రామ్ చరణ్ అభిమానులకు అదిరిపోయే న్యూస్ - ‘మగధీర’ రీరిలీజ్ డేట్ ఫిక్స్

చెర్రీ బర్త్ డే సందర్భంగా రీరిలీజ్ కు సిద్ధంగా ఉన్న మగధీర సినిమా.. సంతోషంలో అభిమానులు

Image credit: ramcharan/instagram

దర్శకుడు రాజమౌళి సినిమా వస్తుంది అంటే అభిమానులకు పండుగ. `ఆర్ఆర్ఆర్` సినిమాతో జక్కన్న రేంజ్ అమాంతం పెరిగిపోయింది. తెలుగు చిత్రాలను దేశ సరిహద్దులు దాటించిన ఘనత మన జక్కన్నకే దక్కుతుంది. ఈ దర్శకుడు తెరకెక్కించిన `మగధీర` చిత్రం ఏ రేంజ్ లో హిట్ అయిందో తెలిసిందే. కాలభైరవ, మిత్రబింద క్యారెక్టర్స్ తెలుగు సినిమా చరిత్రలో ఇప్పటికి, ఎప్పటికి చిరస్థాయిగా మిగిలిపోతాయి అనడంలో అతిశయోక్తి లేదు. ఈ సినిమాను మళ్లీ రిలీజ్ చేస్తే ఎంత బాగుండు అని చాలామంది అభిమానులు అనుకుంటున్నారు. అది నెరవేరే రోజు త్వరలోనే రానుంది. 

‘మగధీర’ మూవీని మార్చి 27న మెగా పవర్ స్టార్ రామ్ చరణ్ పుట్టినరోజు  సందర్భంగా రిలీజ్ అవనుంది. ఈ చిత్రాన్ని నిర్మించిన గీతా ఆర్ట్స్ నిర్మాణ సంస్థ ఈ సినిమాను రీ రిలీజ్ చేయనున్నట్లు ప్రకటించింది. దీంతో మరోసారి థియేటర్లలో ప్రకంపనలు సృష్టించబోతోంది చెర్రీ సినిమా. మెగా పవర్ స్టార్ రామ్ చరణ్ కెరీర్ ను మలుపు తిప్పిన సినిమా `మగధీర` అని చెప్పడంలో అతిశయోక్తి లేదు. ఈమూవీ  రామ్ చరణ్ కు స్టార్ హీరో ఇమేజ్ ను తెచ్చి పెట్టింది. `మగధీర` రీ రిలీజ్ అంటూ.. గత కొన్నాళ్ల నుంచి సోషల్ మీడియాలో టాక్ నడుస్తున్నప్పటికీ.. అధికారికంగా ఎలాంటి ప్రకటన రాలేదు. తాజాగా ఈసినిమాపై అఫీషియల్ అనౌన్స్ మెంట్ వచ్చేసింది.  మెగాపవర్ స్టార్ రామ్ చరణ్ బర్త్ డే కానుకగా మార్చి 27న ఈ మూవీని రిరిలీజ్ చేస్తున్నట్టుగా నిర్మాణ సంస్థ గీతా ఆర్ట్స్ ప్రకటించారు. దీంతో ఈ అప్డేట్ ఇప్పుడు వైరల్ గా మారింది. 

‘చిరుత’ సినిమాతో ఇండస్ట్రీకి  ఎంట్రీ ఇచ్చిన రామ్ చరణ్.. ‘మగధీర’ సినిమాతోనే కెరీర్ లో సాలిడ్ హిట్ కొట్టారు. ఈసినిమాతో మెగా వపర్ స్టార్ గా మారిన రామ్ చరణ్.. సొంత టాలెంట్ తో ఎదిగారు. మొదట్లో కాస్త విమర్శలు ఎదుర్కొన్నా.. తనను తాను మార్చుకుంటూ.. కెరీర్ ను మలుచుకున్నారు.  తన రెండవ సినిమా `మగధీర`తో  తెలుగు సినీ పరిశ్రమలో ఒక కొత్త చరిత్రను లిఖించాడు చరణ్.

13 ఏళ్ల క్రితమే కనీవినీ ఎరుగని విధంగా భారీ బడ్జెట్ తో.. `మగధీర` సినిమాను నిర్మించి సాహసం చేశారు గీతా ఆర్ట్స్. అప్పట్లోనే పాన్ఇండియా సినిమాలకు ధీటుగా  అతి పెద్ద సాహసానికి బాటలు వేసింది గీతా ఆర్ట్స్ సంస్థ. మెగా ప్రొడ్యూసర్ అల్లు అరవింద్  భారీ బడ్జెట్ తో ఈసినిమాను నిర్మించగా.. `మగధీర` సినిమా దానికి మూడింతలు  వసూలు చేసింది. పాన్ ఇండియా సినిమాకు ఉండాల్సిన కంటెంట్  అంతా పుష్కలంగా ఉన్న సినిమా `మగధీర`. ఈ సినిమాలోని కాలభైరవ గా రామ్ చరణ్ , మిత్రబింద గా కాజల్ పాత్రలను ప్రేక్షకులు ఎప్పటికి మరిచిపోలేరు. ఈ సినిమా మళ్లీ రిలీజ్ అవుతుండడంతో.. అభిమానులు మరోసారి థియేటర్లలో చూసేందుకు ఉత్సాహం చూపిస్తున్నారు.

Read Alos: హాలీవుడ్ టాప్ హీరోలకే చెమటలు పట్టిస్తున్న చెర్రీ, తారక్ - ఆ అవార్డుల్లో 2 కేటగిరీల్లో నామినేషన్స్