Musician Deva : ఇండస్ట్రీలో విషాదం... ప్రముఖ మ్యూజిక్ డైరెక్టర్ దేవ కన్నుమూత
Tamil Music Director Deva : ఇండస్ట్రీలో తీవ్ర విషాదం నెలకొంది. ప్రముఖ తమిళ సంగీత దర్శకుడు దేవ శనివారం ఉదయం గుండెపోటుతో కన్నుమూశారు.
Tamil Music Director Deva Passes Away At 75 : తమిళ ఇండస్ట్రీలో విషాదం నెలకొంది. ప్రముఖ సంగీత దర్శకుడు దేవ (దేవనేసన్ చొక్కలింగం - 75) గుండెపోటుతో కన్నుమూశారు. తన ఇంట్లో ఒక్కసారిగా కుప్పకూలిపోవడంతో కుటుంబ సభ్యులు చెన్నైలోని ఓ ప్రైవేట్ ఆస్పత్రికి తరలించారు. అక్కడ చికిత్స పొందుతూ శనివారం ఉదయం కన్నుమూశారు.
తమిళంతో పాటు తెలుగు, కన్నడ, మలయాళం భాషల్లో 400లకు పైగా సినిమాలకు సంగీతం చేశారు. తమిళ సినిమా పరిశ్రమలో 'గానా' జానర్ పితామహుడిగా ప్రసిద్ధి చెందారు. రజనీ కాంత్, కమల్ హాసన్, విజయ్, అజిత్ వంటి అగ్ర హీరోల సినిమాలకు పని చేశారు.
తెలుగులోనూ...
1950లో చెన్నైలో జన్మించిన దేవా... జె.బి కృష్ణ ట్రైనింగ్‌లో శాస్త్రీయ సంగీతం నేర్చుకున్నారు. 1986లో వచ్చిన 'మాట్టుకర మన్నారు'తో ఇండస్ట్రీకి పరిచయం అయ్యారు. తర్వాత వివిధ భాషల్లో పలు సినిమాలకు స్వరాలు అందించారు. తెలుగులోనూ స్టార్ హీరోస్ మూవీస్‌కు మ్యూజిక్ అందించారు. తెలుగులో 'శ్రీమాన్ బ్రహ్మచారి' సినిమాకు ఫస్ట్ టైం మ్యూజిక్ అందించిన దేవా... చిరంజీవి 'మాస్టర్', పవన్ కల్యాణ్ 'తొలిప్రేమ', ఆటో డ్రైవర్, బాగున్నారా, ప్రేమలేఖ, పంచతంత్రం, నాగ తదితర సినిమాలకు వర్క్ చేశారు.
అలాగే, రజనీ కాంత్ భాష, అరుణాచలం, అన్నామలై వంటి సూపర్ హిట్ మూవీస్‌కు మ్యూజిక్ అందించి ఫుల్ ఫేమ్ సంపాదించుకున్నారు. ఆయన కుమారుడు శ్రీకాంత్ దేవా కూడా మ్యూజిక్ డైరెక్టర్‌గా ఇండస్ట్రీలో కంటిన్యూ అవుతున్నారు.
Also Read : Nagarjuna : రిలీజ్ డేట్... సరైన ప్లానింగ్ ఉండాలి - వాయిదాలపై నాగ్ అసహనం... ఆ పెద్ద మూవీ అదేనా?
టాప్ హెడ్ లైన్స్
ట్రెండింగ్ వార్తలు
