Guntur Karam Movie : సంక్రాంతికే 'గుంటూరు కారం' - డౌట్స్కు చెక్ పెట్టిన మహేష్ ప్రొడ్యూసర్
సూపర్ స్టార్ మహేష్ బాబు హీరోగా నటిస్తున్న 'గుంటూరు కారం' సంక్రాంతికి వస్తుందా? లేదా? అని ప్రేక్షకుల్లో సందేహాలు నెలకొన్నాయి. ముఖ్యంగా మహేష్ అభిమానుల్లో! వాటికి నిర్మాత నాగవంశీ చెక్ పెట్టారు!
'ప్రతి సంక్రాంతికి అల్లుళ్ళు వస్తారు. ఈ సంక్రాంతికి మొగుడు వచ్చాడు' - 'సరిలేరు నీకెవ్వరు' సినిమాలో నటుడు ప్రకాష్ రాజ్ డైలాగ్ ఇది. ఆ సంక్రాంతికి సూపర్ స్టార్ మహేష్ బాబు (Mahesh Babu) మంచి హిట్ అందుకున్నారు. ఆ చిత్రానికి ముందు సంక్రాంతికి విడుదలైన మహేష్ బాబు సినిమాలు మంచి విజయాలు సాధించాయి. పెద్ద పండక్కి ఆయన ట్రాక్ రికార్డ్ బావుంది. వచ్చే ఏడాది సంక్రాంతికి 'గుంటూరు కారం' (Guntur Karam Movie) సినిమాతో ఆయన రానున్నట్లు ఆల్రెడీ అనౌన్స్ చేశారు. అయితే...
సంక్రాంతికి మహేష్ సినిమా విడుదల అవుతుందా?
'గుంటూరు కారం' సినిమా విడుదల సంక్రాంతికి అని అనౌన్స్ చేశారు. కానీ, మహేష్ ఫ్యాన్స్ అందరూ కూడా గత కొన్నాళ్లుగా చాలా టెన్షన్ పడుతూ ఉన్నారు. వై? ఎందుకు? అంటే... 'గుంటూరు కారం' టీం నుంచి ఎలాంటి అప్డేటూ ఉండటం లేదు కాబట్టి! పైగా, కథ మారిందని పుకార్లకు తోడు హీరోయిన్ పూజా హెగ్డే బదులు మీనాక్షి చౌదరిని ఎంపిక చేయడం వంటి విషయాల వలన సినిమా సంక్రాంతికి రాదనే రూమర్స్ విని చాలా మంది బాధపడే ఉంటారు.
పుకార్లకు ఫుల్ స్టాప్ పెట్టిన నిర్మాత నాగవంశీ!
'గుంటూరు కారం' సినిమా చుట్టూ గత కొన్నాళ్లుగా ప్రచారంలో ఉన్న రూమర్లకు, పుకార్లకు నిర్మాత సూర్యదేవర నాగవంశీ ఒక్కసారిగా చెక్ పెట్టేశారు. తాజాగా ఇచ్చిన ఓ ఇంటర్వ్యూలో 'గుంటూరు కారం' రెండు వందల శాతం సంక్రాంతికే వస్తుందని తేల్చి చెప్పేశారు. అక్టోబర్ 20వ తేదీకి టాకీ పోర్షన్ షూటింగ్ పూర్తి అవుతుందని, అప్పటికి ఇంకో నాలుగు సాంగ్స్ షూటింగ్ మాత్రమే బ్యాలెన్స్ ఉంటుందని ఆయన వివరించారు.
రికార్డు రేటుకు నైజాం రేట్స్ కొన్న 'దిల్' రాజు
'గుంటూరు కారం' సినిమా నైజాం డిస్ట్రిబ్యూషన్ రైట్స్ 'దిల్' రాజు రికార్డు రేటుకు కొన్నారని, నాన్ రాజమౌళి సినిమాల్లో ఇదే హయ్యస్ట్ బిజినెస్ అని నాగవంశీ చెప్పారు. అలాగే సినిమా నుంచి ఫస్ట్ పాటను 99 శాతం దసరాకు విడుదల చేస్తామని ఆయన తెలిపారు. మహేష్ బాబును ఈ మధ్య కాలంలో చూడనంత ఎనర్జిటిక్ పాత్రలో అభిమానులు చూస్తారని సినిమాపై హైప్ మరింత పెంచారు.
తమన్... పూజా హెగ్డే... క్లారిటీ!
'గుంటూరు కారం' నుంచి నుంచి సంగీత దర్శకుడిగా తమన్ బదులు మరొకరిని తీసుకుంటారని, అతడిని తీసేయాలని బలంగా పుకార్లు వినిపించిన సంగతి తెలిసిందే. వాటిపై కూడా నాగవంశీ వివరణ ఇచ్చారు. తమన్ ను తీసేయాలని ఎప్పుడూ అనుకోలేదని, మరోవైపు పూజా హెగ్డే డేట్స్ బాలీవుడ్ సినిమాతో క్లాష్ అవడం వల్లే తప్పుకోవాల్సి వచ్చిందని నాగవంశీ వివరించారు.
Also Read : నో డౌట్ - రాజమౌళి రికార్డులకు దగ్గరలో మహేష్ సినిమా కలెక్షన్స్!
మాటల మాంత్రికుడు త్రివిక్రమ్ శ్రీనివాస్ దర్శకత్వంలో హారిక అండ్ హాసిని క్రియేషన్స్ పతాకంపై సూర్యదేవర రాధాకృష్ణ (చినబాబు) 'గుంటూరు కారం' ప్రొడ్యూస్ చేస్తున్నారు. ఈ సినిమాలో శ్రీ లీల, మీనాక్షీ చౌదరి హీరోయిన్లు.
Also Read : సంక్రాంతి బరిలో రజనీకాంత్ సినిమా - రేసులో 'లాల్ సలాం'
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
