Bhari Movie: 'బరి'లో తండ్రీ కొడుకులు... తొలిసారి నాగబాబు, వరుణ్ తేజ్ కలిసి

Varun Tej Nagababu: మెగా ప్రిన్స్ వరుణ్ తేజ్, ఆయన తండ్రి మెగా బ్రదర్ నాగబాబు కలిసి తొలిసారి స్క్రీన్ షేర్ చేసుకోబోతున్నారు. 'బరి'లో తండ్రీ కొడుకులు తెరపై కనిపించనున్నారు.

వరుణ్ తేజ్ 'బరి'లో నాగబాబు... మెగా తండ్రీ కొడుకులు తొలిసారి కలిసి

Source : https://www.instagram.com/varunkonidela7/

Show Quick Read

Key points generated by AI, verified by newsroom

• వరుణ్ తేజ్ నటిస్తున్న 'బరి'లో నాగబాబు కీలక పాత్ర.
• తండ్రీ తనయులు వరుణ్, నాగబాబు తొలిసారిగా కలిసి నటించారు.
• నిహారిక నిర్మిస్తున్న పాన్ ఇండియా వాలీబాల్ స్పోర్ట్స్ డ్రామా.
• వరుణ్ తేజ్ గాయం వల్ల చిత్రీకరణ, విడుదల వాయిదా.

'మగధీర'లోని ఓ పాటలో మెగాస్టార్ చిరంజీవి తళుక్కున మెరిశారు. తర్వాత 'బ్రూస్ లీ'లోని క్లైమాక్స్ సీన్ చేశారు. తనయుడు రామ్ చరణ్ సినిమాల్లో తండ్రి చిరంజీవి కనిపించడంతో అభిమానులు పండగ చేసుకున్నారు. చిరంజీవి రీ ఎంట్రీ సినిమా 'ఖైదీ నంబర్ 150'లో రామ్ చరణ్ గెస్ట్ అప్పియరెన్స్ ఇచ్చారు. 'ఆచార్య'లో కలిసి నటించారు. 'ఓజీ'లోని 'ఫైర్ స్ట్రోమ్' లిరికల్ వీడియో విడుదలైనప్పుడు అందులో ఉన్నది అకిరా నందన్ అని ప్రచారం జరిగింది. తండ్రీ తనయులు కలిసి తెరపై కనిపిస్తే ప్రేక్షకులలో ఆ సినిమాపై ఉండే క్రేజ్ వేరు. అభిమానులకు వచ్చే కిక్ వేరు. ఇప్పుడు 'బరి'కి ఆ క్రేజ్, ఆ కిక్ రానుంది. 

'బరి'లో మెగా బ్రదర్ నాగబాబు కూడా!
మెగా ప్రిన్స్ వరుణ్ తేజ్ (Varun Tej) కథానాయకుడిగా ప్రారంభమైన పాన్ ఇండియా ఫిల్మ్ 'బరి'. ఇదొక స్పోర్ట్స్ డ్రామా. వాలీబాల్ నేపథ్యంలో సినిమా రూపొందుతోంది. ఇందులో వరుణ్ తేజ్ తండ్రి, మెగా బ్రదర్ నాగబాబు (Nagababu Konidela) కీలక పాత్రలో కనిపించనున్నారు. 

'కొరియన్ కనకరాజు' విడుదల (ఆగస్టు 7న థియేట్రికల్ రిలీజ్) నేపథ్యంలో ఎన్నారై అభిమానులతో వరుణ్ తేజ్ ముచ్చటించారు. జూమ్ మీటింగ్‌లో మాట్లాడారు. ఆ సమయంలో 'బరి'లో నాగబాబు నటిస్తున్న విషయాన్ని వెల్లడించారు. ఇప్పటి వరకు వరుణ్ తేజ్ సినిమాల్లో నాగబాబు కనిపించలేదు. చిరంజీవి, పవన్ కళ్యాణ్ నుంచి మొదలు పెడితే రామ్ చరణ్, అల్లు అర్జున్, సాయి దుర్గా తేజ్, అల్లు శిరీష్ సినిమాల్లో నటించారు. తనయుడితో తొలిసారి స్క్రీన్ షేర్ చేసుకోనున్నారు.

'బరి' సినిమా స్పెషాలిటీ ఏమిటంటే... అన్నయ్య వరుణ్ తేజ్ హీరోగా చెల్లెలు నిహారికా కొణిదెల తన పింక్ ఎలిఫాంట్ పిక్చర్స్ సంస్థపై నిర్మిస్తున్న మొదటి చిత్రమిది. తండ్రీ కొడుకులు నాగబాబు, వరుణ్ తేజ్ కలిసి నటిస్తున్న మొదటి సినిమా కూడా ఇదే కావడం విశేషం.

 

 

 

 

 

View this post on Instagram

 

 

 

 

 

 

 

 

 

 

 

A post shared by Varun Tej Konidela (@varunkonidela7)

'కమిటీ కుర్రోళ్ళు'తో యదువంశీని దర్శకుడిగా పరిచయం చేశారు నిహారిక. 'బరి'ని కూడా అతని దర్శకత్వంలో నిర్మిస్తున్నారు. తెలుగుతో పాటు తమిళ్, హిందీ, కన్నడ, మలయాళ భాషల్లో సినిమాను విడుదల చేయనున్నారు. సంక్రాంతికి సినిమాను థియేటర్లలోకి తీసుకు రావాలని ప్లాన్ చేశారు. అయితే వరుణ్ తేజ్ కాలికి గాయం కావడం వల్ల చిత్రీకరణ ఆలస్యం కానుంది. సినిమా కూడా సంక్రాంతికి కాకుండా తర్వాత రానుంది.