NBK111 Update : బాలయ్య NBK111 న్యూ షెడ్యూల్ - హైదరాబాద్ To కాకినాడ... రిలీజ్ ఎప్పుడంటే?

Balakrishna NBK111 : గాడ్ ఆఫ్ మాసెస్ బాలయ్య లేటెస్ట్ మాస్ యాక్షన్ ఎంటర్టైనర్ NBK111 షూటింగ్ శరవేగంగా సాగుతోంది. రెండు మూడు టైటిల్స్ ప్రచారంలో ఉన్నా ఫైనల్ టైటిల్‌తో పాటు రిలీజ్ డేట్ అనౌన్స్ చేయనున్నారు.

బాలయ్య NBK111 షూటింగ్ అప్డేట్

Source : https://www.youtube.com/watch?v=3u_wE0ocFus

Balakrishna NBK111 New Schedule Shooting Update : గాడ్ ఆఫ్ మాసెస్ బాలయ్య, వీరసింహారెడ్డి ఫేం గోపీచంద్ మలినేని కాంబోలో రాబోతోన్న పవర్ ఫుల్ యాక్షన్ ఎంటర్టైనర్ 'NBK111'. ఇప్పటికే రిలీజ్ చేసిన గ్లింప్స్ హైప్ క్రియేట్ చేస్తుండగా... బాలయ్య స్టైలిష్ లుక్ ట్రెండ్ అవుతోంది. ఇప్పటికే పలు షెడ్యూల్స్ కంప్లీట్ చేసుకున్న ఈ ప్రాజెక్ట్ కొత్త షెడ్యూల్‌కు రెడీ అవుతోంది.

కొత్త షెడ్యూల్ ఎప్పుడంటే?

జులై 2 (గురువారం) నుంచి హైదరాబాద్‌లో కొత్త షెడ్యూల్ ప్రారంభం కానుండగా... బాలయ్యపై వారం రోజుల పాటు కీలక యాక్షన్ సీక్వెన్స్ షూట్ చేస్తారని తెలుస్తోంది. ఆ తర్వాత కాకినాడలో 10 రోజులు షూటింగ్ జరగనుందని ఫిలింనగర్ వర్గాల సమాచారం. ఇప్పటికే దీనికి సంబంధించి ఏర్పాట్లు పూర్తి చేశారు. గ్లింప్స్ బాలయ్య ఫ్యాన్స్‌కు ఫుల్ ట్రీట్ ఇవ్వగా... కొత్త అప్డేట్ ఇవ్వాలని కోరుతున్నారు. 

రిలీజ్ ఎప్పుడంటే?

1993 ముంబై నేపథ్యంలో సాగే భారీ మాస్ యాక్షన్ ఎంటర్టైనర్‌గా మూవీ రూపొందించనున్నట్లు గ్లింప్స్‌ను బట్టి తెలుస్తోంది. స్టైలిష్ గాడ్ తరహాలో బాలయ్య లుక్ గూస్ బంప్స్ తెప్పిస్తోంది. అండర్ వరల్డ్ మాఫియా, గ్యాంగ్ స్టర్ వార్స్, అలజడుల మధ్య డేంజరస్ వరల్డ్‌లోకి పవర్ ఫుల్‌గా ఎంటరైన బాలయ్య ఎలా లీడర్‌గా ఎదిగారు? అనేదే స్టోరీ అని తెలుస్తోంది. రెండు వేర్వేరు టైమ్ లైన్స్‌లో స్టోరీ సాగనున్నట్లు టాక్.

ఒకటి హిస్టారికల్, ఇంకొకటి ఇప్పుడు జెన్ జీ ట్రెండ్... బాలయ్య మాస్ ఇమేజ్‌కు తగ్గట్లుగా ఉండనున్నట్లు ఫిలింనగర్ వర్గాల సమాచారం. 'ఓ శకం ప్రారంభం' (Entry Of An Era) అంటూ గ్లింప్స్‌లో సస్పెన్స్ క్రియేట్ చేయగా... బాలయ్య రోల్‌ను 'The King Of Chaos'గా ఇంట్రడ్యూస్ చేశారు. పవర్ ఫుల్ స్టోరీకి రెండు పవర్ ఫుల్ టైటిల్స్ పరిశీలిస్తున్నట్లు సమాచారం. త్వరలోనే ఫైనల్ చేసి టైటిల్‌తో పాటే రిలీజ్ డేట్ కూడా అనౌన్స్ చేయనున్నారు. ముందుగా దసరాకు రిలీజ్ చేయాలని అనుకున్నా... అప్పటికీ రెడీ చేయడం కష్టమేనని అంటున్నారు. దీంతో డిసెంబర్ 4న రిలీజ్ చేసే ఛాన్సెస్ ఉన్నాయి.

ఈ మూవీలో కాజల్ అగర్వాల్ హీరోయిన్‌గా నటిస్తున్నారు. ప్రభుత్వ అధికారిణి రోల్‌లో ఆమె లుక్ హైప్ క్రియేట్ చేస్తోంది. సినిమాలో మంచు మనోజ్ నెగిటివ్ షేడ్స్ ఉన్న పాత్రలో నటిస్తున్నారు. వీరసింహారెడ్డి తర్వాత అంతే స్థాయిలో మాస్ యాక్షన్ ఉండబోతున్నట్లు తెలుస్తోంది. లెజెండరీ మ్యూజిక్ డైరెక్టర్ తమన్ మ్యూజిక్ అందిస్తుండగా... వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. 

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

మరిన్ని చదవండి

బికినీలో విశ్వంభర బ్యూటీ - యూత్ లేటెస్ట్ క్రష్... అందాల 'రమ్య'మ్