Liger Trailer: అంచనాలు ఆకాశాన్ని అందుకునేలా చేసిన పూరి - విజయ్ దేవరకొండ 'లైగర్' ట్రైలర్ వచ్చేసింది

Vijay Devarakonda Puri Jagannadh's Liger Trailer Out Now: విజయ్ దేవరకొండ హీరోగా పూరి జగన్నాథ్ దర్శకత్వం వహించిన 'లైగర్' ట్రైలర్ ఈ రోజు విడుదలైంది.

'లైగర్'లో విజయ్ దేవరకొండ

విజయ్ దేవరకొండ (Vijay Devarakonda) కథానాయకుడిగా పూరి జగన్నాథ్ (Puri Jagannadh) దర్శకత్వం వహించిన పాన్ ఇండియా సినిమా 'లైగర్'. సాలా క్రాస్ బ్రీడ్... అనేది ఉప శీర్షిక. ఈ రోజు  తెలుగు ట్రైలర్‌ను ట్విట్టర్ ద్వారా మెగాస్టార్ చిరంజీవి, ఫేస్‌బుక్‌లో యంగ్ రెబల్ స్టార్ ప్రభాస్ (Watch Liger Trailer Here), హిందీ ట్రైలర్ ర‌ణ్‌వీర్, మలయాళం ట్రైలర్ దుల్కర్ సల్మాన్ విడుదల చేశారు.

తెలుగు, హిందీ, తమిళం, కన్నడ, మలయాళం... ఐదు భాషల్లో ట్రైలర్ విడుదల కానుంది. ట్రైలర్‌లో ఏముంది? అనే విషయానికి వస్తే... 'ఒక లయన్‌కి, టైగర్‌కి పుట్టి ఉంటాడు. క్రాస్ బ్రీడ్ సార్ నా బిడ్డ' అని రమ్యకృష్ణ చెప్పే డైలాగుతో మొదలైంది. ఆ తర్వాత విజయ్ దేవరకొండను పూరి జగన్నాథ్ మాసీగా, అదే సమయంలో స్టైలిష్ గా చూపించారు. నేపథ్యంలో వచ్చే సంగీతం బావుంది. విజువల్స్ గ్రాండ్ గా ఉన్నాయి.

లవ్, యాక్షన్, మదర్ రోల్, మార్షల్ ఆర్ట్స్ ఫైట్స్... ట్రైలర్‌లో పూరి జగన్నాథ్ అన్నీ చూపించారు. విజయ్ దేవరకొండకు నత్తి ఉందనే విషయాన్ని కూడా రివీల్ చేశారు. క్యారెక్టర్స్ అన్నీ చూపించారు. కాకపోతే... కథ గురించి క్లూ ఇవ్వలేదు. 'అయామ్ ఫైటర్' అని విజయ్ దేవరకొండ అంటే... 'నువ్వు ఫైటర్ అయితే నేను ఏంటి?' అని మైక్ టైసన్ ట్రైలర్ చివర్లో చెప్పడం బావుంది. 

''పూరి జగన్నాథ్ మళ్ళీ ఆకట్టుకున్నాడు. అంచనాలను ఆకాశాన్ని అందుకునేలా చేశాడు... లైగర్ ట్రైలర్ వచ్చేసింది. టీమ్ అందరికీ ఆల్ ది బెస్ట్'' అని మెగాస్టార్ చిరంజీవి ట్వీట్ చేశారు. 

విజయ్ దేవరకొండ సరసన అనన్యా పాండే కథానాయికగా నటించిన ఈ చిత్రాన్ని ఆగస్టు 25న విడుదల చేయనున్నారు. ఇందులో బాక్సింగ్ లెజెండ్ మైక్ టైసన్, ప్రముఖ నటి రమ్యకృష్ణ నటించారు. ప్రముఖ బాలీవుడ్ దర్శక - నిర్మాత కరణ్ జోహార్‌కు చెందిన ప్రొడక్షన్ కంపెనీ ధర్మ ప్రొడక్షన్స్, పూరి కనెక్ట్స్ నిర్మించారు. ఈ సినిమాకు పూరి జగన్నాథ్, ఛార్మీ కౌర్, కరణ్ జోహర్, అపూర్వ మెహతా నిర్మాతలు.

And here goes the #Liger Trailer

Puri Strikes Again!

Raising expectations sky high..

All The Very Best to Entire Team!https://t.co/Te4M9zmdyF@TheDeverakonda @ananyapandayy @MikeTyson @karanjohar #PuriJagannadh @Charmmeofficial @apoorvamehta18 @iamVishuReddy @RonitBoseRoy pic.twitter.com/U37aLtOjY2

— Chiranjeevi Konidela (@KChiruTweets) July 21, 2022