Yatra 2 : వైఎస్ జగన్ 'యాత్ర 2'లో సోనియా గాంధీ - ఫస్ట్ లుక్ వచ్చేసింది!
Suzanne Bernert as Sonia Gandhi : 'యాత్ర 2'లో సోనియా గాంధీ పాత్రలో జర్మన్ నటి సుజానే బెర్నెర్ట్ నటిస్తున్నారు. ఇవాళ ఆవిడ ఫస్ట్ లుక్ విడుదల చేశారు.
Suzanne Bernert first look as Sonia Gandhi in Yatra2 : తెలుగు రాజకీయాల్లో, ఆ మాటకు వస్తే... వైఎస్ రాజశేఖర్ రెడ్డి, ఆయన తర్వాత తనయుడు వైఎస్ జగన్ మోహన్ రెడ్డి రాజకీయ ప్రయాణంలో కాంగ్రెస్ అగ్ర నేత సోనియా గాంధీ పాత్రను విస్మరించలేం. నిజ జీవితంలో మాత్రమే కాదు... వైఎస్ కుటుంబ రాజకీయ ప్రయాణాన్ని వెండితెరపైకి తీసుకు వస్తున్న దర్శకుడు మహి వి రాఘవ్ (Mahi V Raghav) కూడా ఆమెను విస్మరించలేదు.
ఇది వైఎస్ జగన్ మోహన్ రెడ్డి 'యాత్ర 2'
ఆంధ్రప్రదేశ్ మాజీ ముఖ్యమంత్రి వైఎస్ రాజశేఖర్ రెడ్డి (YS Rajasekhara Reddy) జీవితం, ఆయన పాదయాత్ర ఆధారంగా 'యాత్ర' వచ్చింది. ఇప్పుడు ఆ చిత్రానికి కొనసాగింపుగా... ఏపీ సీఎం, వైయస్సార్ తనయుడు వై.ఎస్. జగన్ మోహన్ రెడ్డి (YS Jagan Mohan Reddy) చేసిన పాదయాత్ర, జైలు జీవితం ఆధారంగా మహి వి రాఘవ్ 'యాత్ర 2' తీస్తున్నారు. త్రీ ఆట‌మ్ లీవ్స్‌, వీ సెల్యూలాయిడ్ సంస్థలతో కలిసి శివ మేక నిర్మిస్తున్నారు.
'యాత్ర 2'లో సోనియా గాంధీగా సుజానే
'యాత్ర'లో వైయస్సార్ రోల్ చేసిన మమ్ముట్టి... 'యాత్ర 2'లో మరోసారి ఆ పాత్రలో కనిపించనున్నారు. వైఎస్ జగన్ మోహన్ రెడ్డి పాత్రలో తమిళ హీరో, నిర్మాత ఆర్బీ చౌదరి తనయుడు జీవా నటిస్తున్నారు. ఏపీ మాజీ ముఖ్యమంత్రి, తెలుగుదేశం పార్టీ అధినేత నారా చంద్రబాబు నాయుడు పాత్రను మహేష్ మంజ్రేకర్ పోషిస్తున్నారు. ఈ సినిమాలో సోనియా గాంధీ పాత్రలో జర్మన్ నటి సుజానే బెర్నెర్ట్ నటిస్తున్నారని ఈ రోజు అధికారికంగా వెల్లడించారు.
Also Read : ఆ పెళ్లి కొడుకు ఎవరో నాకూ చెప్పండయ్యా - అల్లు కామెంట్స్ వైరల్ కావడంతో హీరోయిన్ క్లారిటీ
Suzanne Bernert First Look In Yatra 2 : వైయస్సార్ మరణం తర్వాత తెలుగు గడ్డపై జరిగిన రాజకీయాల్లో కాంగ్రెస్ అగ్ర నేత సోనియా గాంధీ పేరు బలంగా వినిపించింది. ఆమె పాత్రను ఎలా చూపిస్తున్నారు? అనేది సినిమా విడుదలైతే తప్ప చెప్పలేం! జర్మన్ నటి సుజానే బెర్నెర్ట్ (Suzanne Bernert) ఫస్ట్ లుక్ చూస్తే... అచ్చం సోనియా గాంధీలా ఉన్నారని నెటిజనులు కామెంట్ చేస్తున్నారు. హిందీ నటుడు, ఈ ఏడాది మరణించిన అఖిల్ మిశ్రా భార్య సుజానే. సుమారు 20 ఏళ్ళ నుంచి భారతీయ సినిమాలు, వెబ్ సిరీస్, సీరియళ్లు చేస్తున్నారు. తెలుగులో ఆమెకు తొలి సినిమా 'యాత్ర 2'. ''ఒకవేళ అతనిని ఎదుర్కోలేకపోతే... నాశనం చేయండి'' అని ఆవిడ క్యారెక్టర్ పోస్టర్ మీద పేర్కొన్నారు.
Also Read : పెళ్లిలో లావణ్య త్రిపాఠి కట్టుకున్న చీరపై ఏం రాసి ఉందో చూశారా?
Their Paths crossed,
— VcelluloidOfficial (@vcelluloidsoffl) November 7, 2023
The Dynasty Collapsed,
The History changed !#Yatra2 #Yatra2OnFeb8th #LegacyLivesOn @MahiVraghav @ShivaMeka @Music_Santhosh @madhie1 #SelvaKumar @3alproduction pic.twitter.com/oAptovTCXg
ఫిబ్రవరి 8న థియేటర్లలోకి 'యాత్ర 2'
'యాత్ర' చిత్రాన్ని 2019లో ఫిబ్రవరి 8న విడుదల చేశారు. 'యాత్ర 2'ను కూడా ఆ తేదీకి విడుదల చేయనున్నట్లు తెలిపారు. వచ్చే ఏడాది ఫిబ్రవరి 8న 'యాత్ర 2' విడుదల కానుంది. ఈ చిత్రానికి ఛాయాగ్రహణం : మది, సంగీతం : సంతోష్ నారాయణన్‌.
టాప్ హెడ్ లైన్స్
ట్రెండింగ్ వార్తలు
