![ABP Premium](https://cdn.abplive.com/imagebank/Premium-ad-Icon.png)
Shekar Movie: శేఖర్ సినిమా ప్రదర్శనకు గ్రీన్ సిగ్నల్!
శేఖర్ సినిమా కోర్టు కేసు వివాదంలో జీవిత రాజశేఖర్కు అనుకూలంగా న్యాయమూర్తి మాట్లాడినట్లు తెలుస్తోంది. దీంతో సినిమా ప్రదర్శనకు గ్రీన్ సిగ్నల్ వచ్చేసింది.
![Shekar Movie: శేఖర్ సినిమా ప్రదర్శనకు గ్రీన్ సిగ్నల్! Shekar Movie Permitted to Screen in Theaters Jeevitha Rajashekar Wins Court Case Shekar Movie: శేఖర్ సినిమా ప్రదర్శనకు గ్రీన్ సిగ్నల్!](https://feeds.abplive.com/onecms/images/uploaded-images/2022/05/20/4bd4aee24d4502256d6efd5d404950c4_original.jpg?impolicy=abp_cdn&imwidth=1200&height=675)
రాజశేఖర్ కథానాయకుడిగా ఆయన సతీమణి జీవిత రాజశేఖర్ దర్శకత్వం వహించిన 'శేఖర్' గత శుక్రవారం థియేటర్లలో విడుదలైన సంగతి తెలిసిందే. ఫైనాన్షియర్ పరంధామరెడ్డి సిటీ సివిల్ కోర్టులో వేసిన కేసు కారణంగా సినిమా ప్రదర్శన నిలిచిపోయింది. ఈ వివాదంలో చిత్రబృందానికి అనుకూలంగా న్యాయమూర్తి మాట్లాడినట్టు సమాచారం. 'శేఖర్' సినిమా ప్రదర్శనను నిలిపివేయాలని తామసలు చెప్పలేదని న్యాయస్థానం వ్యాఖ్యానించినట్లు తెలిసింది.
కొంతమంది ఉద్దేశపూర్వకంగా సినిమా ప్రదర్శనకు ఆటంకం కలిగించారని తెలుస్తోంది. కోర్టు సినిమా ప్రదర్శనకు ఎటువంటి అభ్యంతరం తెలపలేదని సమాచారం. శేఖర్ సినిమాను నిరభ్యంతరంగా ప్రదర్శించవచ్చని కోర్టు చెప్పినట్లు జీవిత రాజశేఖర్, నిర్మాత తరఫున న్యాయవాదులు పేర్కొన్నారు. జీవితా రాజశేఖర్, నిర్మాత బీరం సుధాకర్ రెడ్డి తరపు న్యాయవాదులు మంగళవారం విలేకరుల సమావేశంలో ఈ కేసుకు సంబంధించిన పూర్తి వివరాలను వెల్లడించనున్నారు.
జీవిత రాజశేఖర్ దర్శకత్వం వహించిన ఈ సినిమాలో రాజశేఖర్, ఆత్మీయ రాజన్, ముస్కాన్, శివాని రాజశేఖర్ నటించారు. అనూప్ రూబెన్స్ సంగీతం అందించారు. ప్రథమార్థం స్లోగా సాగినా... ద్వితీయార్థం రేసీగా ఉంటుంది. ఎమోషనల్ నోట్లో సినిమాను ముగించారు.
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)