Rajinikanth Amitabh Bachchan : 33 ఏళ్ళ తర్వాత బిగ్ బితో సూపర్ స్టార్ - సెట్స్‌లో ఇద్దరు లెజెండ్స్!

సూపర్ స్టార్ రజనీకాంత్, బాలీవుడ్ మెగాస్టార్ అమితాబ్ బచ్చన్... ఇద్దరు లెజెండ్స్ కలిసి సినిమా చేస్తున్నారు. సెట్స్‌లో దిగిన ఫోటోలను రజని షేర్ చేశారు.

అమితాబ్ బచ్చన్, రజనీకాంత్

Rajinikanth and Amitabh Bachchan from Thalaivar 170 sets: సూపర్ స్టార్ రజనీకాంత్, బిగ్ బి అమితాబ్ బచ్చన్... భారతీయ చిత్ర పరిశ్రమలో ఇద్దరూ ఇద్దరే. ఒకరు ఎక్కువ... మరొకరు తక్కువ అని కాదు. ఇప్పుడీ ఇద్దరు లెజెండరీ నటులు కలిసి ఓ సినిమా చేస్తున్నారు. ఆ విషయం ప్రేక్షకులకు కూడా తెలుసు. అయితే... ఇవాళ ఇద్దరు కలిసి షూటింగ్ చేశారు. సెట్స్ నుంచి రజనీకాంత్ ఆ ఫోటోలు షేర్ చేశారు. పూర్తి వివరాల్లోకి వెళితే... 

తలైవర్ 170 చిత్రీకరణలో... 
రజనీకాంత్ కథానాయకుడిగా 'జై భీమ్' ఫేమ్ టి.జె. జ్ఞానవేల్ దర్శకత్వంలో ఓ భారీ  సినిమా (Thalaivar 170) రూపొందుతోంది. అందులో అమితాబ్ బచ్చన్ కూడా యాక్ట్ చేస్తున్నారు. ప్రస్తుతం రజనీతో పాటు ఆయనపై సన్నివేశాలు తెరకెక్కిస్తున్నారు. 

''33 ఏళ్ళ తర్వాత నా మార్గదర్శి అమితాబ్ బచ్చన్ గారితో నటిస్తున్నాను. టీఈ జ్ఞానవేల్ రాజా దర్శకత్వంలో లైకా ప్రొడక్షన్స్ సంస్థ నిర్మిస్తున్న సినిమా షూటింగ్ చేస్తున్నాం. నా మనసు ఆనందంతో ఉప్పొంగుతోంది'' అని రజనీకాంత్ ట్వీట్ చేశారు. 

After 33 years, I am working again with my mentor, the phenomenon, Shri Amitabh Bachchan in the upcoming Lyca’s "Thalaivar 170" directed by T.J Gnanavel. My heart is thumping with joy!@SrBachchan @LycaProductions @tjgnan#Thalaivar170 pic.twitter.com/RwzI7NXK4y

— Rajinikanth (@rajinikanth) October 25, 2023

'అంధా కానూన్', 'గేరేఫ్తార్', 'హమ్'లో ఇద్దరు లెజెండ్స్ రజనీకాంత్, అమితాబ్ బచ్చన్ స్క్రీన్ షేర్ చేసుకున్నారు. మళ్ళీ 33 ఏళ్ళ తర్వాత వీళ్ళిద్దరూ సినిమా చేస్తున్నారు. 

'తలైవర్ 170'లో రానా దగ్గుబాటి కూడా!
అమితాబ్ బచ్చన్ కాకుండా ఇంకా ఈ సినిమాలో రానా దగ్గుబాటి మలయాళ లేడీ సూపర్ స్టార్ మంజూ వారియర్, 'గురు' ఫేమ్ రితికా సింగ్, దుషారా విజయన్... తెలుగు ప్రేక్షకులకు 'పుష్ప' సినిమాతో పరిచయమైన, దేశవ్యాప్తంగా మరింత గుర్తింపు తెచ్చుకున్న ఫహాద్ ఫాజిల్ (Fahad Fazil) నటిస్తున్నారు. ప్రముఖ నిర్మాణ సంస్థ లైకా ప్రొడక్షన్స్ ఈ చిత్రాన్ని నిర్మిస్తోంది. ఇందులో రజనీ రిటైర్డ్ పోలీస్ పాత్రలో కనిపించనున్నారని విశ్వసనీయ వర్గాల ద్వారా తెలిసింది. ఎన్కౌంటర్ విధానం లేదా వ్యవస్థ మీద పోరాటం చేసే వ్యక్తిగా సూపర్ స్టార్ పాత్ర ఉంటుందట.

రజనీతో లైకా ప్రొడక్షన్స్ సంస్థకు మంచి ట్రాక్ రికార్డు ఉంది. వాళ్ళ కలయికలో వచ్చిన మొదటి సినిమా '2.0' రికార్డులు క్రియేట్ చేసింది. 'దర్బార్' సినిమా ఆశించిన స్థాయిలో విజయం సాధించలేదు. కానీ, అందులో రజనీకాంత్ లుక్కు, యాక్షన్ సన్నివేశాలకు మంచి పేరు వచ్చింది. 'లాల్ సలాం'ను కూడా లైకా ప్రొడక్షన్స్ నిర్మిస్తోంది. చూస్తుంటే... రజనీతో మరిన్ని సినిమాలు చేసేలా ఉన్నారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial