King 100: 'కింగ్ 100'లో లేడీ విలన్... నాగార్జునతో 28 ఏళ్ల తర్వాత... అటువంటి రోల్‌లో సీనియర్ హీరోయిన్?

Nagarjuna 100th Film News: అక్కినేని నాగార్జున హీరోగా రూపొందుతున్న ప్రతిష్టాత్మక 100వ సినిమా షూటింగ్ జరుగుతోంది. అందులో విలన్ రోల్ లేడీ చేస్తున్నట్టు తెలిసింది.

నాగార్జున 'కింగ్ 100'లో షాకింగ్ ట్విస్ట్!

Source : https://www.instagram.com/annapurnastudios/

Show Quick Read

Key points generated by AI, verified by newsroom

• నాగార్జున 100వ చిత్రం 'కింగ్ 100' వివరాలు జూలై 10న.
• 28 ఏళ్ల తర్వాత, టబు 'కింగ్ 100'లో ప్రధాన విలన్‌గా.
• తండ్రీకూతుళ్ల అనుబంధం, డీ-ఏజింగ్ టెక్నాలజీ, దర్శకుడు ఆర్.ఏ. కార్తీక్.

అఖిల్ అక్కినేని 'లెనిన్' ప్రీ రిలీజ్ ఈవెంట్‌లో 'కింగ్ 100' అప్డేట్ గురించి అడగ్గా... జూలై 10 తర్వాత చెబుతానని అక్కినేని నాగార్జున (Akkineni Nagarjuna) చెప్పారు. టాలీవుడ్ కింగ్ తన కెరీర్‌లో ఎంతో ప్రతిషాత్మకమైన 100వ సినిమాను స్టార్ట్ చేసిన సంగతి తెలిసిందే. అయితే... అఫీషియల్‌గా అనౌన్స్ చేయలేదు. ఆ చిత్రానికి వర్కింగ్ టైటిల్ 'కింగ్ 100' (King 100). అందులో విలన్ రోల్ గురించి ఫిల్మ్ నగర్ వర్గాల్లో ఆసక్తికరమైన చర్చ జరుగుతోంది. అది ఏమిటంటే?

'కింగ్ 100'లో లేడీ విలన్!
Villain Role In King 100: 'కింగ్ 100'లో వెండితెరపై గతంలో హీరో హీరోయిన్లుగా సూపర్ డూపర్ హిట్ అందుకున్న మ్యాజికల్ కాంబినేషన్ రిపీట్ కాబోతోంది. ఈ సినిమాలో సీనియర్ హీరోయిన్ టబు నటిస్తున్నారు. సుమారు 28 ఏళ్ల తర్వాత నాగార్జున, టబు కలిసి నటిస్తున్న చిత్రమిది.

'కింగ్ 100'లో నటిస్తున్న సంగతిని టబు రివీల్ చేశారు. అయితే... లేటెస్ట్ అప్డేట్ ప్రకారం, ఈ సినిమాలో వాళ్ళిద్దరూ హీరో హీరోయిన్లుగా నటించడం లేదు. 'కింగ్ 100'లో టబుది మెయిన్ విలన్‌ రోల్ అని టాక్. 'నిన్నే పెళ్ళాడతా', 'ఆవిడా మా ఆవిడే' వంటి హిట్ సినిమాల్లో జంటగా నటించిన వాళ్ళిద్దరూ... ఈసారి ఒకరితో మరొకరు 'ఢీ అంటే ఢీ' అంటూ పోటీ పడతారట. ఆల్రెడీ తన పాత్రకు సంబంధించిన కీలక సన్నివేశాల చిత్రీకరణను టబు పూర్తి చేసినట్టు తెలిసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Itrh (@itrhofficial)

ప్రియాంకా అరుల్ మోహన్ ప్రధాన పాత్రలో నటించిన వెబ్ సిరీస్ 'మేడ్ ఇన్ కొరియా' గుర్తు ఉందా? నెట్‌ఫ్లిక్స్‌లో స్ట్రీమింగ్ అవుతోంది. ఆ సిరీస్ దర్శకుడు ఆర్.ఎ. కార్తీక్, 'కింగ్ 100'కు దర్శకత్వం వహిస్తున్నారు. ఇదొక కంప్లీట్ కమర్షియల్ ఎంటర్‌టైనర్ అని నాగార్జున చెబుతున్నారు. తండ్రీ కూతుళ్ల మధ్య అనుబంధం నేపథ్యంలో సినిమా సాగుతుందని సమాచారం. ఇందులో నాగార్జున 25 ఏళ్ల యువకుడి నుంచి 60 ఏళ్ల వ్యక్తి వరకు వివిధ దశల్లో కనిపిస్తారట. అందు కోసం డీ ఏజింగ్ టెక్నాలజీని వాడుతున్నారట.

అన్నపూర్ణ స్టూడియోస్ పతాకంపై నిర్మిస్తున్న 'కింగ్ 100'లో ఐశ్వర్య రాజేష్, సుస్మితా భట్, విజయేంద్ర కీలక పాత్రల్లో నటిస్తున్నారు. ఈ ఏడాది దసరా సందర్భంగా సినిమాను విడుదల చేసేందుకు ప్లాన్ చేస్తున్నారని టాక్.