Bhola Mania Song : వన్ అండ్ ఓన్లీ బిందాస్ భోళా, మెగాస్టార్ వస్తే స్విచ్ఛాన్ గోల - ఫస్ట్ సాంగ్ విన్నారా?

మెగాస్టార్ చిరంజీవి కథానాయకుడిగా మెహర్ రమేష్ దర్శకత్వం వహిస్తున్న 'భోళా శంకర్' సినిమాలో ఫస్ట్ సాంగ్ విడుదలైంది.

'భోళా శంకర్'లో చిరంజీవి 

'వన్ అండ్ ఓన్లీ బిందాస్ భోళా... మనమొస్తేనే స్విచ్ ఆన్ గోల' అని మెగాస్టార్ చిరంజీవి (Megastar Chiranjeevi) అంటున్నారు. ఆయన కథానాయకుడిగా నటిస్తున్న తాజా సినిమా 'భోళా శంకర్' (Bholaa Shankar Movie). మెహర్ రమేష్ దర్శకత్వం వహిస్తున్నారు. ఈ చిత్రానికి మణిశర్మ తనయుడు మహతి స్వరసాగర్ సంగీతం అందిస్తున్నారు. ఈ రోజు సినిమాలో తొలి పాట 'భోళా మేనియా'ను విడుదల చేశారు.

దేవి శ్రీ విడుదల చేసిన భోళా మేనియా
'భోళా మేనియా' పాటను రాక్ స్టార్ దేవి శ్రీ ప్రసాద్ విడుదల చేశారు. ''మెగాస్టార్ చిరంజీవి గారి 'భోళా శంకర్' చిత్రంలో పాటను విడుదల చేయడం నాకు దక్కిన గౌరవంగా భావిస్తున్నాను. నా సోదరుడు మహతి స్వర సాగర్ కు ఈ సాంగ్ పెద్ద హిట్ కావాలని ఆశిస్తున్నాను. తమ్ముడు... జస్ట్ డూ కుమ్ముడు'' అంటూ దేవి శ్రీ ప్రసాద్ ట్వీట్ చేశారు. 

''థాంక్యూ తమ్ముడు... ఈ పాట 'అమ్ముడు లెట్స్ డూ కుమ్ముడు' కంటే డబుల్ హిట్ అవుతుందని ఆశిస్తున్నాను'' అని చిరంజీవి ట్వీట్ చేశారు. పాట విడుదల చేసిన దేవి శ్రీకి ఆయన థాంక్స్ చెప్పారు. 

''అదిరే స్టైల్ అయ్యా...
పగిలే స్వాగ్ అయ్యా...
యుఫోరియా నా ఏరియా
భోళా మేనియా!
ఎగస్ట్రాలు వద్దయ్యా...
కొలెస్ట్రాల్ వద్దయ్యా...
ఎవ్వడైనా గూబ గుయ్యా
భోళా మేనియా'' 
అంటూ ఈ పాటను రామ జోగయ్య శాస్త్రి రాశారు. రేవంత్ పాడారు. శేఖర్ మాస్టర్ పాటకు కొరియోగ్రఫీ అందించారు. 'వన్ అండ్ ఓన్లీ బిందాస్ భోళా... మనమొస్తేనే స్విచ్ ఆన్ గోల' అంటూ లిరిక్స్ సాగింది.

ప్రముఖ నిర్మాత కె.ఎస్. రామారావుకు చెందిన క్రియేటివ్ కమర్షియల్స్‌తో కలిసి అనిల్ సుంకర ఎకె ఎంటర్‌టైన్‌మెంట్స్ సంస్థ నిర్మిస్తున్న చిత్రమిది. ఇందులో చిరంజీవి సోదరిగా కీర్తీ సురేష్ నటిస్తున్నారు. ఏయన్నార్ మనవడు, నాగార్జున మేనల్లుడు, యువ హీరో సుశాంత్ కూడా సినిమాలో కీలక పాత్ర పోస్తున్నారు. చిరంజీవి సరసన తమన్నా కథానాయికగా నటిస్తున్నారు.

రఘు బాబు, మురళీ శర్మ, రవి శంకర్, 'వెన్నెల' కిశోర్, తులసి, సురేఖా వాణి, శ్రీ ముఖి, 'హైపర్' ఆది, 'వైవా' హర్ష, రష్మీ గౌతమ్, ప్రదీప్, బిత్తిరి సత్తి, సత్య, 'గెటప్' శ్రీను, వేణు టిల్లు (బలగం దర్శకుడు వేణు ఎల్దండి), 'తాగుబోతు' రమేష్, ఉత్తేజ్, తరుణ్ అరోరా తదితరులు నటిస్తున్న ఈ చిత్రానికి కూర్పు : మార్తాండ్ కె వెంకటేష్, కథా పర్యవేక్షణ : సత్యానంద్, మాటలు : తిరుపతి మామిడాల, ఫైట్ మాస్టర్స్ : రామ్ - లక్ష్మణ్ & దిలీప్ సుబ్బరాయన్ & కాచే కంపాక్డీ, పాటలు : రామజోగయ్య శాస్త్రి, కాసర్ల శ్యామ్, శ్రీమణి, సిరాశ్రీ, ఎగ్జిక్యూటివ్ నిర్మాత :  కిషోర్ గరికిపాటి, ఛాయాగ్రహణం : డడ్లీ, సంగీతం : మహతి స్వర సాగర్, నిర్మాణ సంస్థ : ఎకె ఎంటర్‌టైన్‌మెంట్స్, నిర్మాత : రామ బ్రహ్మం సుంకర, కథనం, దర్శకత్వం : మెహర్ రమేష్.