Devil Movie: ‘డెవిల్‘ మ్యూజికల్ జర్నీ షురూ, ఫస్ట్ సింగిల్ రిలీజ్ డేట్ ఫిక్స్

నందమూరి కల్యాణ్ రామ్ హీరోగా తెరకెక్కుతున్న తాజా చిత్రం 'డెవిల్'. ఈ సినిమాకు సంబంధించిన మేకర్స్ అదిరిపోయే అప్ డేట్ ఇచ్చారు. ఫస్ట్ సింగిల్ రిలీజ్ డేట్ అనౌన్స్ చేశారు.

Photo Credit: Abhishek Pictures/Instagram

వైవిధ్య‌మైన సినిమాల‌ను చేస్తూ త‌న‌దైన గుర్తింపు సంపాదించుకున్న నందమూరి కల్యాణ్ రామ్, గోల్డెన్ బ్యూటీ సంయుక్త మీనన్ జంటగా నటిస్తున్న తాజా చిత్రం ‘డెవిల్‘. న‌వీన్ మేడారం ద‌ర్శ‌క‌త్వంలో ఈ మూవీ రూపుదిద్దుకుంటోంది. దేశానికి స్వాతంత్య్రం రాక ముందు, అంటే 1940 కాలంలో చిత్ర కథ సాగుతుంది. ఈ సినిమాకు సంబంధించి ఆల్రెడీ షూటింగ్ కంప్లీట్ అయ్యింది. నవంబర్ 24న సినిమాను విడుదల చేయడానికి సన్నాహాలు చేస్తున్నారు. ఈ నేపథ్యంలో చిత్ర ప్రచార కార్యక్రమాలు షురూ చేశారు మేకర్స్.

‘డెవిల్’ మ్యూజికల్ జెర్నీ షురూ

ఇక తాజాగా ఈ సినిమాకు సంబంధించి మ్యూజికల్ జర్నీ షురూ అయినట్లు మేకర్స్ ప్రకటించారు. అందులో భాగంగానే ఫస్ట్ సింగిల్ విడుదలకు ముహూర్తం ఖరారు చేశారు. ‘మాయే చేసెయ్..’ అంటూ సాగే పాటకు సంబంధించిన ప్రోమోను రేపు రిలీజ్ చేయనున్నట్లు ప్రకటించారు. సిధ్ శ్రీరామ్, సత్య ఆర్ వీ ఈ పాటను పాడగా, హ‌ర్ష‌వ‌ర్ధ‌న్ రామేశ్వ‌ర్ స్వరాలు సమకూర్చారు. ఫుల్ సాంగ్ ను సెప్టెంబర్ 19న విడుదల చేయనున్నారు. ఈ మేరకు సోషల్ మీడియా వేదికగా చిత్రబృందం ఓ పోస్టర్ రిలీజ్ చేసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Icon Music South (@iconmusicsouth)

ఆకట్టుకున్న సంయుక్త ఫస్ట్ లుక్  

ఇక నంద‌మూరి క‌ల్యాణ్ రామ్‌ తో కలిసి సంయుక్త మీనన్ ఈ సినిమాలో నటిస్తోంది.  సెప్టెంబ‌ర్ 11న  ఆమె పుట్టిన రోజు జరుపుకుంది. ఈ సందర్భంగా చిత్రబృందం ఆమెకు అదిరిపోయే గిఫ్ట్ అందించింది. ఈ చిత్రంలో సంయుక్త పోషించిన నైష‌ధ పాత్ర‌కు సంబంధించిన ఫ‌స్ట్ లుక్ పోస్ట‌ర్‌ను విడుద‌ల చేసింది. ఈ ఫ‌స్ట్ లుక్ పోస్ట‌ర్ ప్రేక్షకులను అద్భుతంగా ఆకట్టుకుంది. కొబ్బ‌రికాయ‌, పువ్వులు తీసుకుని గుడిలో పూజకు వెళుతున్న అమ్మాయిగా ప్లెజంట్‌ లుక్‌లో ఆకట్టుకుంది. సంయుక్త పదహారణాల తెలుగమ్మాయిలా ఉందంటూ నెటిజన్లు ప్రశంసలు కురిపించారు.  చుట్టూ ఆలయాలు, పక్కనే ఎగురుతున్న పావురాలు మరింత అందంగా అందాన్ని తీసుకొచ్చాయి.  

న‌వంబ‌ర్ 24న ప్ర‌పంచ వ్యాప్తంగా గ్రాండ్ రిలీజ్

‘డెవిల్’ చిత్రంలో ఎవ‌రికీ అంతు చిక్క‌ని ఓ ర‌హ‌స్యాన్ని ఛేదించే బ్రిటీష్ సీక్రెట్ ఏజెంట్‌గా నంద‌మూరి క‌ళ్యాణ్ రామ్  ఆక‌ట్టుకోబోతున్నారు.  పాన్ ఇండియా లెవల్లో తెలుగు, త‌మిళ‌, క‌న్న‌డ‌, మ‌ల‌యాళ‌, హిందీ భాష‌ల్లో ‘డెవిల్’ సినిమా విడుదల చేసేందుకు మేకర్స్ ప్రయత్నాలు మొదలు పెట్టారు. న‌వంబ‌ర్ 24న ప్ర‌పంచ వ్యాప్తంగా గ్రాండ్ రిలీజ్ చేయబోతున్నారు. దేవాన్ష్ నామా స‌మ‌ర్ప‌కుడిగా.. అభిషేక్ పిక్చ‌ర్స్ బ్యాన‌ర్‌పై అభిషేక్ నామా దర్శక నిర్మాతగా ఈ సినిమాను రూపొందిస్తున్నారు. శ్రీకాంత్ విస్సా ఈ చిత్రానికి మాట‌లు, స్క్రీన్ ప్లే, క‌థ‌ను అందించారు. హ‌ర్ష‌వ‌ర్ధ‌న్ రామేశ్వ‌ర్ సంగీత సార‌థ్యం వ‌హిస్తుండ‌గా సౌంద‌ర్ రాజ‌న్ సినిమాటోగ్రాఫ‌ర్‌గా వ‌ర్క్ చేశారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial