Vijay Sethupathi: విజయ్ సేతుపతి కొడుకుకు సూర్య పేరు పెట్టడం వెనుక సీక్రెట్... ఆ ఎమోషనల్ స్టోరీ తెలుసా?
Vijay Sethupathi Children's Name: విజయ్ సేతుపతి తన కొడుకుకు సూర్య అని పేరు పెట్టడం వెనుక మనసుకు కదిలించే ఒక ఎమోషనల్ స్టోరీ ఉంది అనే వార్త వైరల్ అవుతోంది.
కోలీవుడ్ స్టార్ హీరో విజయ్ సేతుపతి 'విడుదల 2' సినిమాతో మరికొన్ని గంటల్లో థియేటర్లలో ప్రేక్షకులను పలకరించడానికి సిద్ధంగా ఉన్నారు. డిసెంబర్ 20న ఈ మూవీ తెలుగు, తమిళ భాషల్లో రిలీజ్ కాబోతోంది. క్రిస్మస్ కానుకగా రానున్న 'విడుదల 2' ప్రమోషన్లలో సూర్య బిజీగా ఉన్నారు. ఈ క్రమంలోనే విజయ్ సేతుపతి తన కొడుకుకు సూర్య అని పేరు పెట్టడం వెనుక ఒక ఎమోషనల్ స్టోరీ ఉందనే వార్త తెగ వైరల్ అవుతోంది.
కొడుకుకు స్నేహితుడి పేరు
గతంలో ఓ సందర్భంలో విజయ్ సేతుపతి తన చిన్ననాటి రోజుల్లో మరణించిన తన స్నేహితుడి పేరును కొడుకుకు పెట్టాను అని చెప్పుకొచ్చారు. విజయ్ సేతుపతి కొడుకు పేరు సూర్య. తనకు ఇష్టమైన స్నేహితుడు తిరిగిరాని లోకాలకు వెళ్లిపోవడంతో, ఆ స్నేహితుడి జ్ఞాపకార్థంగా తన కొడుకుకు అతని పేరు వచ్చేలా సూర్య అనే పేరును పెట్టి, ఇలా నివాళి అర్పించారట. కాగా విజయ్ సేతుపతి దుబాయ్‌ లో పని చేస్తున్నప్పుడు తన భార్య జెస్సీ సేతుపతిని కలిశాడు. అప్పట్లోనే వారిద్దరూ ఆన్‌ లైన్‌లో డేటింగ్ చేశారు. 2003లో సేతుపతి తన ప్రియురాలు జెస్సిని పెళ్ళాడాడు. తరువాత ఇద్దరూ కలిసి ఇండియాకు వచ్చేశారు. అయితే మొదట్లో విజయ్ సేతుపతికి సినిమాపై ఆసక్తి ఉన్నప్పటికీ, ఆయన వివాహం అయ్యేంత వరకూ పెద్దగా పట్టించుకోలేదు. కానీ తరువాత దర్శకుడు బాలు మహేంద్ర ప్రేరణతో విజయ్ సేతుపతి నటుడిగా మారారు.
సూర్య సేతుపతి ఫస్ట్ మూవీ వాయిదా
సేతుపతి దంపతులకు ఇద్దరు పిల్లలు ఉన్నారు. కుమారుడు సూర్య పెద్దోడు, కుమార్తె శ్రీజ చిన్నది. నయనతారతో విజయ్ సేతుపతి కలిసి నటించిన 'నానుమ్ రౌడీ ధాన్‌'లో సూర్య నటించాడు. విగ్నేష్ శివన్ ఈ సినిమాకు దర్శకత్వం వహించారు. అందులో విజయ్ సేతుపతి చిన్ననాటి పాత్రను పోషించాడు సూర్య. కాగా సూర్యకు అదే ఫస్ట్ మూవీ. అలాగే 'సింధుబాద్' చిత్రంలో కూడా సూర్య తన తండ్రితో పాటు కలిసి స్క్రీన్ షేర్ చేసుకున్నాడు. 2024లో స్టంట్ మాస్టర్ అన్ల్ అరసు దర్శకత్వంలో 'ఫియోనిక్స్‌' అనే సినిమాతో సూర్య హీరోగా ఎంట్రీ ఇవ్వనున్నట్టు ప్రకటించారు. అన్ల్ అరసుకు కూడా ఇదే డెబ్యూ మూవీ. అయితే నవంబర్‌లో విడుదల కావాల్సిన ఈ సినిమా వాయిదా పడింది. 'ఫియోనిక్స్‌' మూవీ కొత్త విడుదల తేదీని ఇంకా ప్రకటించలేదు.
Also Read: బెయిల్‌పై బయటకొచ్చిన పవిత్ర గౌడ... ఆ గుడిలో దర్శన్ పేరు మీద ప్రత్యేక పూజలు - జనాల రియాక్షన్ ఏమిటంటే?
మరికొన్ని గంటల్లో 'విడుదల 2' రిలీజ్
విజయ్ సేతుపతి దర్శకుడు వెట్రిమారన్ దర్శకత్వంలో రూపొందిన 'విడుతలై పార్ట్ 2'లో లీడ్‌ రోల్స్ పోషించిన స్టార్స్ లో ఒకరిగా కనిపించనున్నారు. సూరితో కలిసి సేతుపతి నటించిన ఈ చిత్రం రెండ్రోజుల్లో పాన్ ఇండియా వైడ్ గా తెరపైకి రాబోతోంది. ఈ మూవీలో రాజీవ్ మీనన్, మంజు, సూరి, అనురాగ్ కశ్యప్, గౌతమ్ వాసుదేవ్ మీనన్ తదితరులు కీలకపాత్రలు పోషించారు. ఆర్ఎస్ ఇన్ఫోటైన్మెంట్, రెడ్ జాయింట్ మూవీస్, గ్రాస్ రూట్ ఫిలిం కంపెనీ ఈ సినిమాను సంయుక్తంగా నిర్మిస్తున్నారు. ఇక ఈ చిత్రానికి ఇళయరాజా సంగీతం అందిస్తున్నారు.
టాప్ హెడ్ లైన్స్
ట్రెండింగ్ వార్తలు
