Samantha Birthday: సమంత దగ్గర ఇప్పుడు ఏముంది? వదిలేసింది ఏది? పుట్టినరోజు ముందు సంచలన పోస్ట్

Samantha Birthday Confession: ఏప్రిల్ 28న సమంత పుట్టినరోజు. ఆ తేదీకి రెండు రోజుల ముందు తన జీవితంలో వచ్చిన మార్పులపై ఆవిడ సంచలన వ్యాఖ్యలు చేశారు. అవి ఏమిటో చూడండి.

పుట్టినరోజుకు ముందు ఎమోషనల్ మెసేజ్ చేసిన సమంత

Source : https://www.instagram.com/p/DXlVE7WGjA0/?img_index=1

సినిమాలు మాత్రమే కాదు... స్టార్ హీరోయిన్ సమంత (Samantha Ruth Prabhu) వ్యక్తిగత జీవితం సైతం ఎప్పుడూ వార్తల్లో ఉంటుంది. హెల్త్ ఇష్యూస్ నుంచి మొదలు పెడితే మ్యారిటల్ లైఫ్ వరకు ప్రతిదీ హెడ్ లైన్స్‌ టాపిక్కే. ఏప్రిల్ 28న సమంత పుట్టినరోజు (Samantha Birthday). అందుకని, ఆ రోజు ఆమెకు ఎంతో ప్రత్యేకం. స్పెషల్ డే కంటే రెండు రోజుల ముందు సోషల్ మీడియాలో సమంత ఓ పోస్ట్ చేశారు. అందులో కొన్ని ఫోటోలు ఉన్నాయి. ఆ ఫోటోలపై ఆమె రాసిన వ్యాఖ్యలు వైరల్ అవుతున్నాయి. వాటిలో అంత సెన్సేషన్ ఏముంది? అంటే... 'బర్త్ డే వీక్' అంటూ గతేడాదిలో తన జీవితంలో జరిగిన మార్పుల గురించి సమంత రాసుకొచ్చారు.

సమంతతో పాటు ఏముంది?
వదిలేసినది ఏమిటి? పోయిందేమిటి?
తనతో ఉన్నది ఏమిటి? తన నుంచి వెళ్ళిపోయినది ఏమిటి? లేదా వదిలేసినది ఏమిటి? అనేది సమంత వివరించారు. సూటిగా, స్పష్టంగా ఫలానా టాపిక్ అంటూ ఆమె ప్రస్తావించలేదు. కానీ, తన ప్రయాణంలో జరిగిన అంశాలను మాత్రం చాలా స్పష్టంగా చెప్పారు. 

ప్రారంభం (ది బిగినింగ్) గురించి చెప్పాలంటే... అప్పట్నుంచి తనతో ఉన్నది తాను చేసే పని మీద ప్రేమ, తనను ముందుకు నడిపించే డ్రైవింగ్ ఫోర్స్ అని... ఆ రెండూ తనతో ఉన్నాయని సమంత తెలిపారు. ఎంపిక చేసుకోవడం కోసం వేచి చూసే లక్షణాన్ని వదిలేశానని ఆమె పేర్కొన్నారు. 

ప్లాన్ చేసిన విధంగా పనులు ముందుకు వెళ్లని తరుణంలో తన మనసు చెప్పేది వినడం లేదా తన ప్రవర్తన మాత్రం మారలేదని సమంత వివరించారు. తనను కంట్రోల్ చేసే ఐడియాను మాత్రం వదిలేశానని పేర్కొన్నారు.

See Photos: Ashu Reddy - కొల్హాపూర్ అమ్మవారి చెంతకు అషురెడ్డి... వెడ్డింగ్ కాంట్రావర్సీ, ఎన్నారై కేసు తర్వాత ఫస్ట్ ఫోటోలు

ప్రతిదీ మారినప్పుడు తన సంకల్పం మాత్రం మారలేదని సమంత తెలిపారు. తాను ఎలా ఉండాలని అనుకున్నానో ఆ లక్షణాన్ని వదిలేశానని, అది తనను వదిలి వెళ్లిందని పేర్కొన్నారు. బహుశా... విడాకుల తర్వాత జీవితంలో వచ్చిన మార్పుల గురించి ఈ పోస్ట్ చేశారేమో!?

'finding my voice' అంటూ సమంత ఈ ఫోటో షేర్ చేశారు. ఇందులో రెండు చేతులు ఉన్నాయి. ఓ చెయ్యి భర్త రాజ్ నిడిమోరుది అయ్యి ఉండొచ్చు. నిజం తనతో పాటు ఉందని, వెనక్కి చూసే గుణాన్ని వదిలేశానని పేర్కొన్నారు సమంత. 

ఇప్పుడు తనతో పాటు ఒక లక్ష్యం ఉందని, హడావిడి పడటం మానేశానని సమంత తెలిపారు. ప్రతి ఫోటో వెనుక ఒక డీప్ మీనింగ్ ఉందని మాత్రం అర్థం అవుతోంది.

See Photos: Trisha Birthday: త్రిష బర్త్ డే సెలబ్రేషన్స్ షురూ... తమిళనాడు ఎన్నికల ఫలితాల నేపథ్యంలో విజయ్ కోసం ముందస్తుగా?

మే 15వ తేదీన 'మా ఇంటి బంగారం'తో థియేటర్లలో ప్రేక్షకులను పలకరించడానికి సమంత వస్తున్నారు. ఆ చిత్రానికి నందిని రెడ్డి దర్శకత్వం వహిస్తున్నారు. అయితే సమంత భర్త  రాజ్ నిడిమోరు క్రియేటివ్ డైరెక్టర్. ఆల్రెడీ విడుదలైన ప్రచార చిత్రాలు, పాటలు ప్రేక్షకులను అలరించాయి.