ఏ దేశానికి చెందని గూఢచారి - ప్రియాంక యాక్షన్ సిరీస్ ‘సిటడెల్’ ట్రైలర్ చూశారా?

Citadel New Series Trailer Released Starring Richard Madden Priyanka Chopra: ‘గేమ్ ఆఫ్ థ్రోన్స్’ ఫేం రిచర్డ్ మాడెన్, ప్రియాంక చోప్రా జంటగా నటిస్తున్న యాక్షన్ సిరీస్ ‘సిటడెల్’. ఏప్రిల్ 28వ తేదీ నుంచి అమెజాన్ ప్రైమ్‌లో ఈ సిరీస్ స్ట్రీమ్ కానుంది. ‘అవెంజర్స్: ఇన్‌ఫినిటీ వార్’, ‘అవెంజర్స్: ఎండ్ గేమ్’ సినిమాల దర్శకులు రుసో బ్రదర్స్ ఈ సిరీస్‌ను తెరకెక్కించారు. ‘సిటడెల్’ ట్రైలర్‌ను మేకర్స్ విడుదల చేశారు.

గతం మర్చిపోయిన ఇద్దరు ఏజెంట్లు ఒకరినొకరు కలవడంతో ఈ ట్రైలర్ ప్రారంభం అవుతుంది. సడెన్‌గా వారిద్దరి మీద కొందరు అటాక్ చేయడం, వారు ఒకరికి ఒకరు గుర్తుకు రావడం ఇలా ఆసక్తికరంగా ఈ ట్రైలర్ సాగుతుంది. వీరిద్దరూ ఏ దేశానికి చెందని ‘సిటడెల్’ అనే ప్రైవేటు గూఢచారి సంస్థకు పని చేసే వారని తర్వాత రివీల్ అవుతుంది.

ఈ ట్రైలర్‌‌లో సిరీస్ కథను ఏ మాత్రం రివీల్ చేయలేదు. మంచులో, ట్రైన్‌లో అదిరిపోయే యాక్షన్ సీక్వెన్స్‌లతో ట్రైలర్‌ను నింపేశారు. మిషన్ ఇంపాజిబుల్, జేమ్స్ బాండ్ తరహా స్పై చిత్రాలను తలపించేలా ప్రొడక్షన్ వాల్యూస్ ఉన్నాయి. ఏప్రిల్ 28వ తేదీన ‘సిటడెల్’ మొదటి రెండు ఎపిసోడ్లు స్ట్రీమ్ కానున్నాయి. తర్వాత వారానికో ఎపిసోడ్ చొప్పున మే 26వ తేదీ వరకు స్ట్రీమ్ చేయనున్నారు.

ఈ సిరీస్‌రకు వివిధ దేశాల్లో స్పిన్ ఆఫ్‌లను కూడా రూపొందిస్తున్నారు. ఇండియన్ వెర్షన్ ‘సిటడెల్’కు రాజ్ అండ్ డీకే దర్శకత్వం వహిస్తున్నారు. ఇందులో వరుణ్ ధావన్, సమంత నటించనున్నారు. దీనికి సంబంధించిన షూటింగ్ కూడా ఇటీవలే ప్రారంభం అయింది. 2024లో ‘సిటడెల్’ ఇండియన్ వెర్షన్ విడుదల అయ్యే అవకాశం ఉంది. ఇటలీ, స్పెయిన్, మెక్సికోల్లో కూడా ‘సిటడెల్’ వెర్షన్లపై వర్క్ జరుగుతోంది.

రాజ్ అండ్ డీకే ఇటీవలే అమెజాన్ ప్రైమ్‌కు ‘ఫర్జీ’ రూపంలో బ్లాక్‌బస్టర్ వెబ్ సిరీస్‌ను అందించారు. క్రిటిక్స్, ఆడియన్స్ దగ్గర నుంచి ఫర్జీకి బ్లాక్‌బస్టర్ రెస్పాన్స్ లభించింది. ‘ది ఫ్యామిలీ మ్యాన్’ యూనివర్స్‌తో కూడా దీన్ని క్రాస్ ఓవర్ చేశారు.

On April 28, enter a new age of espionage. Watch the trailer for @CitadelOnPrime, a new series starring Richard Madden and Priyanka Chopra Jonas. #CitadelOnPrime pic.twitter.com/rbD63JXOJA

— Prime Video (@PrimeVideo) March 6, 2023

On April 28, enter a new age of espionage. Watch the trailer for Citadel, a new series on @PrimeVideo starring @_richardmadden and @priyankachopra. #CitadelOnPrime pic.twitter.com/RzgASApblJ

— Citadel (@CitadelonPrime) March 6, 2023

On April 28, enter a new age of espionage. Watch the trailer for Citadel now! @CitadelonPrime #CitadelOnPrime pic.twitter.com/pvRh6QXMb3

— PRIYANKA (@priyankachopra) March 6, 2023

Remember the past. Save the future. #CitadelOnPrime pic.twitter.com/NMkDz8s7y0

— Citadel (@CitadelonPrime) March 6, 2023