Marshal Movie: కార్తీ జోడీగా కల్యాణీ ప్రియదర్శన్... పూజతో మొదలైన 'మార్షల్'... సినిమా షురూ

Karthi Kalyani Priyadarshan Movie: కార్తీ 29వ సినిమాలో కథానాయికగా కల్యాణీ ప్రియదర్శన్ ఎంపికయ్యారు. తమిజ్ దర్శకత్వంలో ఎస్ఆర్ ప్రకాష్ బాబు, ఎస్ఆర్ ప్రభు నిర్మిస్తున్న చిత్రమిది. పూజతో ప్రారంభమైంది.

కార్తీ జోడీగా కల్యాణీ ప్రియదర్శన్... పూజతో మొదలైన 'మార్షల్'... పూజతో సినిమా షురూ

Source : https://www.instagram.com/dreamwarriorpictures/

'సత్యం సుందరం' సినిమాతో హీరో కార్తీ (Actor Karthi) మంచి విజయం సొంతం చేసుకున్నారు. విమర్శకులతో పాటు ప్రేక్షకులను ఆ సినిమా మెప్పించింది. దాని తర్వాత 'సర్దార్ 2' చేశారు. ఇప్పుడు కొత్త సినిమాను పూజతో ప్రారంభించారు. 

'మార్షల్'గా వస్తున్న కార్తీ
కార్తీ కథానాయకుడిగా నటిస్తున్న 29వ సినిమాకు 'మార్షల్' టైటిల్ ఖరారు చేశారు. ఈ సినిమాలో కల్యాణీ ప్రియదర్శన్ హీరోయిన్. 'తానక్కారన్' ఫేమ్ తమిళ్ దర్శకత్వం వహిస్తున్నారు. డ్రీమ్ వారియర్ పిక్చర్స్ పతాకంపై ఎస్ఆర్ ప్రకాష్ బాబు, ఎస్ఆర్ ప్రభు నిర్మిస్తున్నారు. ఇషాన్ సక్సేనా సహ నిర్మాత.

జూలై 10న పూజా కార్యక్రమాలతో 'మార్షల్' ప్రారంభమైంది. రెగ్యులర్ షూటింగ్ కూడా స్టార్ట్ చేశారు. భారీ నిర్మాణ వ్యయంతో రూపొందుతున్న ఈ సినిమాలో సత్యరాజ్, ప్రభు, లాల్, జాన్ కొక్కెన్, ఈశ్వరి రావు, మురళీ శర్మ ప్రధాన తారాగణం.

ఈ చిత్రానికి సినిమాటోగ్రాఫర్: సత్యన్ సూర్యన్, సంగీతం: సాయి అభ్యాంకర్, ఎడిటర్‌: ఫిలోమిన్ రాజ్, ప్రొడక్షన్ డిజైనర్‌: అరుణ్ వెంజరమూడు, సహ నిర్మాత: ఇషాన్ సక్సేనా, నిర్మాతలు: ఎస్ఆర్ ప్రకాష్ బాబు - ఎస్ఆర్ ప్రభు, నిర్మాణ సంస్థ: డ్రీమ్ వారియర్ పిక్చర్స్, రచన - దర్శకత్వం: తమిళ.