RGV: పవన్ సినిమాకి సంపూ సినిమాకి తేడా లేనప్పుడు మీ ప్రభుత్వంలో మంత్రికి డ్రైవర్‌కి కూడా తేడా లేదా? ఆర్జీవీ స్ట్రాంగ్‌ కౌంటర్

ఆంధ్రప్రదేశ్‌లో టికెట్ల రేట్లపై ఆర్జీవీ మరోసారి ప్రశ్నలు సంధించారు. నిన్న వర్మ అడిగిన ప్రశ్నలకు పేర్ని నాని రియాక్ట్ అయ్యారు. దీనికి వర్మ కూడా అదే స్థాయిలో కౌంటర్‌ ఇచ్చారు.

RGV

ఆంధ్రప్రదేశ్‌లో టికెట్ల వ్యవహారం ఇంకా సద్దుమణగలేదు. ప్రభుత్వం, దర్శకుడు రామ్‌గోపాల్‌ వర్మ మధ్య వివాదం మరింత రాజుకుంటోంది. ప్రశ్నలతో ప్రభుత్వాన్ని ఆర్జీవీ నిలదీస్తుంటే... రివర్స్‌ అటాక్‌తో మంత్రి పేర్ని నాని విరుచుకు పడ్డారు. గత మూడు రోజులుగా వీళ్ల మధ్య వార్ నడుస్తోంది. 

నిన్న ఆర్జీవీ అడిగిన ప్రశ్నలకు సమాధానం ఇచ్చిన మంత్రి పేర్ని నాని...  రూ.100 టికెట్‌ను రూ.వెయ్యికి, రూ.2 వేలకి అమ్ముకోవచ్చని ఏ బేసిక్ ఎకనమిక్స్ చెప్పాయి? ఏ చట్టం చెప్పింది? దీన్ని ఏ మార్కెట్ మెకానిజం అంటారు? డిమాండ్ అండ్ సప్లై అంటారా? లేక బ్లాక్ మార్కెటింగ్ అంటారా? సామాన్యుడి మోజుని, అభిమానాన్ని లూటీ చేసే పరిస్థితి లేకుండా చూసేందుకు అన్ని రాష్ట్ర ప్రభుత్వాలు 66 ఏళ్ళుగా చట్టాలకు లోబడే సినిమా టికెట్ ధరను నిర్ణయిస్తున్నాయి.’’ అని ఎదురు ప్రశ్నలు వేశారు దీనికి వర్మ కూడా కౌంటర్‌ అటాక్ చేశారు. 

ప్రభుత్వంలో ఉన్న కొందరి గురించి ప్రస్తావిస్తూనే ప్రభుత్వ చర్యలను నిలదీశారు. ఆయన ఏమన్నారంటే... "నేనడిగే ముఖ్య ప్రశ్న టికెట్ ధర నిర్ణయించటానికి ప్రభుత్వం ఎవరని? పవన్ కళ్యాణ్ సినిమాకి సంపూర్ణేష్ బాబు సినిమాకి మీ ప్రభుత్వం లో తేడా లేనప్పుడు మంత్రిగా మీకు మీ డ్రైవర్ కి కూడా తేడా లేదా?"

నేనడిగే ముఖ్య ప్రశ్న టికెట్ ధర నిర్ణయించటానికి ప్రభుత్వం ఎవరని? పవన్ కళ్యాణ్ సినిమాకి సంపూర్ణేష్ బాబు సినిమాకి మీ ప్రభుత్వం లో తేడా లేనప్పుడు మంత్రిగా మీకు మీ డ్రైవర్ కి కూడా తేడా లేదా? https://t.co/Zziw7n85Nv

— Ram Gopal Varma (@RGVzoomin) January 5, 2022

కొంతమందిలాగా నోరేసుకోని పడిపోకుండా కూల్‌గా రియాక్ట్‌ అయినందుకు ముందుగా పేర్ని నానికి థ్యాంక్స్‌ చెప్పారు. తర్వాతా ప్రశ్నలు సంధించారు. 

థ్యాంక్యూ నాని గారు..చాలా మంది లీడర్ల లా పరుష పదజాలం తో మాట్లాడకుండా డిగ్నిటీ తో సమాధానం ఇచ్చినందుకు చాలా థ్యాంక్స్ అండీ..ఇక విషయానికి వస్తే వంద రూపాయల టికెట్ ని వెయ్యికి అమ్ముకోవచ్చా? అన్నది క్వశ్చన్ కాదండీ ..అది అమ్మేవాడి నమ్మకం..కొనేవాడి అవసరం బట్టి ఉంటుంది https://t.co/vNmYLAXmty

— Ram Gopal Varma (@RGVzoomin) January 5, 2022

 

నీళ్ళు లేని పరిస్థితి ఉన్నప్పుడు గ్లాస్ నీళ్ళు 5 లక్షలకి కొనచ్చు అది పరిస్థితిని ఎక్స్ప్లాయిట్ అనుకుంటే మార్కెట్ ఉన్నదే దానికి .. కార్ కావాలనే కోరికని ఎక్స్ప్లాయిట్ చెయ్యడానికే లగ్జరీ కార్లు చేసి ఆకర్షిస్తారు
తప్పని అడ్డు కట్ట వేస్తే మనం ఇప్పటికీ కాలి నడకన తిరుగుతూ ఉండేవాళ్ళం https://t.co/vNmYLAXmty

— Ram Gopal Varma (@RGVzoomin) January 5, 2022

 

ముడి పదార్థం 500 కూడా ఖర్చవ్వని పెయింటింగ్ ని కొనేవాడుంటే 5 కోట్లకి అమ్ముతారు
ముడి పదార్థానికి మాత్రమే వాల్యూ ఇస్తే బ్రాండ్ కి, ఐడియా కి ఎలా వెల కడతారు?
క్వాలిటీ ఆఫ్ లైఫ్ అనేది కంటిన్యువస్ గా అన్ని ఇంకా బెటర్ గా ఉండేలా ప్రయత్నించడం ..బెటరా కాదా అనేది కొనుగోలుదారుడు నిర్ణయిస్తాడు. https://t.co/vNmYLAXmty

— Ram Gopal Varma (@RGVzoomin) January 5, 2022

టాక్స్‌లు సరిగా వస్తున్నాయా రాలేదా అన్నదానిపై ప్రభుత్వం కాన్‌సెంట్రేషన్ చేయాలే కానీ... మిగతా వాటి గురించి ఎందుకని ఆర్జీవీ ఫైర్ అయ్యారు. ఓపెన్‌గా రేటు చెప్పి ‌అమ్ముతున్నప్పుడు అది క్రైం ఎలా అవుతుందని డౌట్‌ వ్యక్తం చేశారు. 

కొనేవాడికి అమ్మేవాడికి మధ్య ట్రాన్సాక్షన్ ఎంతకి జరిగిందనే ట్రాన్స్పరెన్సీ మాత్రమే ప్రభుత్వాలకి అవసరం ..ఎందుకంటే వాళ్ళకి రావాల్సిన టాక్స్ కోసం.
బ్లాక్ మార్కెటింగ్ అనేది గవర్నమెంట్ కి తెలియకుండా చేసే క్రైమ్ ..ఓపెన్ గా ఎంతకి అమ్ముతున్నాడో చెప్పి అమ్మితే అది తప్పెలా అవుతుంది? https://t.co/vNmYLAXmty

— Ram Gopal Varma (@RGVzoomin) January 5, 2022

డిమాండ్‌,సప్లై థియరీ ప్రకారం సినిమా ఇండస్ట్రీ పని చేస్తుందని... బాంబేలో రోజును బట్టి సినిమాను బట్టి టికెట్‌ రేట్లు ఉంటాయని గుర్తు చేశారు రామ్‌గోపాల్‌ వర్మ. 

ఉదాహరణకి మీకు తెలుసో తెలియదో బాంబే ఢిల్లీ లలో వీక్ డే బట్టి, థియేటర్ బట్టి, ఏ సినిమా అనేదాన్ని బట్టి టికెట్ ప్రైజ్ లు 75 రూపాయల నుండి 2200 రూపాయల వరకూ వేరీ అవుతాయి
వీటన్నింటినీ నియంత్రించేది కేవలం ఓల్డెస్ట్ ఎకనామిక్ థియరీ డిమాండ్ అండ్ సప్లై https://t.co/vNmYLAXmty

— Ram Gopal Varma (@RGVzoomin) January 5, 2022

విపత్కార పరిస్థితుల్లోనే ప్రభుత్వాల జోక్యం అవసరమని... సినీ పరిశ్రమలో అలాంటి పరిస్థితి ఏమైనా వచ్చిందా అంటూ పేర్ని నానిని ప్రశ్నించారు ఆర్జీవీ. 

గవర్నమెంట్ ఇంటర్వెన్షన్ అనేది కొన్ని విపరీత పరిస్థితుల్లో బియ్య0 గోధుమ లాంటివి ఉత్పత్తి ఎక్కువయిపోయి ధర పడిపోయినప్పుడు ఉత్పత్తి తక్కువయిపోయి ధర విపరీతంగా పెరిగిపోయినప్పుడు కానీ ఉంటుంది. అలాంటి విపరీత పరిస్థితి ఇప్పుడు ఫిల్మ్ ఇండస్ట్రీ లో కానీ ప్రేక్షకుల లో కానీ ఎక్కడ వచ్చిందండీ? https://t.co/vNmYLAXmty

— Ram Gopal Varma (@RGVzoomin) January 5, 2022

 

సారీ నాని గారు లూటీ అనే పదం ఉపయోగించేది బలాన్ని ఉపయోగించి క్రిమినల్ గా లాక్కున్నప్పుడు ...అమ్మేవాడు కొనేవాడు పరస్పరం అంగీకరించుకుని చేసుకునే దాన్ని ట్రాన్సాక్షన్ అంటారు ...ఆ ట్రాన్సాక్షన్ లీగల్ గా జరిగినప్పుడు గవర్నమెంట్ వాటా టాక్స్ రూపంగా తానంతట తనే వస్తుంది https://t.co/t3hBzQNGov

— Ram Gopal Varma (@RGVzoomin) January 5, 2022

థియేటర్లు అన్నీ కూడా బిజినెస్‌ కోసమే ఉన్నాయని... అలా కాకుండా ప్రజాకోణంలో వినోద సేవలు అందిస్తున్నాయని ఎక్కడా లేదని... మీకు మీరు ఇచ్చిన నిర్వచనమని పేర్ని నానికి ఘాటుగా రిప్లై ఇచ్చారు.  

థియేటర్లనేవి ప్రజా కోణం లో వినోద సేవలందించే ప్రాంగణాలు అని చెప్పారు. అలా అని ఏ ప్రజలు చెప్పారో వాళ్ల పేర్లు చెప్పగలరా? లేకపోతే రాజ్యాంగం లో కానీ సినిమాటోగ్రఫీ యాక్ట్ లో ఈ డెఫినిషన్ ఉందా.మీ ప్రభుత్వం తీసుకున్న నిర్ణయాలని సమర్థించుకోవటానికి, ఆ డెఫినిషన్ మీకు మీరు ఇచ్చుకుంటున్నారు. https://t.co/JQWp7NIxWm

— Ram Gopal Varma (@RGVzoomin) January 5, 2022

 

థియేటర్లనేవి , జూన్ 19 1905 న నికెలోడియోన్ అనే ప్రపంచం లోనే మొట్ట మొదటి థియేటర్ అమెరికా లో పెట్టినప్పటి నుంచి ఈనాటి వరకూ అవి కేవలం బిజినెస్ కోసం పెట్టిన వ్యాపార సంస్థలు..అంతే కానీ ప్రజా సేవ నిమిత్తం ఎప్పుడూ ఎవ్వరూ పెట్టలేదు..కావాలంటే మీ గవర్నమెంట్ లో ఉన్న థియేటర్ ఓనర్లని అడగండి https://t.co/JQWp7NIxWm

— Ram Gopal Varma (@RGVzoomin) January 5, 2022

 

సొసైటీ ఆధునీకతకి ముఖ్య కారణం మోటివేషన్..ఎందుకంటే ప్రతి మనిషి కూడా మానవ సహజంగా ఉన్న పొజిషన్ కన్నా ఎదగాలని కోరుకుంటాడు .. పేదవాడు ధనికుడవ్వాలని కోరుకుంటాడు, సైంటిస్ట్ ఎవ్వరూ కనిపెట్టలేనిది కనిపెట్టాలనుకుంటాడు .మీ పార్టీ కార్యకర్త మీలా మంత్రి అవ్వాలని కోరుకుంటాడు https://t.co/ztXFxqvVGd

— Ram Gopal Varma (@RGVzoomin) January 5, 2022

ఇంకా ఎదగాలి అనే మోటివేషన్‌ను ప్రోత్సహించేలా ప్రభుత్వ చర్యలు ఉండాలే కానీ... వాటిని తొక్కేలా ఉండకూడదన్నారు ఆర్జీవీ.

అలా కోరుకునేది అందరి కన్నా బెటర్ అవ్వాలనే ఒక మోటివేషన్ తో..ఆ బెటర్ గా ఉన్నప్పుడు వచ్చే అదనపు సౌఖ్యాలని కట్ చేసినప్పుడు మనిషికి మోటివేషన్ పోతుంది.. కమ్యూనిజం ఘోరంగా ఫెయిల్ అయ్యింది అక్కడే https://t.co/ztXFxqvVGd

— Ram Gopal Varma (@RGVzoomin) January 5, 2022

 

రేట్ లు తగ్గిస్తున్నది పేదవాడికి అందుబాటులో ఉండాలని ఎందుకంటే సినిమాని నిత్యావసర వస్తువుగా పరిగణిస్తున్నాము అని చెప్పింది మీ నాయకులే.. అది కానప్పుడు అసలు ఈ డిస్కషన్ ఎందుకు ఇష్యూ లేనప్పుడు? https://t.co/UyKtV1bFMg

— Ram Gopal Varma (@RGVzoomin) January 5, 2022

 

100% కరెక్ట్.అలాంటప్పుడు V EPIC థియేటర్ లో ఉన్న సౌకర్యాలను చూడకుండా ఆ థియేటర్ ఉన్న ఏరియా బట్టి టికెట్ ప్రైజ్ ఎలా పెట్టారు?ఈ కింది ట్వీట్ లో మీరు చెప్పింది మీకు అర్థమైతే ఇంక సమస్య లేనట్టే..
వివిధ హోటల్సు లో ఆ ఆ హోటల్ వాళ్ళు, వాళ్ళిచ్చే సౌకర్యాలను బట్టే ప్రైజ్ లిస్ట్ పెట్టుకుంటారు https://t.co/veUwcWUeRk

— Ram Gopal Varma (@RGVzoomin) January 5, 2022

పేదల్ని బాగు చేయాలన్న ఆలోచన మంచిదే కానీ... ధనికుల్ని పేదవాళ్లుగా మారుస్తామన్న ఏపీ ప్రభుత్వ థియరీ డేంజర్‌ ‌అన్నారు ఆర్జీవీ. ఇలా చేస్తే దేశంలోనే అత్యంత పేద రాష్ట్రంగా ఆంధ్రప్రదేశ్‌ మిగులుతుందన్నారు ఆర్జీవీ. 

పేదల కోసం చెయ్యడం అనే మీ ఉద్దేశం మంచిది కావచ్చు..కానీ దానికోసం పెదాల్ని ధనికుల్ని చెయ్యటానికి మీ ప్రభుత్వం పని చెయ్యాలి కానీ ఉన్న దనికుల్ని పేదల్ని చెయ్యకూడదు..అలా చేస్తే ఆంధ్రప్రదేశ్ ఇండియాలో కల్లా పేద రాష్ట్రం అయ్యే ప్రమాదముంది. https://t.co/DzN8BLMcsK

— Ram Gopal Varma (@RGVzoomin) January 5, 2022

తిట్లతో, వ్యక్తిగత విమర్శలతో డిబేట్‌ చేయకుండా చాలా డిగ్నిటీతో రియాక్ట్ అయ్యారని మంత్రి పేర్ని నానికి థ్యాంక్స్ చెప్పారు ఆర్జీవీ. లాజికల్‌ కన్‌క్లూజన్ మాత్రమే సమస్యకు పరిష్కారమన్నారు. 

చివరిగా @perni_nani గారు మీ పార్టీ లో కొందరు మిగతా లీడర్ల లాగా అడ్డంగా తిట్లతోనో పర్సనల్ విషయాల మీద దూకడం కాకుండా డిగ్నిటీ తో సామరస్యం పాటించినందుకు ఇంకోక్కసారి నా ధన్యవాదాలు. ఒక అంగీకారం అనేది లాజిక్ ఇచ్చిపుచ్చుకున్నప్పుడే వస్తుంది🙏🙏🙏

— Ram Gopal Varma (@RGVzoomin) January 5, 2022

తాను యావరేజ్‌ స్టూడెంట్‌నని.. ఎకనామిక్స్‌లో కూడా వీక్‌ అని... కానీ ప్రభుత్వంలో ఎవరైనా నిపుణులు వస్తే పబ్లిక్‌ డిబేట్‌కు రెడీ అని సవాల్‌  చేశారు. సినిమా పరిశ్రమపై ఉన్న ఒత్తిడి తగ్గించేందుకు సిద్ధమని అన్నారు రామ్‌గోపాల్ వర్మ. 

నేను యావరేజ్ ఇంజినీరింగ్ స్టూడెంట్ని,@perni_nani garu ఎకనామిక్స్ గురించి నాకు
ఏ బీ సీ తెలియదు..కానీ అనుమతిస్తే మీ ప్రభుత్వం లో టాప్ ఎకనామిక్స్ ఎక్స్పర్ట్ తో నేను టీవీ డిబేట్ కి రెడీ..మా సినిమా ఇండస్ట్రీ కి ప్రభుత్వానికి ఏర్పడ్డ మిసండర్స్టాన్డింగు తొలగిపోవడానికి అవసరం ..థ్యాంక్యూ

— Ram Gopal Varma (@RGVzoomin) January 5, 2022

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి