Tamannaah: తమన్నాకు సైబర్ సెల్ నుంచి నోటీసులు - ఇల్లీగల్ బెట్టింగ్ యాప్ కేసులో విచారణకు రమ్మంటూ...

Tamannaah summoned in betting app case: హీరోయిన్ తమన్నాకు బెట్టింగ్ యాప్ కేసులో మహారాష్ట్ర సైబర్ సెల్ పోలీసులు నోటీసులు జారీ చేశారు.

తమన్నా భాటియా (Image courtesy - @Tamannaah Bhatia /Instagram)

తమన్నా భాటియా (Tamannaah Bhatia) పాన్ ఇండియా హీరోయిన్. ఆవిడకు భారత దేశవ్యాప్తంగా పాపులారిటీ ఉంది. విదేశాల్లోనూ మంచి ఫాలోయింగ్ వుంది. ముఖ్యంగా యువతలో తమన్నా అభిమానులు ఎక్కువ. అందుకని, ఆమెను వెతుక్కుంటూ పలు బ్రాండ్స్ వస్తున్నాయి. తమన్నాతో తమ బ్రాండ్ ప్రమోట్ అయ్యేలా యాడ్స్ వంటివి చేయించుకుంటూ సేల్స్ పెంచుకునే ప్రయత్నాలు చేస్తున్నాయి. అందుకు గాను భారీ మొత్తంలో ఆమెకు డబ్బులు ఇస్తున్నారు. అయితే, ఓ యాడ్ ఇప్పుడు ఆమెను చిక్కుల్లో పడేసింది. పోలీసుల నుంచి నోటీసులు వచ్చేలా చేసింది. 

బెట్టింగ్ యాప్ ప్రమోట్ చేశారని నోటీసులు!
ముంబై నుండి అందుకున్న లేటెస్ట్ రిపోర్ట్స్ ప్రకారం తమన్నాకు మహారాష్ట్ర స్టేట్ సైబర్ సెల్ పోలీసులు నోటీసులు జారీ చేశారు. మహాదేవ్ బెట్టింగ్ యాప్ (Mahadev Betting App)కు చెందిన ఫెయిర్ ప్లే యాప్ (Fairplay App)ను ప్రమోట్ చేశారని, అది ఇల్లీగల్ యాప్ అని నోటీసులు ఇచ్చినట్లు తెలిసింది.

ఐపీఎల్ క్రికెట్ మ్యాచెస్ శాటిలైట్ స్ట్రీమింగ్ రైట్స్ స్టార్ నెట్వర్క్ సంస్థ, డిజిటల్ స్ట్రీమింగ్ రైట్స్ వయాకామ్ 18కి చెందిన జియో యాప్ సొంతం చేసుకున్నాయి. అయితే, ఐపీఎల్ మ్యాచులను ఫెయిర్ ప్లే ఇల్లీగల్ గా స్ట్రీమింగ్ చేసిందని ఆరోపణలు ఉన్నాయి. ఈ నేపథ్యంలో తమన్నాకు నోటీసులు రావడం ప్రాధాన్యం సంతరించుకుంది. ఎందుకంటే... ఫెయిర్ ప్లేలో ఐపీఎల్ చూడమని ఆవిడ వీడియో చేసి విడుదల చేశారు.

Maharashtra Cyber summons actor Tamannaah Bhatia for questioning in connection with the illegal streaming of IPL 2023 on Fairplay App that caused loss of Crores of Rupees to Viacom. She has been asked to appear before Maharashtra Cyber on 29th April.

Actor Sanjay Dutt was also… pic.twitter.com/3Y4TvPHayh

— ANI (@ANI) April 25, 2024

ఏప్రిల్ 29 లోపు పోలీసుల ముందు హాజరు కావాలని!
తమన్నాను సమన్లు జారీ చేసిన పోలీసులు, ఈ నెల 29 లోపు హాజరు కావాలని ఆదేశాలు జారీ చేశారట. ఇంతకు ముందు బాలీవుడ్ నటుడు సంజయ్ దత్ (Sanjay Dutt)కు సైతం ఫెయిర్ ప్లే యాప్ విషయంలో పోలీసులు సమన్లు జారీ చేశారు. ఆయన్ను ఈ నెల 23న విచారణకు రమ్మని ఆదేశించారు. అయితే, ఆయన మరో తేదీకి వస్తానని చెప్పారు.

గతంలోనూ కొంత మంది సెలబ్రిటీలకు వాళ్లు చేసిన యాడ్స్ చిక్కులు తెచ్చి పెట్టాయి. ఇప్పుడు తమన్నాకు నోటీసులు వచ్చిన నేపథ్యంలో మరోసారి యాడ్స్ విషయంలో సెలబ్రిటీలు ఒకటికి రెండుసార్లు ఆలోచించుకోవాల్సిన పరిస్థితి ఏర్పడుతుందని చెప్పడంలో ఎటువంటి సందేహాలు అవసరం లేదు.

మే 3న తమన్నా 'అరణ్మణై 4' విడుదల
ప్రజెంట్ తమన్నా చేస్తున్న సినిమాల విషయానికి వస్తే... సుందర్ సి దర్శకత్వంలో ఆవిడ యాక్ట్ చేసిన 'అరణ్మణై 4' విడుదల కానుంది. 'బాక్' పేరుతో ఆ సినిమా తెలుగు ప్రేక్షకుల ముందుకు వస్తోంది. అది కాకుండా 'ఓదెల 2', హిందీలో 'స్త్రీ 2', 'వేద' సినిమాల్లో తమన్నా యాక్ట్ చేస్తోంది.