Salaar Shooting: హైదరాబాద్ లో సలార్ షూటింగ్... సెట్స్ లో ప్రభాస్

పాన్ ఇండియా మూవీగా తెరకెక్కుతున్న సలార్ సినిమా షూటింగ్ నేటి నుంచి హైదరాబాద్ షెడ్యూల్ కానుంది.

పాన్ ఇండియా స్టార్ ప్రభాస్

టాలీవుడ్ డార్లింగ్ ప్రభాస్ హీరోగా పాన్ ఇండియా స్థాయిలో తెరకెక్కుతున్న సినిమా ‘సలార్’. కేజీఎఫ్ డైరెక్టర్ ప్రశాంత్ నీల్ దర్శకత్వంలో  ఈ సినిమాను భారీ సెట్టింగులతో యాక్షన్ సీక్వెన్స్ లతో తెరకెక్కిస్తున్నారు. బాహుబలి స్టార్ ప్రభాస్ స్థాయికి తగ్గట్టు భారీ ఖర్చుతో సినిమాను రూపొందిస్తున్నారు నిర్మాతలు. ఈ సినిమాను వచ్చే వేసవిలో ఎలా అయినా విడుదల చేయాలని ప్లాన్ చేస్తున్నారు. 

ప్రభాస్ పక్కన శ్రుతి హాసన్ ఈ సినిమాలో నటిస్తోంది. ప్రస్తుతం మూవీ షూటింగ్ శరవేగంగా జరుగుతోంది. ఈ సినిమాకు సంబంధించి ఇప్పుడొక తాజా అప్ డేట్ వచ్చింది. ఈరోజు నుంచి సలార్ షూటింగ్ హైదరాబాద్ లో షెడ్యూల్ చేశారు. ఈ షూటింగ్ కు ప్రభాస్ కూడా హాజరవుతున్నారు. కొన్ని యాక్షన్ సన్నివేశాలు, ఇంటర్వెల్ కు ముందొచ్చే సీన్లను నగరంలో చిత్రీకరించనున్నట్టు సమాచారం. ఒక వారం పాటూ ఈ షూటింగ్ జరగనుంది.  ఏ ప్రాంతంలో షూటింగ్ షెడ్యూల్ చేశారనేది మాత్రం తెలియరాలేదు. 

ఇందులో ఒక ప్రత్యేక గీతం కూడా ఉండబోతోందట. ఈ గీతంలో ప్రభాస్ తో ఆడిపాడేందుకు పాన్ ఇండియా స్థాయిలోనే నటిని ఎంపిక చేశారు. ఆమె ఎవరో కాదు బాలీవుడ్ నటి కత్రినా కైఫ్. నిజానికి సలార్ ను వచ్చే సంక్రాంతికే విడుదల చేయాలనుకున్నారు. కానీ కరోనా, లాక్ డౌన్ కారణంగా షూటింగ్ వాయిదా పడుతూ వచ్చింది. అనుకున్న సమయానికి సినిమా పూర్తయ్యే అవకాశం కనిపించలేదు. దీంతో సంక్రాంతికి సలార్ పూర్తి కావడం కష్టమేననే అంచనాకు వచ్చారు. వేసవి సెలవుల్లో సలార్ ప్రేక్షకుల ముందు రానుంది. 

 

#Salaar new schedule to start from today in Hyderabad.

PAN India star #Prabhas will also join the sets.

High octane action sequences including the interval scene will be shot in this schedule.

This will go on for about a week. pic.twitter.com/RS6RCAi5vj

— Manobala Vijayabalan (@ManobalaV) September 11, 2021