NTR Neel Movie Update : ఫ్యాన్స్‌కు ఎన్టీఆర్ బర్త్‌డే సర్‌ప్రైజ్ - ప్రశాంత్ నీల్ సినిమాపై అదిరిపోయే అప్డేట్
Jr NTR Birthday: ఎన్టీఆర్ పుట్టినరోజు సందర్భంగా ‘దేవర’ నుంచి ఏదైనా అప్డేట్ రిలీజ్ అవుతుందని ఫ్యాన్స్ ఊహించారు. కానీ అనూహ్యంగా ప్రశాంత్ నీల్‌తో తను చూసే మూవీ నుంచి అప్డేట్ విడుదలయ్యింది.
NTR Neel Movie Update: ‘ఆర్ఆర్ఆర్’ లాంటి ప్యాన్ ఇండియా మూవీ తర్వాత ఎన్టీఆర్ రేంజే మారిపోయింది. అప్పటినుంచి తనకు ఇతర భాషా ప్రేక్షకులు కూడా ఫ్యాన్స్ అవ్వడం మొదలుపెట్టారు. అయితే ‘ఆర్ఆర్ఆర్’ తర్వాత ఎన్టీఆర్ను అసలు స్క్రీన్‌పై చూడకపోవడంతో ఫ్యాన్స్ డిసప్పాయింట్ అవుతున్నారు. కానీ ఎన్టీఆర్ మాత్రం లైన్‌లో రెండు ప్యాన్ ఇండియా చిత్రాలతో సిద్ధమవుతున్నాడు. ఇప్పటికే కొరటాల శివతో కలిసి ‘దేవర’ మూవీ చేస్తుండగా.. ప్రశాంత్ నీల్ లాంటి మరో యాక్షన్ డైరెక్టర్‌ను కూడా లైన్‌లో పెట్టాడు ఎన్టీఆర్. ఇక ఈ హీరో పుట్టినరోజు సందర్భంగా ప్రశాంత్ నీల్ ప్రాజెక్ట్ నుంచి అప్డేట్ బయటికొచ్చింది.
షూటింగ్ అప్పుడే..
ఫ్యాన్స్ అంతా ఎన్టీఆర్ను ప్రేమగా మ్యాన్ ఆఫ్ ది మాసెస్ అని పిలుచుకుంటారు. ఇక ఎలాంటి హీరోను అయినా ఒక రేంజ్ మాస్ ఎలివేషన్స్‌తో ఎలివేట్ చేసి ఆకట్టుకుంటాడు ప్రశాంత్ నీల్. అలాంటి ఎన్టీఆర్, ప్రశాంత్ నీల్ కాంబినేషన్‌లోని సినిమా అనగానే ఫ్యాన్స్ అంతా చాలా ఎగ్జైట్ అయ్యారు. కాంబినేషన్‌లో మూవీ ఉంటుందని చెప్తూ ఎన్టీఆర్, ప్రశాంత్ నీల్ కలిసి ఒక ఫోటోను విడుదల చేశారు. ఆ తర్వాత వారి నుంచి ఎలాంటి అప్డేట్ లేదు. మధ్యలో ఈ ప్రాజెక్ట్ ఆగిపోయిందని కూడా వార్తలు వచ్చాయి. కానీ ఎన్టీఆర్, ప్రశాంత్ నీల్ ప్రాజెక్ట్ వర్కవుట్ అయ్యింది అని అర్థమయ్యేలా షూటింగ్ అప్డేట్‌ను అందించారు మేకర్స్.
View this post on Instagram
ఊహించని అప్డేట్..
‘హ్యాపీ బర్త్‌డే మ్యాన్ ఆఫ్ మాసెస్ ఎన్టీఆర్. #ఎన్‌టీఆర్‌నీల్. 2024 ఆగస్ట్‌లో షూటింగ్ మొదలవుతుంది’ అని ఎన్టీఆర్, ప్రశాంత్ నీల్ కాంబినేషన్‌లో తెరకెక్కనున్న మూవీపై అప్డేట్ ఇచ్చారు మేకర్స్. అయితే ఎన్టీఆర్ పుట్టినరోజు కాబట్టి ‘దేవర’ నుంచి ఏదైనా అప్డేట్ వస్తుందేమో అని ఫ్యాన్స్ అనుకున్నారు. కానీ అనూహ్యంగా ప్రశాంత్ నీల్‌తో చేసే సినిమాపై అప్డేట్ రావడంతో ఫ్యాన్స్‌కు డబుల్ హ్యాపీనెస్ అందినట్టు అయ్యింది. ప్రస్తుతం ప్రశాంత్ నీల్ ఈ సినిమాకు సంబంధించిన స్క్రిప్ట్‌ను ఫైన‌ల్ చేస్తున్నారని తెలుస్తోంది. ‘కేజీఎఫ్’, ‘సలార్’లాంటి చిత్రాలను తెరకెక్కించిన ప్రశాంత్ నీల్ డైరెక్ట్ చేస్తున్న సినిమా కావడంతో.. ఇది ‘దేవర’కు మించి ఉండవచ్చని ఫ్యాన్స్ ఫిక్స్ అయిపోతున్నారు.
క్రేజ్‌కు తగ్గకుండా..
ప్రస్తుతం అన్నీ భాషా ఇండస్ట్రీల్లో ఎన్‌టీఆర్‌కు ఉన్న క్రేజ్‌ను దృష్టిలో పెట్టుకొని ఈ మూవీని తెరకెక్కించనున్నాడట ప్రశాంత్ నీల్. ఈ హీరో క్రేజ్‌కు మించేలా సినిమా ఉంటుందని సమాచారం. ఇప్పటికీ ఈ మూవీ షూటింగ్ ప్రారంభం అవ్వకపోయినా కూడా ఫ్యాన్స్ అంతా ఈ సినిమాపై చాలా ధీమాతో ఉన్నారు. ప్ర‌ముఖ నిర్మాణ సంస్థ‌లు మైత్రీ మూవీ మేకర్స్, ఎన్టీఆర్ ఆర్ట్స్ ప‌తాకాల‌పై ఈ సినిమా రూపొంద‌నుంది. ఎన్టీఆర్, నీల్ సినిమా ఓ రేంజ్‌లో ప్రేక్షకులకు సినిమాటిక్ ఎక్స్‌పీరియన్స్ ఇవ్వనుందట. ఎన్టీఆర్ ప్రస్తుతం ‘దేవర’, ‘వార్ 2’ సినిమాల‌తో బిజీగా ఉన్నాడు. ఈ ప్రాజెక్టుల‌ను పూర్తి చేసుకున్న తర్వాత ఆయ‌న ప్రశాంత్ నీల్ సినిమా షూటింగ్‌లో పాల్గొంటాడు.
Also Read: ఎన్టీఆర్ కెరీర్‌లో టాప్ 5 బెస్ట్ లుక్స్ - ఆ మేకోవర్, స్టైలింగ్‌కు విమర్శకులూ సైలెంట్
టాప్ హెడ్ లైన్స్
ట్రెండింగ్ వార్తలు
