Indra Re Release: ‘ఇంద్ర’ విడుదలై 22 ఏళ్లు - మరోసారి థియేటర్లలో సందడి చేయనున్న సినిమా, రీ రిలీజ్ ఎప్పుడో తెలుసా?

Indra Re Release: చిరంజీవి హీరోగా నటించిన ఇండస్ట్రీ హిట్ ‘ఇంద్ర’ విడుదలయ్యి 22 ఏళ్లు పూర్తయ్యింది. దీంతో ఈ సినిమా రీ రిలీజ్‌కు ముహూర్తం ఫిక్స్ చేశారు మేకర్స్.

ఇంద్ర మూవీ పోస్టర్ (Image Credit: Twitter)

Source : Twitter

Indra Re Release Date: ఇప్పటికీ టాలీవుడ్‌లో రీ రిలీజ్‌ల ట్రెండ్ కొనసాగుతూనే ఉంది. ప్రస్తుతం చాలావరకు హీరోలు బ్యాక్ టు బ్యాక్ సినిమాలతో బిజీగా ఉన్నా వాటి విడుదలకు మాత్రం సమయం పడుతోంది. అందుకే వారి కెరీర్‌లో క్లాసిక్‌గా నిలిచిపోయిన చిత్రాలను మళ్లీ తెరపైకి తీసుకొస్తున్నారు. అలా మెగాస్టార్ చిరంజీవి కెరీర్‌లో కూడా ప్రేక్షకులకు గుర్తుండిపోయే సినిమాలు ఎన్నో ఉన్నాయి. అందులో ఒకటి ‘ఇంద్ర’. ఇక ఈ మూవీ రీ రిలీజ్ కోసం ఇదే కరెక్ట్ టైమ్ అని భావించిన మేకర్స్.. తాజాగా ‘ఇంద్ర’ను మళ్లీ థియేటర్లలో విడుదల చేయడానికి ముహూర్తం ఖరారు చేశారు.

22 ఏళ్లు పూర్తి..

తాజాగా ‘కల్కి 2898 ఏడీ’ లాంటి బ్లాక్‌బస్టర్ హిట్‌ను అందుకున్న వైజయంతీ మూవీస్.. అప్పట్లో పలు క్లాసిక్ చిత్రాలను నిర్మించింది. అందులో ఒకటి చిరంజీవి హీరోగా నటించిన ‘ఇంద్ర’. ఇక వైజయంతీ మూవీస్ బ్యానర్.. తాజాగా 50 ఏళ్లు పూర్తి చేసుకుంది. ఇక ‘ఇంద్ర’ రిలీజ్ అయ్యి కూడా 22 ఏళ్లు పూర్తయ్యింది. ఈ సందర్భంగా ఈ మూవీ రీ రిలీజ్‌కు ప్లాన్ చేశారు మేకర్స్. ఆగస్ట్ 22న మెగాస్టార్ పుట్టినరోజు సందర్భంగా మరోసారి థియేటర్లలో సందడి చేయనున్నాడు ‘ఇంద్ర’. దీంతో ఫ్యాన్స్ అంతా మరోసారి ఈ క్లాసిక్ సినిమాను థియేటర్లలో ఎంజాయ్ చేయడానికి సిద్ధమవుతున్నారు.

ఇండస్ట్రీ హిట్..

బి గోపాల్ దర్శకత్వంలో తెరకెక్కిన ‘ఇంద్ర’.. అప్పట్లో ఎన్నో రికార్డులను తిరగరాసింది. 2002 జులై 24న విడుదలయిన ఈ చిత్రం.. ఎన్నో సెంటర్లలో 50 రోజులు, 100 రోజులు కూడా ఆడింది. అంతే కాకుండా అత్యధిక కలెక్షన్స్ సాధించిన సౌత్ ఇండియన్ సినిమాగా రికార్డ్ అందుకుంది. అందుకే ఈ మూవీ రీ రిలీజ్‌ను చాలా స్పెషల్‌గా అనౌన్స్ చేసింది. ‘మెగా బ్లాక్‌బస్టర్ ఇంద్ర 22 ఏళ్లను పూర్తిచేసుకుంది. సినిమాపై మాత్రమే కాకుండా మన మనసుల్లో కూడా ఇది చెరగని ముద్ర వేసుకుంది. ఆగస్ట్ 22న చిరంజీవి పుట్టినరోజు సందర్భంగా ఈ మూవీ గ్రాండ్‌గా రీ రిలీజ్ అవ్వనుంది’’ అని వైజయంతీ మూవీస్ ప్రకటించింది.

22 glorious years of MEGA BLOCKBUSTER #Indra, a film that etched its mark on cinema and our hearts forever ❤️

In celebration of 50 GOLDEN YEARS OF VYJAYANTHI MOVIES, let’s relive the magic with a 𝐆𝐫𝐚𝐧𝐝 𝐑𝐞-𝐑𝐞𝐥𝐞𝐚𝐬𝐞 𝐨𝐧 𝐀𝐔𝐆𝐔𝐒𝐓 𝟐𝟐, in honour of Megastar… pic.twitter.com/jF3eSXrUX7

— Vyjayanthi Movies (@VyjayanthiFilms) July 24, 2024

బెస్ట్ యాక్టర్ అవార్డులు..

‘ఇంద్ర’కు అప్పట్లో మూడు నంది అవార్డులు, రెండు ఫిల్మ్‌ఫేర్ అవార్డులు దక్కాయి. ఇక ఈ మూవీలో హీరోగా చిరంజీవి యాక్టింగ్‌కు బెస్ట్ యాక్టర్‌కు తనకు ఈ రెండు అవార్డులు వరించాయి. చిరంజీవి, వైజయంతీ మూవీస్ కాంబినేషన్‌లో పలు బ్లాక్‌బస్టర్స్ వచ్చినా ‘ఇంద్ర’ మాత్రం ల్యాండ్‌మార్క్‌గా మిగిలిపోయింది. ముఖ్యంగా మణిశర్మ అందించిన సంగీతాన్ని ఇప్పటికీ చాలామంది మర్చిపోలేరు. ఇందులో చిరు స్టెప్పులను ఇప్పటికీ ఫ్యాన్స్ ఇమిటేట్ చేస్తుంటారు. ‘ఇంద్ర’లో చిరంజీవికి జంటగా సోనాలి బింద్రే, ఆర్తి అగర్వాల్ నటించారు.