Kalki 2898 AD: వంద రూపాయలకే 'కల్కి 2898 ఏడీ' టికెట్‌ - బంపర్‌ ఆఫర్‌ ప్రకటించిన మేకర్స్‌

Kalki 2898 AD Tickets: కల్కి 2898 ఏడీ మూవీ టికెట్స్‌పై మేకర్స్ బంపర్ ఆఫర్‌ ప్రకటించింది. మూవీ టికెట్స్‌ని భారీగా తగ్గిస్తూ తాజాగా వైజయంతీ మూవీస్‌ అధికారిక ప్రకటన ఇచ్చారు. 

Image Credit: Vyjayanthi Movies/Twitter

Source : https://x.com/VyjayanthiFilms/status/1819025216032608323

Kalki 2898 AD Movie Ticket Rates Dropped: ప్రభాస్‌-నాగ్‌ అశ్విన్‌ కాంబినేషన్‌లో తెరకెక్కిన లేటెస్ట్‌ మూవీ 'కల్కి 2898 ఏడీ'. జూన్‌ 27న వరల్డ్ వైడ్‌గా రిలీజైన ఈ సినిమా 15 రోజులు తిరక్కుండానే వెయ్యి కోట్ల క్లబ్‌లో చేరింది. ఇప్పటి వరకు ఈ సినిమా రూ. 1100 కోట్లకుపైగా గ్రాస్ వసూళ్లు చేసినట్టు ట్రేడ్‌వర్గాల నుంచి సమాచారం. ఒక్క ఇండియాలోనే కాదు ఓవర్సిస్‌లోనూ 'కల్కి 2898 ఏడీ' భారీ వసూళ్లు రాబడుతోంది. ఇప్పటికీ థియేటర్లో కల్కి 2898 ఏడీ అదే జోరు చూపిస్తుంది. ఇక ఇడియన్స్‌ని రప్పించేందుకు ఈ మూవీ నిర్మాణ సంస్థ వైజయంతీ మూవీస్‌ నిర్మాణ సంస్థ భారీ ఆఫర్‌ని ప్రకటించింది. ఈ సినిమా టికెట్లను భారీ తగ్గించింది. కేవలం రూ. 100లకే టికెట్ల అందుబాటులోకి వచ్చింది. ఈ మేరకు ట్విటర్‌లో అధికారిక ప్రకటన ఇచ్చారు. అయితే ఇది కేవలం ఈ ఒక్క వారం మాత్రమే. 

రూ. 100కే టికెట్‌

మూవీ విడుదలై నెల రోజులు అవుతున్న ఇప్పటికే థియేటర్లో కల్కి 2898 ఏడీకి మంచి ఆదరణ వస్తోంది. దీంతో మూవీ టీం తక్కువ ధరకే టికెట్లను అందుబాటులో తీసుకువచ్చింది. ఇది కేవలం ఒక్క వారం మాత్రమే. ఆ ఆఫర్‌ ఆగష్టు 2 నుంచి 9వ తేదీ వరకే. లోకేన్‌ ఆఫ్‌ అప్రిసేషన్‌ (token of appreciation) పేరుతో వైజయంతీ మూవీస్‌ ఈ ఆఫర్‌ని ప్రకటించారు. ఇది ఇండియా అంతటా ఆఫర్‌ వర్తిస్తుందని మేకర్స్‌ స్పష్టం చేశారు. దీంతో 'కల్కి 2898 ఏడీ' ఫ్యాన్స్‌ అంతా ఫుల్‌ ఖుష్‌ అవుతున్నారు. భారీ రేట్ల వల్ల 'కల్కి 2898 ఏడీ' మూవీ చూడలనేని సామాన్య ప్రజలు కల్కి 2898 ఏడీని థియేటర్లో ఆస్వాధించేందుకు రెడీ అవుతున్నారు. ఇక థియేటర్లో ఈ సినిమాను మిస్‌ అయిన వారు వంద రూపాయలకే ఈ విజువల్‌ వండర్‌ని థియేటర్లో ఆస్వాధించండి. 

Thank you is a small word… This week is our token of appreciation ❤️

Enjoy the Epic Maha Blockbuster #Kalki2898AD for just Rs. 100/- at cinemas across India, available for one week from August 2nd!@SrBachchan @ikamalhaasan #Prabhas @deepikapadukone @nagashwin7 @DishPatani… pic.twitter.com/tt0PhGhWUm

— Vyjayanthi Movies (@VyjayanthiFilms) August 1, 2024

అత్యంత భారీ బడ్జెట్‌తో రూపొందిన ఈ సినిమాను నాగ్‌ అశ్విన్‌ విజువల్‌ వండర్‌గా తెరకెక్కించారు. మహాభారతానికి సైన్స్‌ ఫిక్షన్‌ని జతచేసి వెండితెరపై అద్భుతం చేశాడు నాగ్‌ అశ్విన్. ఏకంగా ఈ సినిమా కోసం ఆయన మూడు ప్రపంచాలనే సృష్టించారు. ఆయన విజనరికి దర్శక దిగ్గజాలు సైతం ఆశ్చర్యపోయారు. సినీ ఇండస్ట్రీకి చెందిన పెద్దలంతా కల్కి 2898 ఏడీపై ప్రశంసలు జల్లు కురిపించారు. సుమారు రూ. 600 కోట్ల బడ్జెట్‌తో తెరకెక్కిన ఈ సినిమాలో కమల్‌ హాసన్‌, అమితాబ్‌ బచ్చన్‌, దీపికా పదుకొనె, సీనియర్‌ నటి శోభన వంటి స్టార్స్‌ కీలక పాత్రలో నటించారు. దర్శక ధీరుడు ఎస్‌ఎస్‌ రాజమౌళి, రామ్‌ గోపాల్‌ వర్మ, దుల్కర్‌ సల్మాన్‌, విజయ్‌ దేవరకొండ, మృణాల్ ఠాకూర్‌లు అతిథి పాత్రలో మెరిసారు.