SSMB 29: మహేష్ బాబు సినిమా కోసం లొకేషన్ల వేటలో జక్కన్న... కొడుకుతో కలిసి కెన్యా అడవుల్లో వైల్డ్ సఫారీ

'SSRMB 29' కోసం జక్కన్న లొకేషన్ల వేటలో ఉన్నారు. తాజాగా ఆయన తన కొడుకుతో కలిసి వైల్డ్ సఫారీ చేస్తున్న పిక్ ను పోస్ట్ చేయగా, అదిప్పుడు వైరల్ అవుతోంది.

ఎస్ఎస్ఎంబి 29 అప్డేట్

Source : ABPLIVE AI

సూపర్ స్టార్ మహేష్ బాబు (Mahesh Babu), దర్శక దిగ్గజం ఎస్ఎస్ రాజమౌళి (SS Rajamouli) కాంబినేషన్లో రాబోతున్న భారీ యాక్షన్ అడ్వెంచర్ మూవీ 'SSMB 29' గురించి దేశవ్యాప్తంగా ఉన్న మూవీ లవర్స్ కళ్ళల్లో వత్తులు వేసుకుని మరీ వెయిట్ చేస్తున్నారు. తాజాగా ఈ మూవీకి సంబంధించిన ఒక పిక్ ను షేర్ చేశారు. జక్కన్న. ప్రస్తుతం ఆ పిక్ సోషల్ మీడియాలో చక్కర్లు కొడుతోంది. అసలు మహేష్ సినిమా కోసం జక్కన్న ఏం ప్లాన్ చేస్తున్నారు? ఆయన ఎక్కడ ఉన్నారు? అనే విషయాలను తెలుసుకుందాం పదండి.

'ఆర్ఆర్ఆర్'తో మాసివ్ హిట్ అందుకున్న డైరెక్టర్ రాజమౌళి ఆ తర్వాత మహేష్ బాబుతో ఓ సినిమా చేయబోతున్నట్టు ప్రకటించిన సంగతి తెలిసిందే. ఈ మూవీ గురించి ప్రకటించి చాలా కాలమే అవుతున్నప్పటికీ ఇంకా చిత్ర బృందం దీనికి సంబంధించిన ప్రీ ప్రొడక్షన్ పనులతోనే బిజీగా ఉంది. తాజాగా రాజమౌళి పంచుకున్న ఫోటో ఒకటి సోషల్ మీడియా సెన్సేషన్ గా మారింది. ఎడారి ప్రాంతంలో తను తిరుగుతున్న ఫోటోను షేర్ చేసిన జక్కన్న అందులో 'కనుగొనడం కోసం తిరుగుతున్నాను' అంటూ క్యాప్షన్ రాసుకొచ్చారు. ఇక ఆ పిక్ చూసాక ఆయన మహేష్ సినిమా కోసమే లొకేషన్ లో వేటలో ఉన్నట్టుగా తెలుస్తోంది. రాజమౌళి ఆ ఫోటోను షేర్ చేయడమే ఆలస్యం వెంటనే మహేష్ ఫ్యాన్స్ ఈ మూవీ అప్డేట్ ని షేర్ చేయండి అంటూ మెసేజ్ బాక్స్ ను నింపేస్తున్నారు.

కాగా ప్రస్తుతం రాజమౌళి 'ఎస్ఎస్ఎంబి 29' లొకేషన్ లో వేటలో ఉన్నారు. అందులో భాగంగానే తన కొడుకు ఎస్ఎస్ కార్తికేయతో కలిసి కెన్యాలో తిరుగుతున్నారు. కెన్యాలో ఉన్న అంబోసెలి నేషనల్ పార్క్ లో రాజమౌళి వైల్డ్ సఫారీ చేస్తున్న ఫోటోలు, వీడియోలు కార్తికేయ పోస్ట్ చేశారు. ఇంకోవైపు జక్కన్న కూడా నేషనల్ పార్క్ లో తాను తిరుగుతున్న ఫోటోను పోస్ట్ చేసి దానికి 'ట్రాటింగ్ టు డిస్కవరీ' అనే క్యాప్షన్ రాశారు. మహేష్ బాబుతో ఆయన తీస్తున్న సినిమా గ్లోబ్ ట్రాటింగ్ యాక్షన్ అడ్వెంచర్ అని ఇప్పటికే రాజమౌళి అనౌన్స్ చేసిన సంగతి తెలిసిందే.

 

 

 

 

 

View this post on Instagram

 

 

 

 

 

 

 

 

 

 

 

A post shared by SS Rajamouli (@ssrajamouli)

ఆఫ్రికాలోని అడవుల నేపథ్యంలో సాగే ఈ మూవీ కోసం మహేష్ బాబు కండలు పెంచి బల్కిగా తయారవ్వడమే కాదు లాంగ్ హెయిర్ తో సరికొత్త ట్రాన్స్ఫర్మేషన్ లోకి మారిపోయారు. ఇక ఇప్పుడు లొకేషన్స్ కన్ఫర్మ్ అయితే వచ్చే ఏడాది మొదట్లోనే ఈ హైలీ యాంటిసిపేటెడ్ సినిమా షూటింగ్ స్టార్ట్ అయ్యే ఛాన్స్ ఉన్నట్టుగా సమాచారం. ఈ భారీ ప్రాజెక్టు కోసం జక్కన్న ఏఐ టెక్నాలజీని వాడబోతున్నారంటూ వార్తలు వైరల్ అవుతున్నాయి. దీనికోసం ఆయన ప్రత్యేకంగా శిక్షణ తీసుకున్నట్టు టాక్ నడిచింది. ఇదిలా ఉండగా అమెజాన్ అడవుల నేపథ్యంలో సాగే ఈ సినిమాలో విదేశీ నటీనటులు కూడా కనిపించబోతున్నారు. ఈ సినిమాను కేవలం ఇండియాలోనే కాకుండా పలు విదేశీ భాషలో కూడా డబ్ చేసి రిలీజ్ చేయబోతున్నారు. కేఎల్ నారాయణ అత్యంత భారీ బడ్జెట్ తో మూవీని నిర్మిస్తుండగా, ఆస్కార్ విన్నింగ్ మ్యూజిక్ డైరెక్టర్ ఎంఎం కీరవాణి సంగీతం అందిస్తున్నారు.