DJ Tillu 2 Launched: సూపర్ హిట్ 'డీజే టిల్లు'కు సీక్వెల్, క్రేజీ అప్‌డేట్‌ ట్వీట్ చేసిన ప్రొడ్యూసర్

Siddu Jonnalagadda's DJ Tillu 2 Movie Update: సూపర్ హిట్ 'డీజే టిల్లు' సినిమాకు సీక్వెల్ రాబోతోంది. దానికి సంబంధించిన ఒక క్రేజీ అప్‌డేట్‌ ప్రొడ్యూసర్ నాగవంశీ ట్వీట్ చేశారు.

'డీజే టిల్లు'లో నేహా శెట్టి, సిద్ధూ జొన్నలగడ్డ  

డీజే టిల్లు... ఇదొక సినిమా కాదు, క్యారెక్టర్ పేరు కూడా కాదు! ఒక ఎమోషన్! ఆల్మోస్ట్ అన్ని వయసుల ప్రేక్షకులు ఒక్కసారైనా టైటిల్ సాంగ్ విని ఉంటారు. చాలా మంది ఆ పాటకు స్టెప్పులు వేసి ఉంటారు. చాలా ఫంక్షన్స్‌లో ఆ సాంగ్ ప్లే చేశారు. తెలుగు సినిమా ప్రేక్షకులను 'డీజే టిల్లు' బాగా ఆకట్టుకున్నాడు. సిద్ధూ జొన్నలగడ్డకు స్టార్ స్టేటస్ తీసుకు వచ్చింది. అతడితో పాటు ఆ సినిమా ఫ్యాన్స్‌కు ఒక గుడ్ న్యూస్. 

'డీజే టిల్లు'కు సీక్వెల్ ఉంటుందని ఆ సినిమా ఎండ్ కార్డ్స్‌లో అనౌన్స్ చేసిన సంగతి తెలిసిందే. ఈ రోజు 'డీజే టిల్లు' పూజా కార్యక్రమాలతో ప్రారంభం అయ్యింది. ఈ విషయాన్ని నిర్మాణ సూర్యదేవర నాగవంశీ ట్వీట్ చేశారు. అయితే, ఆ ట్వీట్‌లో ఎక్కడా 'డీజే టిల్లు' అని చెప్పలేదు. 

''ప్రేక్షకులు ఎంతగానో ఎదురు చూస్తున్న ఫ్రాంచైజీ... రౌండ్ 2 కోసం రెడీ అవుతున్నాం. ఆగస్టు నుంచి క్రేజీ అడ్వెంచర్ షూటింగ్ స్టార్ట్ అవుతుంది'' అని సూర్యదేవర నాగవంశీ పేర్కొన్నారు. 

The most awaited Franchise... Gearing up for Round 2 🔥

Crazy adventure starts filming in August! 🤩 pic.twitter.com/JX130Z4fpZ

— Naga Vamsi (@vamsi84) June 25, 2022

Siddu Jonnalagadda as DJ Tillu, Will Be Back Very Soon: 'డీజే టిల్లు 2'లో కూడా సిద్ధూ జొన్నలగడ్డ హీరోగా నటిస్తారు. కథ, మాటల్లో ఆయన పార్టిసిపేషన్ ఉంటుంది. దీనికి సంబంధించిన మరిన్ని వివరాలను త్వరలో వెల్లడించనున్నారు.  

'డీజే టిల్లు'లో నేహా శెట్టి కథానాయికగా నటించారు. మరి, రెండో సినిమాలో ఆమె ఉంటారా? లేదా? అనేది ప్రస్తుతానికి సస్పెన్స్. ఈ సినిమా పూజా కార్యక్రమాలతో ప్రారంభమైన సందర్భంగా బ్లాక్ బస్టర్ హిట్ కావాలని ఆశిస్తున్నట్టు సిద్ధూ జొన్నలగడ్డకు దర్శక - నిర్మాత మధుర శ్రీధర్  కంగ్రాట్స్ చెప్పారు. 

Hearty congratulations brother 💐💐💐. Wish you a blockbuster with part - 2! @Siddu_buoy

— Sreedhar Reddy Komalla (@madhurasreedhar) June 25, 2022