Ravi Teja: డేంజర్, ఆ ఊరంతా రేడియేషన్ - ఆసక్తికర పోస్టర్‌తో మరో మూవీని ప్రకటించిన రవితేజ, దర్శకుడు ఎవరో తెలుసా?
హీరో రవితేజ మరో సినిమా అనౌన్స్ చేశాడు. ఈ సారి దర్శకుడు గోపిచంద్ మలినేనితో కలిసి మూవీ చేస్తున్నాడు. ప్రస్తుతం రవితేజ చేతిలో ‘టైగర్ నాగేశ్వరరావు’, ‘ఈగల్’ మూవీస్ ఉన్నాయి.
మాస్ మహారాజ్ రవితేజ మాంచి ఊపు మీద ఉన్నాడు. ఒకదాని తర్వాత మరొక ప్రాజెక్ట్ ప్రకటించకుంటూ వెళ్తున్నారు. ఎక్కడా గ్యాప్ ఇవ్వకుండా వరుస సినిమాలతో బిజీగా ఉంటున్నాడు. తాజాగా గోపీచంద్ మలినేని దర్శకత్వంలో మరో మూవీకి సిద్ధమయ్యాడు. మైత్రీ మూవీస్ బ్యానర్‌పై ఈ మూవీ తెరకెక్కకున్నట్లు నిర్మాతలు ఆదివారం ప్రకటించారు. ఇప్పటికే ఈ మూవీపై శుక్రవారం ‘మాసియెస్ట్ అప్‌డేట్’ అంటూ హింట్ ఇచ్చారు.
గోపీచంద్ మలినేనితో రవితేజకు ఇది నాలుగో సినిమా. ఇదివరకు వీరిద్దరి కాంబినేషన్‌లో వచ్చిన సినిమాలు ఏ స్థాయిలో హిట్ కొట్టాయో ప్రేక్షకులకు తెలిసిందే. ‘డాన్ శీను’, ‘బలుపు’, ‘క్రాక్’ మూవీస్ మాస్ మహారాజ్ ఇమేజ్‌ను మరింత పెంచాయి. ఈ నేపథ్యంలో తదుపరి చిత్రంలో రవితేజకు గోపిచంద్ ఎలాంటి ఎలివేషన్ ఇస్తాడో చూడాలి. పైగా ‘పుష్ప’ వంటి భారీ హిట్ చిత్రాలను నిర్మిస్తున్న మైత్రీ మూవీస్ బ్యానర్‌పై ఈ మూవీ తెరకెక్కుతున్న నేపథ్యంలో అంచనాలు మరింత పెరిగాయి. గోపీచంద్ చెప్పిన కథ రవితేజాకు బాగా నచ్చిందని, వెంటనే ఈ మూవీ చేసేందుకు ఒకే చెప్పాడని టాక్. పైగా ‘వీర సింహారెడ్డి’ హిట్‌‌తో మంచి ఊపు మీద ఉన్న గోపిచంద్ రవితేజకు కూడా మరో హిట్ ఇస్తాడని అభిమానులు భావిస్తున్నారు. ఈ మూవీకి తమన్ సంగీతం అందించనున్నాడు.
THE MASSIEST COMBO IS BACK TO CREATE MAGIC AT THE BOX OFFICE 🔥
— Mythri Movie Makers (@MythriOfficial) July 9, 2023
MASS MAHARAJA @RaviTeja_offl and Blockbuster Director @megopichand join hands for #RT4GM ❤🔥#MassiestComboisBack 💥
Music by the sensational @MusicThaman 💥 pic.twitter.com/HcjSUfQBIR
ఆసక్తికరంగా పోస్టర్
మైత్రి మూవీస్ రిలీజ్ చేసిన అనౌన్స్‌మెంట్ పోస్టర్ ఆసక్తికరంగా ఉంది. చుండూరు అనే ఊరి చుట్టూ ఈ కథ నడుస్తుందని తెలుస్తోంది. రేడియేషన్ ప్రభావంతో ఊరంతా వల్లకాడిలా మారినట్లు పోస్టర్‌లో చూపించారు. అక్కడి డేంజర్ బోర్డును బట్టి చూస్తుంటే.. అక్కడ ఏదో అణు కర్మాగారం ఉన్నట్లు తెలుస్తోంది. దానివల్ల ఆ ఊరు ధ్వంసమైందా? లేదా ఇంకేమైనా కారణమా అనేది ఆసక్తిరేకెత్తిస్తోంది. గత కాన్సెప్ట్స్ కంటే భిన్నమైన కథను గోపీచంద్ ఎంచుకున్నట్లు పోస్టర్‌ను బట్టి అంచనా వేయొచ్చు. మొత్తానికి ఒక డిఫరెంట్ కాన్సెప్ట్‌తో నాలుగోసారి ఈ కాంబో వస్తున్నట్లు స్పష్టమవుతోంది.
View this post on Instagram
‘ధమాకా’, ‘వాల్తేరు వీరయ్య’ సినిమాలతో హిట్స్ కొట్టిన రవితేజ సక్సెస్‌కు ‘రావణాసుర’ బ్రేక్ వేసింది. అయితే, ఈ మూవీ ఓటీటీలో పాజిటివ్ రివ్యూ సొంతం చేసుకుంది. అయితే, జయాపజయాలతో పనిలేకుండా రవి తేజ వచ్చిన ఛాన్సులను అందిపుచ్చుకుంటున్నాడు. ఇప్పటికే ‘టైగర్ నాగేశ్వరరావు’ మూవీని పూర్తి చేసే పనిలో ఉన్నాడు. ఇటీవలే ‘ఈగల్’ మూవీని కూడా రవి తేజ అనౌన్స్ చేశాడు. ‘టైగర్ నాగేశ్వరరావు’ షూటింగ్ పూర్తయిన తర్వాతే.. ‘ఈగల్’ షెడ్యూల్‌లో పాల్గోనున్నట్లు తెలిసింది. ‘టైగర్ నాగేశ్వరరావు’ మూవీని తెలుగుతోపాటు 5 భాషల్లో విడుదల చేసేందుకు సన్నహాలు చేస్తున్నారు. అక్టోబరు 20న విడుదల కానున్న ఈ మూవీలో జాన్ అబ్రహం, గాయత్రి భరద్వాజ్, నూపుర్, అనుపమ్ ఖేర్, కౌశిక్ మెహతా, మండవ సాయి కుమార్, రేణు దేశయ్ కీలక పాత్రల్లో నటిస్తున్నారు.
Also Read: మీకు Project K టీ షర్ట్ ఉచితంగా కావాలా? ఇదిగో ఇలా బుక్ చేసుకోండి
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
