Taali poster: హిజ్రా పాత్రలో సుశ్మితాసేన్ - ‘తాళి’ ఫస్ట్‌లుక్ పోస్టర్ ట్రోల్స్‌‌పై షాకింగ్ కామెంట్స్
మాజీ విశ్వసుందరి నటిస్తున్న తాజా ప్రాజెక్ట్ ‘తాళి’. ఆగష్టు 11 నుంచి ఓటీటీ వేదికగా స్ట్రీమింగ్ కానుంది. ఈ సిరీస్ ఫస్ట్ లుక్ పై తీవ్ర విమర్శలు వెల్లువెత్తిన నేపథ్యంలో, సుష్మితా సేన్ స్పందించింది.
బాలీవుడ్ నటీమణి సుష్మిత సేన్ తాజాగా ‘తాళి’ అనే వెబ్ సిరీస్ లో నటిస్తోంది. జాతీయ అవార్డు గ్రహీత రవి జాదవ్ దీనికి దర్శకత్వం వహిస్తున్నారు. ఆగష్టు 11 నుంచి జియో సినిమాలో స్ట్రీమింగ్ కాబోతోంది. ఇందులో సుష్మిత ట్రాన్స్ జెండర్స్ యాక్టివిస్ట్ శ్రీగౌరి సావంత్ క్యారెక్టర్ లో నటించనుంది. ఈ నేపథ్యంలో ‘తాళి’కి సంబంధించిన ఫస్ట్ లుక్ పోస్టర్ విడుదల అయ్యింది. సుష్మిత తన ఇన్ స్టా వేదికగా ఈ పోస్టర్ ను షేర్ చేసింది. "తాళీ - బజౌంగీ నహీ, బజ్వాంగి (చప్పట్లు కొట్టను, ఇతరులను చప్పట్లు కొట్టేలా చేస్తుంది)" అంటూ ఈ పోస్టర్ కు క్యాప్షన్ పెట్టింది. ఈ పోస్టర్ లో సుష్మిత లుక్ పై తీవ్ర విమర్శలు వచ్చాయి.
నెటిజన్ల కామెంట్స్ చూసి షాక్ అయ్యా- సుష్మిత
‘తాళి’ ఫస్ట్ లుక్ పోస్టర్ పై విమర్శలతో పాటు వ్యక్తిగత జీవితానికి సంబంధించిన పలు విషయాల గురించి సుష్మిత తాజాగా కీలక వ్యాఖ్యలు చేసింది. “సోషల్ యాక్టివిస్ట్, ట్రాన్స్ జెండర్‌ శ్రీగౌరి సావంత్ జీవిత కథ ఆధారంగా ‘తాళి’ సిరీస్ ను తెరకెక్కిస్తున్నాం. ఈ చిత్రంలో నేను మెయిన్ రోల్ పోషిస్తున్నాను. ఈ సిరీస్ కు సంబంధించి ఫస్ట్ లుక్ పోస్టర్‌ను ఇన్ స్టాలో రిలీజ్ చేసినప్పుడు చాలా మంది నెటిజన్లు నా గురించి మాట్లాడారు. అసభ్యంగా కామెంట్స్ పెట్టారు. వాటిని చూసి షాక్ అయ్యాను. ఇతరుల గురించి ఇంత చెత్తగా ఎలా మాట్లాడుతున్నారు? అనుకున్నాను. సభ్యత లేని వారిని బ్లాక్ చేశాను” అని తెలిపారు.
వ్యక్తిగత జీవితం గురించి మాట్లాడిన సుష్మిత
అటు తన వ్యక్తిగత జీవితం గురించి కూడా సుష్మిత స్పందించింది. లలిత్ మోడీతో రిలేష్ వ్యవహారంపైనా కీలక వ్యాఖ్యలు చేసింది. “లలిత్ మోడీతో రిలేషన్ లో ఉన్నట్లు చెప్పిన సమయంలోనూ పలువురు నెటిజన్లు తీవ్ర విమర్శలు చేశారు. ‘గోల్డ్ డిగ్గర్’ అని అవహేళన చేశారు. అయితే, తెలియని వాళ్లు తన గురించి ఏది పడితే అది మాట్లాడితే ఎందుకు స్పందించాలి? అనుకున్నాను. అందుకే, ఆ విమర్శలను పెద్దగా పట్టించుకోలేదు. అంతేకాదు, తన వ్యక్తిగత జీవితం గురించి అనవసరమైన వ్యక్తులకు వివరణ ఇవ్వాల్సిన అవసరం లేదు. ప్రస్తుతం సింగిల్ గానే ఉన్నాను. ఎవరితే రిలేషన్ లో లేను” అని చెప్పుకొచ్చారు.
View this post on Instagram
‘తాళి’ వెబ్ సిరీస్ గురించి
2021లో డిస్నీ+ హాట్‌ స్టార్‌లో స్ట్రీమింగ్ అయిన ‘ఆర్య సీజన్ 2’లో సుష్మితా సేన్ చివరిసారిగా కనిపించారు. ఇందులో ఆమె టైటిల్ రోల్ పోషించారు. ప్రస్తుతం ఆమె నటించిన ‘తాళి’ సిరీస్ ఆగష్టు 11 నుంచి స్ట్రీమింగ్ కానుంది. జియో సినిమాలో ఈ సిరీస్ ప్రసారం చేయనున్నారు.
Read Also: చిరంజీవి గురించి అడ్డగోలుగా మాట్లాడితే జైలుకు పంపించా, జీవిత రాజశేఖర్ దంపతులకు అల్లు అరవింద్ కౌంటర్
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
