War 2 Movie: ఎన్టీఆర్ వర్సెస్ హృతిక్ రోషన్ - 'వార్ 2' కోసం డిఫరెంట్ ప్రమోషన్ వార్... క్రేజ్ అలాంటిది మరి

Hrithik Roshan NTR: ఎన్టీఆర్, హృతిక్ అవెయిటెడ్ మూవీ 'వార్ 2' ప్రమోషన్లను డిఫరెంట్‌గా ప్లాన్ చేస్తోంది యష్ రాజ్ ఫిల్మ్స్. ఆగస్ట్ 14న ప్రపంచవ్యాప్తంగా మూవీ ప్రేక్షకుల ముందుకు రానుంది.

డిఫరెంట్‌గా 'వార్ 2' ప్రమోషన్స్

Source : https://x.com/iHrithik/

NTR Hrithik Roshan Wont Promote War 2 Movie Together: మ్యాన్ ఆఫ్ మాసెస్ ఎన్టీఆర్ బాలీవుడ్ ఎంట్రీ అవెయిటెడ్ మూవీ 'వార్ 2'. బాలీవుడ్ స్టార్ హృతిక్ రోషన్, ఎన్టీఆర్ ప్రధాన పాత్రల్లో నటించిన ఈ మూవీ క్రేజ్ అంతా ఇంతా కాదు. బీ టౌన్‌తో పాటు ప్రపంచవ్యాప్తంగా మూవీ లవర్స్ ఎంతగానో ఎదురుచూస్తున్నారు. 

ఇప్పటికే డబ్బింగ్, చిత్రీకరణ పూర్తై ప్రస్తుతం పోస్ట్ ప్రొడక్షన్ పనుల్లో టీం బిజీగా ఉంది. యష్ రాజ్ ఫిల్మ్స్ (YRF) స్పై యూనివర్స్ ఫ్రాంచైజీలో భాగంగా ఆరో చిత్రంగా మూవీ రాబోతోంది. ఆయాన్ ముఖర్జీ దర్శకత్వం వహించిన ఈ మూవీ ఆగస్ట్ 14న రిలీజ్ కానుంది. ఇక యష్ రాజ్ ఫిల్మ్స్ మూవీ ప్రమోషన్లను డిఫరెంట్‌గా ప్లాన్ చేస్తోంది.

హృతిక్ వర్సెస్ ఎన్టీఆర్

యష్ రాజ్ ఫిల్మ్స్ తన మూవీ ప్రమోషన్లను ఎప్పుడూ డిఫరెంట్‌గా ప్లాన్ చేస్తుంది. ఆడియన్స్ ఎక్స్‌పెక్టేషన్స్‌కు అనుగుణంగా వారికి అసలైన స్పై థ్రిల్ పంచేలా చూస్తుంది. ఇందులో భాగంగానే 'వార్ 2' ప్రమోషన్లలో ఎన్టీఆర్, హృతిక్ రోషన్‌లను ఒకరికొకరు దూరంగా ఉంటారు. 'ఎన్టీఆర్, హృతిక్ వేర్వేరుగా ప్రమోట్ చేస్తారు. వారిద్దరూ కలిసి ఒకే స్టేజ్ పంచుకోరు. మూవీ రిలీజ్‌కు ముందు ఏ ప్రమోషనల్ వీడియోలోనూ ఉండరు. ఒకరినొకరు చూసుకోరు. హృతిక్ ఎన్టీఆర్ కాంబో ఓ అద్భుతం. వీరిద్దరూ స్క్రీన్‌పై కనిపించిన ప్రతీసారి మారణహోమమే. ఆ ఎక్స్‌పీరియన్స్ రియలిస్టిక్‌గా అందించేందుకు ఇలా ప్లాన్ చేశాం.'  అని టీం వర్గాలు తెలిపాయి.

ఫస్ట్ నుంచే అంతేగా...

YRF స్పై యూనివర్స్ తమ మూవీ ప్రమోషన్లలో ఎప్పుడూ ఓ కొత్త ప్లాన్ అమలు చేస్తుంది. అంతకు ముందు మూవీ సీక్రెట్స్ రివీల్ కాకుండా ఉంచేందుకు రిలీజ్‌కు ముందు ఎలాంటి ఇంటర్వ్యూలు ఇవ్వకుండా జాగ్రత్త పడేవారు. హృతిక్, టైగర్ ష్రాప్ జంటగా నటించిన 'వార్' సక్సెస్ మీట్‌లో మాత్రమే వారిద్దరూ కలిసి ఒకే స్టేజిపై కనిపించారు. షారుఖ్ ఖాన్ కూడా 'పఠాన్' మూవీ కోసం డిఫరెంట్‌గా ప్రమోట్ చేసి హైప్ క్రియేట్ చేస్తూ సక్సెస్ సాధించారు. 

టీజర్ గూస్ బంప్స్

ఇప్పటికే రిలీజ్ అయిన 'వార్ 2' టీజర్ గూస్ బంప్స్ తెప్పిస్తోంది. స్టైలిష్ లుక్‌లో పవర్ ఫుల్ డైలాగ్స్‌తో ఎన్టీఆర్ అదరగొట్టారు. 'నా కళ్లు ఎప్పటి నుంచో నిన్ను వెంటాడుతూనే ఉన్నాయి కబీర్. ఇండియా బెస్ట్ సోల్జర్. 'రా'లో బెస్ట్ ఏజెంట్ నువ్వే. కానీ, ఇప్పుడు కాదు. నా గురించి నీకు తెలియదు. కానీ, ఇప్పుడు తెలుసుకుంటావ్. గెట్ రెడీ ఫర్ వార్' అంటూ ఎన్టీఆర్ డైలాగ్ వేరే లెవల్‌లో ఉంది. ఇదివరకు ఎన్నడూ చూడని ఓ డిఫరెంట్ సీక్రెట్ ఏజెంట్‌గా ఆయన కనిపించనున్నారు.

ఎన్టీఆర్, హృతిక్‌ల మధ్య యాక్షన్ సీక్వెన్స్ అదిరిపోతాయని... ఇండియన్ సినిమాలో ఇద్దరు బిగ్గెస్ట్ స్టార్స్ ఈ మూవీ కోసం పోరాడారని డైరెక్టర్ ఆయాన్ ఇటీవల ఓ ఇంటర్వ్యూలో తెలిపారు. సినిమాలో హృతిక్ సరసన కియారా అద్వాణీ హీరోయిన్‌గా నటిస్తున్నారు. ఆగస్ట్ 14న హిందీతో పాటు తెలుగు, తమిళం, కన్నడ, మలయాళం భాషల్లో 'వార్ 2' రిలీజ్ కానుంది.

మరిన్ని చదవండి

విశ్వక్ సేన్ మూవీలో బాలయ్య? - క్రేజీ ఎపిసోడ్ కోసం భారీగా ప్లాన్... రోల్ ఏంటో తెలుసా!