కూడా వారితో ఒక ఆట ఆడుకొనేవాడు. అయితే, సుధీర్-రష్మీ జంట లేకపోవడంతో షో మొత్తం ఆది, ప్రదీప్ చుట్టూనే తిరుగుతోంది. ఈ నేపథ్యంలో షోకు మంచి టీఆర్పీ వచ్చేందుకు నిర్వాహకుల చాలా ప్రయత్నాలు చేస్తున్నారు. 

తాజాగా విడుదలైన ‘ఢీ-14’ ప్రోమో(జూన్ 22)లో కొత్తగా రష్యా డ్యాన్సర్‌ను పరిచయం చేశారు. ఇంకేముంది ఆది ఆమెతో ఓ ఆట ఆడుకున్నాడు. ఎప్పటిలాగానే పంచుల వర్షం కురిపించాడు. ఆమెతో ‘‘ఉ అంటావా.. ఊఊ అంటావా’’ పాట పాడించేందుకు ప్రయత్నించాడు. ఆ పాటకు రష్యా డ్యాన్సర్.. స్టెప్పులతో అదరగొట్టేసింది. అయితే, సుధీర్ ‘ఈటీవీ’లో ప్రసారమయ్యే షోస్ నుంచి బయటకు వెళ్లిపోవడంతో.. అభిమానులు బాగా మిస్సవ్వుతున్నట్లు తెలుస్తోంది. యూట్యూబ్‌లో పోస్ట్ చేసే ప్రతి ప్రోమోలో.. సుధీర్ గురించే కామెంట్లు. సుధీర్ తిరిగి వస్తేనే ‘ఢీ’ షోకు మళ్లీ పూర్వ వైభవం వస్తుందని కొందరు అంటున్నారు. సుధీర్ ఉన్నప్పుడే తమకు షో చూడాలనే ఆసక్తి కలిగేదని తెలుపుతున్నారు. తప్పకుండా సుధీర్ తిరిగి ఆ షోకు తిరిగి వస్తాడని మరికొందరు అంటున్నారు. 

సుధీర్ ప్రస్తుతం ‘స్టార్ మా’లో ‘సూపర్ సింగర్ జూనియర్’లో అనసూయతో కలిసి యాంకరింగ్ చేస్తున్నాడు. అయితే, అది పిల్లల షో కావడం వల్ల.. సుధీర్ స్టైల్ ఫన్ క్రియేట్ కావడం లేదని అతడి అభిమానులు అంటున్నారు. పైగా, అనసూయతో కలిసి సుధీర్ యాంకరింగ్ చేయడం కూడా సెట్ కాలేదని అంటున్నారు. సుధీర్‌ను తమకు ‘ఎక్స్‌ట్రా జబర్దస్త్’, ‘ఢి’, ‘శ్రీదేవి డ్రామా కంపెనీ’లో మాత్రమే చూడాలని ఉందని, అక్కడే అతడికి బోలెడంత ఫన్ క్రియేట్ చేసే అవకావకాశం ఉంటుందని అంటున్నారు. అలాగే, తమకు మళ్లీ సుధీర్-రష్మీలను కలిసి చూడాలని ఉందని కూడా అంటున్నారు. మరి, సుధీర్ మళ్లీ తిరిగి వచ్చేందుకు సిద్ధమైనా.. మల్లెమాలవారి మనసు కరుగుతుందో లేదో చూడాలి. 

‘ఢి-14’ ప్రోమో కోసం ఇక్కడ క్లిక్ చేయండి.