NTR Trivikram Movie Story : షణ్ముఖుడిగా ఎన్టీఆర్ - త్రిశూలంలో DNA... త్రివిక్రమ్ విజనరీ పోస్టర్ స్టోరీ ఏంటంటే?

NTR God Of War Story : ఎన్టీఆర్ త్రివిక్రమ్ మైథలాజికల్ ప్రాజెక్ట్ కాన్సెప్ట్ పోస్టర్ క్షణాల్లోనే ట్రెండ్ అవుతోంది. అసలు ఈ ప్రాజెక్ట్ స్టోరీ ఏంటి?... పోస్టర్‌లో ఇచ్చిన హింట్స్ డీకోడ్ చేస్తే...

పోస్టర్ చెప్పిన స్టోరీ ఏంటంటే?

Source : ABPLIVE AI

NTR Trivikram God Of Movie Poster Behind The Story : మ్యాన్ ఆఫ్ మాసెస్ ఎన్టీఆర్, మాటల మాంత్రికుడు త్రివిక్రమ్ కొత్త మూవీ 'గాడ్ ఆఫ్ వార్' (వర్కింగ్ టైటిల్) కాన్సెప్ట్ పోస్టర్ రిలీజ్ చేశారు. యుద్ధ భూమిలో షణ్ముఖుడి ఆయుధమైన ఈటెతో పాటు తండ్రి శివుని ఆయుధమైన త్రిశూలాన్ని హైలెట్ చేస్తూ కొత్త ప్రాజెక్టును అనౌన్స్ చేయడం భారీ హైప్ క్రియేట్ చేస్తోంది.

దేవ సేనాధిపతి షణ్ముఖుడి చరిత్రే 'గాడ్ ఆఫ్ వార్' అని తెలుస్తుండగా... పురాణాలతో ముడిపడిన స్టోరీ ఎలా ఉండబోతుందో అనే ఆసక్తి అందరిలోనూ నెలకొంది. ఆ పోస్టర్ డీకోడ్ చేస్తే తెలిసిన రహస్యాలేంటంటే...

హైలెట్‌గా త్రిశూలం

పోస్టర్‌లో త్రిశూలం హైలెట్‌గా నిలవగా... కింద భాగం కార్తికేయుని ఆయుధమైన ఈటెను చూపించారు. జాగ్రత్తగా గమినిస్తే... త్రిశూలం మధ్యలో DNA ఆకారంలో స్టక్చర్ కనిపించి పొగలతో ఆవరించి ఉంది. ఇది హీరో జన్మ రహస్యం... దైవిక శక్తి అనేది వంశ పారంపర్యంగా హీరో జీన్స్‌లోనే ఉందని చెప్పే సింబాలిక్ ఎక్స్‌పెరిమెంట్ అని తెలుస్తోంది. అంటే సైన్స్‌తో కలిపి స్పిరిచ్యువాలిటీ కాంబోలో మూవీ స్టోరీ ఉండబోతోందని చెప్పకనే చెప్పారు.

'ONE SPEAR ONE PURPOSE ONE DIVINE RECKONING'... అంటూ పోస్టర్‌పై హింట్ ఇచ్చారు. దీని అర్థం... 'ఒకే ఈటె... ఒకే లక్ష్యం... ఒకే దైవిక తీర్పు'. ఈ మూవీలో ఎన్టీఆర్... షణ్ముఖుడు, కార్తికేయుడు, కుమార స్వామిగా కనిపించబోతున్నట్లు ఇప్పటికే హింట్ ఇచ్చారు. పార్వతీ దేవి కార్తికేయుడికి అందించిన దైవిక ఆయుధం ఈటె. దీన్ని బట్టి ఈ చిత్రంలో హీరో సుబ్రహ్మణ్య స్వామి అంశతో శత్రువులను చీల్చి చెండాడే వారియర్‌గా కనిపించబోతున్నట్లు అర్థమవుతోంది.

Born in the North.
Forged in the Heartland.
Worshipped in the South.

Now... A tale destined to belong to the universe 💥💥#NTRxTrivikram@tarak9999 #Trivikram @anirudhofficial #SRadhaKrishna @NANDAMURIKALYAN @haarikahassine @NTRArtsOfficial @NTRxTrivikram pic.twitter.com/df7t6kD2oJ

— Naga Vamsi (@vamsi84) June 29, 2026

శ్లోకం... చెప్పిన కథనం

*"ॐ न जानामि शब्दं न जानामि चार्थं । न जानामि पद्यं न जानामि गद्यम् । चिदेको घडास्यः हृदि द्योतते मे । मुखान्निःसरन्ते गिरश्चापि चित्रम् ॥"* ఇదీ పోస్టర్ మధ్యలో ప్రత్యక్షమైన సంస్కృత శ్లోకం. ఆది శంకరాచార్యులు రచించిన ప్రసిద్ధ 'సుబ్రహ్మణ్య భుజంగ స్తోత్రం'లో రెండో శ్లోకం. దీని అర్థం... 'నాకు శబ్ద శాస్త్రం తెలీదు. పద్యం, గద్యం రాయడం అంతకన్నా తెలియదు. కానీ నా హృదయంలో ఆరు ముఖాలు కలిగిన షడాస్యుడు లేదా షడాననుడు (సుబ్రహ్మణ్య స్వామి) స్వయం ప్రకాశంతో వెలుగుతున్నాడు. అందుకే నా నోటి నుంచి అద్భుతమైన వాక్కులు ప్రవాహంలా వెలువడుతున్నాయి.' అని అర్థం.

దీని ప్రకారం సామాన్యుడిగా ఉండే ఓ వ్యక్తిలో అంతర్గతంగా దాగి ఉండే దైవిక శక్తిని ప్రతిబింబిస్తుంది. ఏదైనా విపత్కర పరిస్థితి సంభవించినప్పుడు ఆ దైవమే ఆ వ్యక్తి చేతికి ఆయుధాన్ని ఇచ్చి దారి చూపించి శత్రు సంహారం చేయిస్తుంది. అనేదే శ్లోక సారాంశంగా తెలుస్తోంది.

యుద్ధ భూమిలో పవర్ ఫుల్ వారియర్

పోస్టర్ బ్యాగ్రౌండ్‌లో శవాల దిబ్బలు, తగలబడుతున్న ఆలయ గోపురాలు, రక్తసిక్తమైన రణభూమి, ఎర్రటి యుద్ధ జెండాలను చూపించారు. అంటే ఓ భారీ పీరియాడికల్ మైథలాజికల్ యాక్షన్ డ్రామా లేదా దైవ సహాయంతో ధర్మాన్ని రక్షించేందుకు జరిగే ఓ వార్... పవర్ ఫుల్ వారియర్‌గా హీరో కనిపించబోతున్నట్లు స్పష్టం అవుతోంది.

ఈ మూవీకి త్రివిక్రమ్ శ్రీనివాస్ దర్శకత్వం వహిస్తుండగా... ఎన్టీఆర్ త్రివిక్రమ్ కాంబోలో రాబోతోన్న రెండో మూవీ. హై ఓల్టేజ్ మైథలాజికల్ యాక్షన్ డ్రామా ప్రాజెక్టును హారిక అండ్ హాసిని క్రియేషన్స్, ఎన్టీఆర్ ఆర్ట్స్ బ్యానర్స్‌పై సంయుక్తంగా నిర్మిస్తున్నారు. ఎస్ రాధాకృష్ణ, నందమూరి కల్యాణ్ రామ్ నిర్మాతలుగా వ్యవహరించనున్నారు. దీంతో పాటే నాగవంశీ కూడా నిర్మాతగా వ్యవహరించనున్నట్లు తెలుస్తోంది.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

ఎనర్జిటిక్ హీరో రామ్ కొత్త మూవీ స్టార్ట్ - డైరెక్టర్, హీరో కమ్ ప్రొడ్యూసర్... సైకలాజికల్ యాక్షన్ థ్రిల్లర్