Sudigali Sudheer : 'సుడిగాలి' సుధీర్ కొత్త సినిమా 'కాలింగ్ సహస్ర' విడుదల ఎప్పుడంటే?
టీవీ కార్యక్రమాల ద్వారా తెలుగు ప్రజలను అలరించిన 'సుడిగాలి' సుధీర్... సిల్వర్ స్క్రీన్ హీరోగా మారిన సంగతి తెలిసిందే. ఆయన కొత్త సినిమా 'కాలింగ్ సహస్ర' అప్డేట్ ఏంటంటే?
Calling Sahasra Movie Release Update : తెలుగు ప్రేక్షకులకు 'సుడిగాలి' సుధీర్ గురించి ప్రత్యేక పరిచయాలు అవసరం లేదు. 'జబర్దస్త్', 'ఎక్స్ట్రా జబర్దస్త్', 'ఢీ', 'పోవే పోరా', 'శ్రీదేవి డ్రామా కంపెనీ' తదితర రియాలిటీ షోలతో తెలుగు ప్రజలను ఆయన ఎంత గానో అలరించారు. ఇప్పుడు సిల్వర్ స్క్రీన్ మీద హీరోగా బిజీ బిజీగా ఉన్నారు సుధీర్. ఆయన సోలో హీరోగా నటించిన 'గాలోడు' కమర్షియల్ సక్సెస్ సాధించింది.
నవంబర్ నెలలో 'కాలింగ్ సహస్ర' విడుదల
'సుడిగాలి' సుధీర్ కథానాయకుడిగా నటించిన తాజా సినిమా 'కాలింగ్ సహస్త్ర'. ఈ చిత్రాన్ని షాడో మీడియా ప్రొడక్ష‌న్స్‌, రాధా ఆర్ట్స్ సంస్థలపై విజేష్ త‌యాల్‌, చిరంజీవి ప‌మిడి, వెంక‌టేశ్వ‌ర్లు కాటూరి సంయుక్తంగా నిర్మిస్తున్నారు. ఇందులో సుధీర్ స‌ర‌స‌న డాలీ షా కథానాయికగా నటించారు. అరుణ్ విక్కిరాలా దర్శకత్వం వహించారు. లేటెస్ట్ అప్డేట్ ఏమిటంటే...
Also Read : చిరంజీవి కొత్త సినిమాకు క్రేజీ టైటిల్ - ఆ పేరు సినారే ఓ పుస్తకం కూడా రాశారండోయ్
Team #CallingSahasra wishes you all a happy #VijayaDashami filled with joy & prosperity🏹🙏#CallingSahasra has wrapped up its shooting and post-production, and gearing up for a November release🤩💥@sudheeranand @ActorSivabalaji @dollysha_c #ArunVikkirala @iamMarkKRobin… pic.twitter.com/azrJU0ucov
— Beyond Media (@beyondmediapres) October 23, 2023
'కాలింగ్ సహస్త్ర' చిత్రీకరణ పూర్తి అయ్యింది. అంతే కాదు... పోస్ట్ ప్రొడక్షన్ వర్క్స్ కూడా కంప్లీట్ అయినట్లు నిర్మాతలు తెలిపారు. ఇంకా వారు మాట్లాడుతూ ''మేం 'కాలింగ్ సహస్త్ర' సినిమాతో చిత్ర నిర్మాణంలో ప్రవేస్తున్నాం. నిర్మాతలుగా మాకు తొలి అడుగు ఇది. ఈ సినిమా మాకు ఒక స్వీట్ మెమొరీ. దర్శకుడు అరుణ్ గారు, హీరో సుధీర్ గారు, హీరోయిన్ డాలీ షా గారి మద్దతుతో సినిమాను సకాలంలో పూర్తి చేశాం. ఆల్రడీ రషెష్ చూశాం. అవుట్ పట్ల మేం హ్యాపీగా ఉన్నాం. ఈ సినిమాలో స‌రికొత్త సుధీర్ కనిపిస్తారు. 'సుధీర్ ఇటువంటి క్యారెక్టర్లలో కూడా న‌టిస్తారా?' అని ప్రేక్షకులు అందరూ ఆశ్చర్యపోయేలా సినిమా ఉంటుంది. వైల్డ్‌ & థ్రిల్లింగ్ అంశాలతో మాసీగా తీసిన చిత్రమిది. ప్రేక్ష‌కుల ఊహలకు అందని విధంగా మలుపులు ఉంటాయి. ఇదొక సీట్ ఎడ్జ్ థ్రిల్లర్. నవంబర్ నెలలో సినిమాను విడుదల చేయ‌టానికి స‌న్నాహాలు చేస్తున్నాం'' అని అన్నారు.
Also Read : జైల్లో రజనీకాంత్ 'జైలర్' విలన్ వర్మ అలియాస్ వినాయకన్ - మద్యం మత్తులో గొడవ గొడవ
సుధీర్ ఆనంద్ బయానా (Sudigali Sudheer), డాలీషా జంటగా నటించిన 'కాలింగ్ సహస్త్ర' సినిమాలో శివ బాలాజీ మనోహరన్, రవితేజ నన్నిమాల త‌దిత‌రులు ఇతర ప్రధాన తారాగణం. ఈ చిత్రానికి ఛాయాగ్రహణం : సన్ని .డి, కూర్పు : గ్యారీ బి.హెచ్‌, పాటలు : మోహిత్ రేహమేనియాక్, సంగీతం : మార్క్ కె రాబిన్, నిర్మాణ సంస్థ : షాడో మీడియా ప్రొడక్ష‌న్స్‌ - రాధా ఆర్ట్స్, రచన & దర్శకత్వం : అరుణ్ విక్కీరాల, నిర్మాతలు : వెంక‌టేశ్వ‌ర్లు కాటూరి - విజేష్ త‌యాల్‌ - చిరంజీవి ప‌మిడి.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
