Kangana Ranaut Slap Row: కంగ‌నా ర‌నౌత్ చెంప‌దెబ్బ‌... స్పందించిన బాలీవుడ్ న‌టులు, హృతిక్ రోషన్ ఏమ‌న్నాడంటే?

Kangana Ranaut Slap Row: కంగ‌నా ర‌నౌత్ చెంప‌దెబ్బ ఘ‌ట‌న దేశ‌వ్యాప్తంగా సంచ‌ల‌నం సృష్టించిన విష‌యం తెలిసిందే. ఇప్పుడు ఆ ఘ‌ట‌న‌పై బాలీవుడ్ సెల‌బ్రిటీలు స్పందించారు. వాళ్లంతా ఏమ‌న్నారంటే?

కంగనా రనౌత్... ఆలియా భట్... హృతిక్ రోషన్ (Image Source: Facebook)

Kangana Ranaut Slap Row Bollywood Reaction: బాలీవుడ్ కథానాయిక, బీజేపీ ఎంపీ కంగనా రనౌత్‌ను కానిస్టేబుల్‌ చెంపదెబ్బ కొట్టిన ఘటన దేశ‌వ్యాప్తంగా సంచ‌ల‌నం సృష్టించిన విష‌యం తెలిసిందే. ఆమెను చంప‌దెబ్బ కొట్ట‌డంపై ఎంతోమంది స్పందించారు. కొంద‌రు కంగ‌నాకు స‌పోర్ట్ చేస్తుంటే... ఇంకొంత‌మంది మాత్రం చెంప‌దెబ్బ కొట్టిన కానిస్టేబుల్ కి స‌పోర్ట్ చేస్తున్నారు. ఈ ఘటనపై ఇప్ప‌టి వ‌ర‌కు బాలీవుడ్ సెల‌బ్రిటీలు స్పందించ‌లేదని వాళ్ల‌ను విమ‌ర్శిస్తూ కంగ‌నా పోస్ట్ కూడా పెట్టారు. అయితే, ఇప్పుడు ఆమెకు స‌పోర్ట్ గా నిలుస్తున్నారు బాలీవుడ్ న‌టులు. కంగ‌నాకు స‌పోర్ట్ చేసిన వాళ్ల‌లో ఆమె ఎక్స్ హృతిక్ రోష‌న్ కూడా ఉన్నారు. 

ఎవ‌రెవ‌రు స‌పోర్ట్ చేశారంటే? 

కంగ‌నా ర‌నౌత్ 2024 ఎన్నిక‌ల్లో మండీ నుంచి పోటీ చేసి గెలుపొందిన తర్వాత మండీ నుంచి ఢిల్లీ వ‌చ్చారు. ఆ టైంలో చండీగర్‌ ఎయిర్‌ పోర్టులో సెక్యూరిటీ చెకింగ్ టైంలో ఒక కానిస్టేబుల్ ఆమెను చెంప మీద కొట్టారు. అయితే, ఆ ఘ‌ట‌న‌పై ఇప్పుడు బాలీవుడ్ సెల‌బ్రిటీలు స్పందించారు. కంగ‌నా మాజీ ప్రియుడు అని పుకార్లలో వినిపించిన హీరో హృతిక్ రోష‌న్ సహా అలియా భ‌ట్,  జోయా అక్త‌ర్, సోనాక్షి సిన్హా, అర్జున్ క‌పూర్ త‌దిత‌రులు రియాక్ట్ అయ్యారు. ఒక జ‌ర్నలిస్ట్ పెట్టిన పోస్ట్ కి వాళ్లు లైక్ చేసి త‌మ స‌పోర్ట్ తెలియ‌జేశారు. 

ఆ పోస్ట్ ఏంటంటే? 

సీనియ‌ర్ జ‌ర్న‌లిస్ట్ ఫాయి డి సౌజా ఇన్ స్టాలో ఒక పోస్ట్ చేశారు. “ కంగనా పై జ‌రిగిన దాడిని చూస్తే... హింస ప్ర‌తి విష‌యానికి ప‌రిష్కారం కాదు. ముఖ్యంగా గాంధీ ప‌థంలో న‌డిచే మ‌న దేశంలో హింస మంచిది కాదు. ఒక‌రి మాట‌లు, ఒక‌రి చేష్ట‌లు మ‌న‌కు ఎంత న‌చ్చ‌క‌పోయినా మ‌నం హింస‌తో స‌మాధానం మాత్రం చెప్ప‌కూడ‌దు. యూనిఫాంలో ఉన్న సెక్యూరిటీ ప‌ర్స‌న‌ల్స్ ఇలా చేయ‌డం చాలా డేంజ‌ర్. గ‌త ప‌దేళ్ల‌లో మ‌న‌లో అధికారాన్ని ప్ర‌శ్నించిన వారిపై కానిస్టేబుల్స్ ఇలానే దాడి చేసి ఉంటే ఎలా ఉండేది ఊహించుకోండి” అంటూ ఆమె ప్ర‌శ్నిస్తూ పోస్ట్ చేశారు. ఆ పోస్ట్ ని స‌మ‌ర్థించారు బాలీవుడ్ సెల‌బ్రిటీలు. 

మ‌రోవైపు.. కంగ‌నా ర‌నౌత్ మొన్న ఒక పోస్ట్ పెట్టి డిలీట్ చేశారు. అదేంటంటే ఆమెకు బాలీవుడ్ సెలబ్రిటీలు ఎవ్వ‌రూ క‌నీసం స‌పోర్ట్ చేయ‌లేదంటూ ఆమె ట్వీట్ చేశారు. ఆ త‌ర్వాత దాన్ని డిలీట్ చేశారు. ఒక‌రి ఇంటిమేట్ జోన్ లోకి చొర‌బ‌డ‌టం స‌రైంది అని ఒప్పుకున్న వ్య‌క్తులు, అత్యాచారాలు, హ‌త్య‌ల లాంటి ఘోర‌మైన నేరాల‌ను కూడా స‌మ్మ‌తించిన‌ట్లే క‌దా అంటూ ఆమె ట్వీట్ చేశారు. దాన్ని ఆ త‌ర్వాత డిలీట్ చేశారు. ఇక ఇప్పుడు ఆమెకు బాలీవుడ్ స‌పోర్ట్ గా నిలిచింది. 

ఇదిలా ఉంటే.. న‌టి పూన‌మ్ కౌర్ మాత్రం కంగ‌నాకు వ్య‌తిరేకంగా పోస్ట్ పెట్టారు. తన ఇన్‌స్టాగ్రామ్‌ స్టోరీలో వీడియో షేర్‌ చేస్తూ.. "చండీగర్‌ ఎయిర్‌పోర్టులో కంగనాను చెంపదెబ్బ కొట్టిన సీఐఎస్‌ఎఫ్‌ అధికారి(మహిళ కానిస్టేబుల్‌)కుల్విందర్ కౌర్  ధైర్యవంతమైన మహిళ" అంటూ క్యాప్షన్‌ ఇచ్చారు.  దీంతో పూన‌మ్ కౌర్ పై తీవ్ర విమ‌ర్శ‌లు వ‌చ్చాయి. కొంత‌మంది మాత్రం కంగ‌నా ఎప్పుడూ ఎవ‌రినో ఒక‌రిని ఏదో ఒక‌టి అంటూనే ఉంటుంది. ఆమెకు అలా జ‌ర‌గాల్సిందే అంటూ కామెంట్లు పెడుతున్నారు.