Game Changer Second Single Promo : కిరాక్ మాస్ బీట్ తో వచ్చేసిన 'రా మచ్చా మచ్చా' సాంగ్ ప్రోమో...  నెవర్ బిఫోర్ ఇంట్రో   

'గేమ్ ఛేంజర్' నుంచి ఎప్పుడెప్పుడా అని ఎదురు చూస్తున్న సెకండ్ సింగిల్ 'రా మచ్చా మచ్చా' ప్రోమో తాజాగా వచ్చేసింది. మరి ప్రోమో ఎలా ఉందో చూసేద్దాం పదండి.

Game Changer Second single promo

Source : https://x.com/SVC_official/status/1838889948813902183

గ్లోబల్ స్టార్ రామ్ చరణ్ మోస్ట్ అవైటింగ్ పొలిటికల్ యాక్షన్ ఎంటర్టైనర్ 'గేమ్ ఛేంజర్' నుంచి రెండవ సాంగ్ తాజాగా రిలీజ్ అయ్యింది. మరి ఈ సాంగ్ ప్రోమో ఎలా ఉంది? 'రా మచ్చా' సాంగ్ విశేషాలు ఏంటో తెలుసుకుందాం పదండి.

మాస్ బీట్ తో అదిరిపోయిన 'రా మచ్చా మచ్చా' ప్రోమో    

మెగా పవర్ స్టార్ రామ్ చరణ్, సెన్సేషనల్ డైరెక్టర్ శంకర్ కాంబినేషన్లో తెరకెక్కుతున్న భారీ బడ్జెట్ పాన్ ఇండియా మూవీ 'గేమ్ ఛేంజర్'. శ్రీ వెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్స్ బ్యానర్ల పై స్టార్ ప్రొడ్యూసర్ దిల్ రాజు, శిరీష్ సంయుక్తంగా నిర్మిస్తున్న ఈ సినిమాలో రామ్ చరణ్ సరసన బాలీవుడ్ భామ కియారా అద్వానీ హీరోయిన్ గా నటిస్తోంది. 2024 క్రిస్మస్ సందర్భంగా 'గేమ్ ఛేంజర్' మూవీని తెలుగు, తమిళ, హిందీ, మలయాళ, కన్నడ భాషల్లో రిలీజ్ చేయబోతున్నారు. ఇక ఈ మూవీ అప్డేట్స్ కోసం మెగా ఫాన్స్ ఈగర్ గా వెయిట్ చేస్తున్నారు. ఈ నేపథ్యంలోనే గత రెండు రోజుల నుంచి 'గేమ్ ఛేంజర్' మూవీలో నుంచి సెకండ్ సాంగ్ 'రా మచ్చా మచ్చా' రిలీజ్ కాబోతోంది అంటూ ఊరిస్తూ వస్తున్నారు మేకర్స్. ఎట్టకేలకు ఆ పాట ప్రోమో వచ్చేసింది.

'రా మచ్చా మచ్చా' సాంగ్ ప్రోమోను చూశాక, ఇదే ఈ రేంజ్ లో కిక్ ఇస్తే యంగ్ మ్యూజిక్ సెన్సేషన్ తమన్ ఇచ్చిన మాస్ బీట్ ఉన్న ఈ అదిరిపోయే సాంగ్ థియేటర్లలో పూనకాలు తెప్పించడం ఖాయం అంటున్నారు మెగా ఫ్యాన్స్. ఈ పాటకు అనంత్  శ్రీరామ్ లిరిక్స్ రాయగా, గణేష్ ఆచార్య కొరియోగ్రఫీ అందించారు. ఇప్పటికే డైరెక్టర్ శంకర్ ఈ పాటలో ఆంధ్రప్రదేశ్, ఒరిస్సా, కర్ణాటక, జార్ఖండ్, వెస్ట్ బెంగాల్ రాష్ట్రాలకు చెందిన జానపద కళాకారులను, వారి సాంప్రదాయ నృత్యాలను ఇందులో భాగం చేశామంటూ పాటపై అంచనాలను పెంచేశారు. అంతేకాకుండా ఏకంగా ఇండియాలోని 1000 మందికి పైగా జానపద కళాకారులతో ఈ పాటను చిత్రీకరించారన్న వార్త సంచలనంగా మారింది. శంకర్ ఇచ్చిన హింట్ ప్రకారం చూస్తే థియేటర్లలో ఈ సెకండ్ సింగిల్ చెర్రీ ఫ్యాన్స్ కు మంచి మాస్ మ్యూజికల్ ఐ ఫీస్ట్ అవుతుందని అని చెప్పొచ్చు.  

నెవర్ బిఫోర్ ఇంట్రో 

ఇక సినిమాలో ఇది హీరో ఇంట్రడక్షన్ సాంగ్ అని ఇప్పటికే డైరెక్టర్ శంకర్ హింట్ ఇచ్చేసిన విషయం తెలిసిందే. తాజాగా ప్రోమోను చూస్తుంటే ఇదివరకు ఎన్నడూ లేని విధంగా 'గేమ్ ఛేంజర్'లో చెర్రీ ఇంట్రడక్షన్ ఉండబోతోందని, ఎప్పటిలాగే తమన్ మ్యూజిక్ అదరగొట్టేసాడు అనిపిస్తుంది. ఈ సీన్ కు థియేటర్లు దద్దరిల్లడం పక్కా రాసి పెట్టుకోండి అంటున్నారు మెగా ఫాన్స్. అయితే ఇప్పటికే ఈ సినిమా నుంచి రిలీజ్ అయిన 'జరగండి జరగండి' పాటకు మిక్స్డ్ టాక్ వచ్చింది. భారీ హైప్ తో వచ్చిన ఈ పాట ఫర్వాలేదు అన్న దగ్గరే ఆగిపోయింది. మరి 'రా మచ్చా' సాంగ్ ఆకాశాన్నంటిన మెగా అభిమానుల అంచనాలను అందుకుంటుందా ? అంటే కంప్లీట్ సాంగ్ వచ్చేదాకా వెయిట్ చేయాల్సిందే.