Gopichand With Ali : పేద పిల్లలకు ఉచిత చదువు - ప్రభాస్‌తో సీక్రెట్‌గా సినిమా, గోపిచంద్ గురించి షాకింగ్ విషయాలు బయటపెట్టిన ఆలీ
Gopichand in Alitho Saradaga Show: భీమా ప్రమోషన్ లో భాగంగా తాజాగా ఆలీతో సరదగా టాక్‌ షోలో పాల్గొన్నాడు గోపిచంద్ . ఈ సందర్భంగా ఆలీ గోపిచంద్‌కు సంబంధించిన ఓ షాకింగ్ విషయం రివీల్‌ చేశాడు.
Gopichand Clarifies Movie With Prabhas: మాచో స్టార్ గోపిచంద్ భీమా సినిమాతో బిజీగా ఉన్నాడు. యునిక్‌ యాక్షన్‌ ఎంటర్‌టైనర్‌గా వస్తున్న ఈ సినిమాను కన్నడ దర్శకుడు ఏ హర్ష తెరకెక్కించాడు. భారీ అంచనాల మధ్య ఈ చిత్రం మార్చి 8న ప్రేక్షకుల ముందుకు రాబోతోంది. కొంతకాలంగా వరుస ఫ్లాప్స్‌ చూస్తున్న గోపిచంద్‌కు భీమా విజయం కీలకంగా మారింది. విలన్‌గా.. హీరోగా.. ఎన్నో హిట్స్‌ చూసిన గోపిచంద్‌కు ఈ మధ్య పరాజయాలే ఎదురవుతున్నాయి. గతేడాది రామబాణంతో భారీ డిజాస్టర్‌ చూశాడు. ఈసారైనా ఎలాగైన ఓ భారీ హిట్‌ కొట్టాలని కన్నడ డైరెక్టర్‌తో జతకట్టాడు. మరోసారి పోలీసు ఆఫీసర్‌ ఫ్యాన్స్‌ని సర్‌ప్రైజ్‌ చేయబోతున్నాడు. ఫ్యామిలీలో ఎమోషన్స్‌తో పాటు యాక్షన్‌ ఎంటర్‌టైనర్‌గా వస్తున్న ఈ చిత్రంలో ప్రచార పోస్టర్స్‌, టీజర్‌ ఇటీవల రిలీజైన ట్రైలర్‌ మూవీపై అంచనాలను పెంచాయి.
పేద పిల్లలకు చదవు..
మరికొద్ది రోజుల్లో మూవీ విడుదల కానున్న సందర్భంగా గోపిచంద్ అండ్‌ భీమా టీం ప్రమోషన్స్‌తో బిజీ అయిపోయారు. ఈ క్రమంతో తాజాగా ఆలీతో సరదగా టాక్‌ షోలో పాల్గొన్నాడు ఈ మాచో స్టార్. ఈ షో సెకండ్‌ సీజన్‌ గోపిచంద్ తోనే ప్రారంభం కావడం విశేషం. ఈ సందర్భంగా ఆలీ గోపిచంద్‌కు సంబంధించిన ఓ షాకింగ్ విషయం రివీల్‌ చేశాడు. ఈ స్టార్ హీరో కొంతమంది పేద పిల్లలను ఉచితం చదివిస్తున్నాడట. ఈ విషయం ఇప్పటి వరకు ఎవరికి తెలియదు. ఈ షోతోనే బయటకు రావడం గమనార్హం. అదే విషయాన్ని ఎప్పుడు చెప్పలేదేంటని అడిగితే తనకు అలా ఇష్టం ఉండదని, ఎవరైనా బాగా చదువుతారంటే వాళ్లని చదివిస్తాను అన్నాడు. అందులో కొంతమందికి అసలు తన పేరు తెలియదని, వారిని చదివిస్తుంది తానే అనే విషయం కూఆ వారికి తెలియదంటూ సర్‌ప్రైజ్‌ చేశాడు.
Also Read: భర్త విఘ్నేశ్ శివన్‌ను అన్‌ఫాలో చేసిన నయనతార? ఇదిగో క్లారిటీ!
ప్రభాస్ సీక్రెట్‌గా మల్టీస్టారర్‌
అనంతరం ప్రభాస్ సినిమాలో స్పందించాడు. ఇండస్ట్రీలో ప్రభాస్-గోపిచంద్ మంచి స్నేహితులనే విషయం తెలిసిందే. వీరిద్దరు ఎప్పుడు స్టేజ్‌ షేర్‌ చేసుకున్న వారి మధ్య ఉన్న అనుబంధాన్ని పంచుకుంటారు. వర్షం సినిమాలో ఢీ కొట్టుకున్న వీరిద్దరిని మళ్లీ తెరపై చూడాలన్నది చాలా మంది ఆడియన్స్, ఫ్యాన్స్‌ కోరిక. ఇక ఇదే విషయాన్ని హోస్ట్‌ ఆలీ గోపిచంద్‌ను ప్రశ్నించారు. నువ్వు ప్రభాస్ ఓ సినిమా చేస్తున్నారని వార్తలు వచ్చాయని, ఇందుకు పోస్టర్‌ కూడా ఉందనడంతో గోపిచంద్ నవ్వేశాడు. అవును.. అంటూ సినిమాపై పరోక్షంగా హింట్‌ ఇచ్చాడు. మరోసారి ప్రభాస్ తో కలిసి నటిస్తాను. అది ఎప్పుడు అనేది మాత్రం ఇప్పట్లో చెప్పలేను అన్నట్లుగా గతంలో చెప్పిన మాటలనే గోపీచంద్‌ మరోసారి రిపీట్‌ చేసుకోమాన్నాడు. ఇదే విషయాన్ని గతంలో ఆహా అన్‌స్టాపబుల్‌ షోలో చెప్పిన సంగతి తెలిసిందే. కొన్ని విషయాల్లో తనకు మోహమటం అని, అలా మోహమాటానికి పోయి చాలా కొల్పోయానని అన్నాడు. దాంతో రియలైజ్‌ అయిన తాను ఆ మోహమాటాన్ని మడిచి పక్కన పెట్టనన్నాడు. ప్రస్తుతం గోపిచంద్ కామెంట్స్‌ వైరల్‌ అవుతున్నాయి.
టాప్ హెడ్ లైన్స్
ట్రెండింగ్ వార్తలు
