Chiranjeevi : మెగాస్టార్ బాబీ మూవీ షూటింగ్కు రెడీ - ఫస్ట్ షాట్కు ముహూర్తం ఎప్పుడంటే?
Mega 158 Movie : మెగాస్టార్ చిరంజీవి, డైరెక్టర్ బాబీ మూవీ షూటింగ్కు రెడీ అవుతోంది. ప్రీ ప్రొడక్షన్ పనులు కంప్లీట్ కాగా... ఏప్రిల్ మూడో వారంలో ట్రాక్ ఎక్కనున్నట్లు తెలుస్తోంది.
Chiranjeevi Bobby Movie Shooting Schedule Locked : 'మన శంకర వరప్రసాద్ గారు' మూవీ బిగ్ సక్సెస్తో మెగా ఫ్యాన్స్ ఫుల్ జోష్లో ఉన్నారు. ఇప్పటికే మెగాస్టార్ నెక్స్ట్ మూవీ Mega 158 డైరెక్టర్ బాబీతో ఫిక్స్ అయిన సంగతి తెలిసిందే. వీరిద్దరి కాంబోలో 'వాల్తేరు వీరయ్య' బిగ్ సక్సెస్ అందుకుంది. దీంతో ఈ ప్రాజెక్ట్ అనౌన్స్ చేసినప్పటి నుంచే భారీ హైప్ క్రియేట్ అవుతోంది. తాజాగా ఈ మూవీ షూటింగ్ ఫస్ట్ షెడ్యూల్ ఫిక్స్ అయ్యింది.
ఆ రోజు నుంచే?
చిరు బాబీ మూవీ ఏప్రిల్ మూడో వారం నుంచి ప్రారంభం కానుంది. ఏప్రిల్ 20 నుంచే ఈ చిత్రాన్ని ట్రాక్ ఎక్కించేందుకు మేకర్స్ ప్లాన్ చేస్తున్నారు. అందుకు తగిన ఏర్పాట్లు చేస్తున్నారు. పవర్ ఫుల్ యాక్షన్ ఎంటర్టైనర్ను బాబీ రెడీ చేసినట్లు తెలుస్తోంది. ఇప్పటికే రిలీజ్ చేసిన ఫస్ట్ లుక్ హైప్ క్రియేట్ చేస్తోంది. ప్రీ ప్రొడక్షన్ పనులు కంప్లీట్ కాగా... ఇతర తారాగణం ఎంపికపై కసరత్తు చేస్తున్నారు. షూటింగ్ టైంకు ఇది పూర్తి చేయనున్నట్లు తెలుస్తోంది.
Also Read : అఖిల్ లెనిన్ వాయిదా - రామ్ చరణ్ పెద్ది రిలీజ్ ఎఫెక్ట్... న్యూ రిలీజ్ డేట్ ఇదే
బెెంగాళ్ నేపథ్యంలో తండ్రీ కూతుళ్ల సెంటిమెంట్తో పవర్ ఫుల్ యాక్షన్ బ్యాక్ డ్రాప్గా మెగా 158 మూవీ తెరకెక్కుతున్నట్లు తెలుస్తోంది. పూర్తి స్థాయి తండ్రి పాత్రలో చిరు కనిపించనున్నట్లు సమాచారం. చిరు సరసన ఆయన భార్యగా ప్రియమణి, కూతురిగా కన్నప్ప ఫేం ప్రీతి ముకుందన్ను ఫైనల్ చేసినట్లు టాక్ వినిపిస్తోంది. కృతి శెట్టి, అనస్వర రాజన్ పేర్లు వినిపించినా చివరకు ప్రీతినే మెగాస్టార్ కూతురి రోల్ కోసం ఎంపిక చేశారట. దీనిపై త్వరలోనే అఫీషియల్ అనౌన్స్మెంట్ రానుంది.
ఇక ఈ సినిమాలో మలయాళ స్టార్ మోహన్ లాల్ కీలక పాత్ర పోషించనున్నట్లు తెలుస్తోంది. పవర్ ఫుల్ పోలీస్ ఆఫీసర్ పాత్రలో ఆయన కనిపించనున్నట్లు తెలుస్తుండగా... స్టోరీకి ఇదే కీలక రోల్ అని టాక్. సెకండాఫ్లో ఆయన ఎంట్రీ ఎవరూ ఊహించని విధంగా ఉంటుందని సమాచారం. ఇద్దరు మల్టీ స్టారర్స్ నటిస్తుండడంతో థియేటర్స్ దద్దరిల్లడం ఖాయమంటూ మెగా ఫ్యాన్స్ కామెంట్స్ చేస్తున్నారు. అలాగే, బాలీవుడ్ యాక్టర్ అనురాగ్ కశ్యప్ విలన్ రోల్ చేస్తున్నట్లు తెలుస్తోంది.
రిలీజ్ ఎప్పుడంటే?
బాబీకి సంక్రాంతి సెంటిమెంట్ బాగా వర్కౌట్ అవుతోంది. వాల్తేరు వీరయ్య సైతం సంక్రాంతికే రిలీజై మంచి విజయం సాధించింది. ఇప్పుడు ఈ మూవీ కూడా వచ్చే ఏడాది సంక్రాంతి బరిలోనే ఉంచాలని ప్లాన్ చేస్తున్నారట. ఈ మూవీని KVN ప్రొడక్షన్స్ బ్యానర్పై వెంకట నారాయణ భారీ బడ్జెట్తో నిర్మిస్తున్నారు. ఆస్కార్ విన్నర్ ఏఆర్ రెహమాన్ మ్యూజిక్ అందిస్తున్నారు.
టాప్ హెడ్ లైన్స్
ట్రెండింగ్ వార్తలు
