Disha Patani: ఆ టాటూ సీక్రెట్ చెప్పేసిన దిశా పటానీ - డార్లింగ్ ఫ్యాన్స్ ఇది విన్నారా!

దిశా పటానీ టాటూ మిస్ట్రీకి చెక్ పెట్టింది. ఆమె చేతిపై వేయించుకున్న టాటూ వెనుక అసలు కథ చెప్పేసింది. ఆ టాటూకు ప్రభాస్ కు అస్సలు సంబంధం లేదని తేల్చి చెప్పేసింది.

హీరోయిన్ దిశా పటానీ(Photo Credit: Disha Patani/Instagram)

Source : Other

Disha Patani’s Tattoo Mystery: ప్రతిష్టాత్మక చిత్రం ‘కల్కి 2898 AD’లో కీలక పాత్ర పోషించింది బాలీవుడ్ బ్యూటీ దిశా పటానీ. రాక్సీ పాత్రతో అద్భుతంగా నటించి ఆకట్టుకుంది. ఈ మూవీలో ఆమె ప్రభాస్ వెనకాల తిరిగే అమ్మాయిగా కనిపించింది. తాజాగా ఈ ముద్దుగుమ్మ ఎడమ చేతిపై వేయించుకున్న టాటూ టాక్ ఆఫ్ ది టౌన్ గా మారింది. ‘PD’ ఉన్న ఈ టాటూపై రకరకాలుగా ప్రచారం జరిగింది. ప్రభాస్ తో ప్రేమలో ఉందని, అతడి పేరుతోనే ‘ప్రభాస్ డార్లింగ్’ టాటూ వేయించుకుందంటూ రకరకాలుగా నెటిజన్లు కామెంట్స్ చేశారు. మరోవైపు ఆమె పేరునే అటు ఇటుగా రాయించుకుందని మరికొంత మంది వెల్లడించారు.  తను నటించబోయే సినిమాకు సంబంధించిన ప్రమోషన్ అయి ఉంటుందని ఇంకొంత మంది అభిప్రాయపడ్డారు.

టాటూ వెనుకున్న అసలు స్టోరీ చెప్పిన దిశా పటానీ

తాజాగా ఈ టాటూ వెనుకున్న అసలు కథను బయటపెట్టింది దిశా పటానీ. తన చేతికి ఉన్న టాటూకు పాన్ ఇండియన్ స్టార్ ప్రభాస్ కు ఎలాంటి సంబంధం లేదని చెప్పింది. అంతేకాదు, ఈ టాటూకు సంబంధించి ఏ ఒక్కరూ సరైన గెస్ చేయలేదని చెప్పుకొచ్చింది. తన టాటూ ఓటీటీ దిగ్గజం ప్రమోషన్ లో భాగంగా వేయించుకున్నట్లు తాజాగా వివరించింది. అమెజాన్ ప్రైమ్ డే 2024 ప్రమోషన్‌ కోసమే టెంపరరీ టాటూ వేసుకున్నట్లు క్లారిటీ ఇచ్చింది. ‘PD’ అంటే ‘ప్రైమ్ డే’ అని వివరించింది. ఈ మేరకు ఇన్ స్టా వేదికగా ఓ వీడియో షేర్ చేసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by disha patani (paatni) 🦋 (@dishapatani)

సూర్య పాన్ ఇండియా సినిమాలో హీరోయిన్ గా దిశా

దిశా పటానీ తెలుగు ప్రేక్షకులనూ అలరించింది. మెగా ఫ్యామిలీ హీరో వరుణ్ తేజ్ నటించిన ‘లోఫర్’ మూవీతో ఆడియెన్స్ ముందుకు వచ్చింది. ఆ తర్వాత బాలీవుడ్ లోకి అడుగు పెట్టింది. అక్కడ వరుస సినిమా అవకాశాలతో కెరీర్ సక్సెస్ ఫుల్ గా కొనసాగిస్తోంది. తాజాగా ‘కల్కి’ సినిమాలో కీలక పాత్రలో కనిపించింది. ప్రస్తుతం సూర్యతో కలిసి ప్రతిష్టాత్మక చిత్రంలో ‘కంగువ’లో నటిస్తుంది. శివ సిరుత్తై దర్శకత్వంలో ఈ పాన్ ఇండియన్ మూవీ రూపొందుతుంది.

బాబీ డియోల్ విలన్ పాత్రలో కనిపించనున్నారు. సూర్య ఏకంగా ఐదు క్యారెక్టర్లు చేస్తున్నారు. ఈ మూవీ అక్టోబర్ 10, 2024లో విడుదల కానుంది. తాజాగా పాటల రచయిత వివేక ఈ సినిమాకు సంబంధించి రివ్యూ ఇవ్వడం విశేషం. రీసెంట్ గా ఈ సినిమా చూసినట్లు చెప్పిన ఆయన, ‘కంగువ’ చాలా థ్రిలింగ్ గా ఉందని వెల్లడించారు. ఇండియన్ ఫిల్మ్ ఇండస్ట్రీకి ఈ సినిమా కనీవినీ ఎరుగని కీర్తిని తీసుకురాబోతున్నట్లు వెల్లడించారు. డైరెక్టర్ శివ ఈ సినిమాతో ప్రేక్షకులను మరో ప్రపంచంలోకి తీసుకెళ్తారని చెప్పుకొచ్చారు. ఈ సినిమాలో సూర్య నటన మరో లెవల్ అన్నారు.