అన్వేషించండి

New Telugu Movies OTT: ఈ వారం థియేటర్, ఓటీటీలో సందడి చేసే మూవీస్ ఇవే - ఆ మూడు సినిమాలే స్పెషల్!

New movie releases in theater and ott : నవంబర్ మూడో వారంలో థియేటర్స్ లో కొన్ని చిన్న సినిమాలతో పాటు ఓటీటీలో ఇంట్రెస్టింగ్ మూవీస్, వెబ్ సిరీస్ లు స్ట్రీమింగ్ రెడీ అయ్యాయి.

By : ABP Desam | Updated at : 13 Nov 2023 05:58 PM (IST)

Upcoming Telugu Theatrical Releases and OTT Movies November 3rd week New Telugu Movies OTT: ఈ వారం థియేటర్, ఓటీటీలో సందడి చేసే మూవీస్ ఇవే - ఆ మూడు సినిమాలే స్పెషల్!

Photo Credit : Leo/Mangalavaram/Chinna/Spark

OTT Releases - New movie releases : ఈ దీపావళికి టాలీవుడ్ బాక్సాఫీస్ వద్ద డబ్బింగ్ సినిమాలే సందడి చేశాయి. తెలుగు నుంచి ఒక్క స్ట్రైట్ మూవీ కూడా విడుదల కాలేదు. తమిళంలో కార్తి నటించిన 'జపాన్', రాఘవ లారెన్స్ 'జిగర్ తండా డబుల్ ఎక్స్' వంటి సినిమాలు బాక్సాఫీస్ వద్ద సందడి చేయగా నవంబర్ మూడో వారంలో కొన్ని ఆసక్తికర చిన్న సినిమాలు ప్రేక్షకుల ముందుకు రాబోతున్నాయి. అలాగే ఓటీటీలోను మూవీస్ తో పాటు ఇంట్రెస్టింగ్ వెబ్ సిరీస్ లు స్ట్రీమింగ్ కు రెడీ అయ్యాయి. ముఖ్యంగా ఈ వారం ఓటీటీలో ఏకంగా 31 సినిమాలు విడుదల కాబోతున్నాయి. ఇంతకీ ఆ సినిమాలేంటో ఇప్పుడు చూద్దాం..

మంగళవారం : అజయ్ భూపతి దర్శకత్వంలో పాయల్ రాజ్ పుత్, అజ్మల్ అమీర్ లీడ్ రోల్స్ లో నటించిన తాజా చిత్రం 'మంగళవారం'. ముద్ర మీడియా వర్క్స్ పతాకంపై నూలిపాటి స్వాతి రెడ్డి, ఏం సురేష్ వర్మ ఈ చిత్రాన్ని నిర్మించారు. ఇప్పటివరకు ఎవరు టచ్ చేయని ఓ సరికొత్త కథాంశంతో ఈ సినిమా ప్రేక్షకుల ముందుకు రాబోతుంది. నవంబర్ 17న తెలుగుతోపాటు హిందీ, తమిళ, కన్నడ, మలయాళ భాషల్లో విడుదలవుతోంది.

స్పార్క్ : విక్రాంత్ హీరోగా పరిచయమౌతూ స్వయంగా తెరకెక్కించిన సినిమా ఇది. డేఫ్ ఫ్రాగ్ ప్రొడక్షన్స్ సంస్థ పాన్ ఇండియా స్థాయిలో నిర్మించిన ఈ చిత్రంలో మెహరీన్, రుక్సర్ థిల్లాన్ హీరోయిన్స్ గా నటించారు. ట్రైలర్, సాంగ్స్ తో ఆడియన్స్ లో మంచి బజ్ క్రియేట్ చేసిన ఈ మూవీ నవంబర్ 17న థియేటర్స్ లో సందడి చేయనుంది.

మై నేమ్ ఈజ్ శృతి : ఆపిల్ బ్యూటీ హన్సిక చాలా గ్యాప్ తర్వాత లీడ్ రోల్ ప్లే చేసిన మూవీ ఇది. లేడీ ఓరియంటెడ్ కాన్సెప్ట్ తో రూపొందిన ఈ చిత్రాన్ని శ్రీనివాస ఓంకార్ తెరకెక్కించారు. బురుగు రమ్య ప్రభాకర్ నిర్మిస్తున్న ఈ చిత్రం ఊహకందని మలుపులతో ఉత్కంఠ భరతంగా సాగనుంది. నవంబర్ 17న ఈ మూవీ థియేటర్స్ లో రిలీజ్ కానుంది.

సప్త సాగరాలు దాటి సైడ్-B : కన్నడ అగ్ర హీరో రక్షిత్ శెట్టి, రుక్మిణి వసంత్ జంటగా నటించిన ప్రేమకావ్యం 'సప్త సాగరాలు దాటి సైడ్- ఏ' ఇప్పటికే మంచి విజయాన్ని అందుతుంది. హేమంత్ దర్శకత్వం వహించిన ఈ చిత్రం రీసెంట్ గా తెలుగులోనూ విడుదలై ప్రేక్షకుల ఆదరణ దక్కించుకుంది. ఈ చిత్రానికి కొనసాగింపుగా 'సప్త సాగరాలు దాటి సైడ్ బి' నవంబర్ 17న కన్నడ తో పాటు తెలుగు, తమిళ, మలయాళ భాషల్లో విడుదల కానుంది.

అన్వేషి : విజయ్ ధరన్ దాట్ల, అనన్య నాగళ్ళ, సిమ్రాన్ గుప్తా ప్రధాన పాత్రలో నటించిన సినిమా ఇది. ఫారెస్ట్ బ్యాక్ డ్రాప్ లో సాగే ఈ చిత్రాన్ని విజయ కన్నా దర్శకత్వం వహించారు. టి. గణపతి రెడ్డి నిర్మాతగా వ్యవహరించిన ఈ చిత్రం నవంబర్ 17న రిలీజ్ కానుంది.