VenkyAnil 3 : అనిల్ రావిపూడి, వెంకటేష్ కొత్త సినిమాలో నటించాలని ఉందా? ఇలా చేయండి!

అనిల్ రావిపూడి, వెంకటేష్ కాంబినేషన్లో హ్యాట్రిక్ మూవీ తెరకెక్కుతుండగా.. ఈ సినిమాలో గోదావరి స్లాంగ్ మాట్లాడే నటీనటులు కావాలని మూవీ టీం కాస్టింగ్ కాల్ ని ఏర్పాటు చేసింది.

వెంకటేష్, అనిల్ రావిపూడి(Image Credit : Anil Ravipudi/Instagram)

Anil Ravipudi - Venkatesh Movie Casting Call : సక్సెస్ ఫుల్ మూవీ డైరెక్టర్ అనిల్ రావిపూడి - విక్టరీ వెంకటేష్ కాంబినేషన్లో హ్యాట్రిక్ మూవీ తెరకెక్కబోతోంది. ఇప్పటికే వీరిద్దరి కాంబోలో వచ్చిన 'ఎఫ్2', 'ఎఫ్3' సినిమాలు బాక్సాఫీస్ దగ్గర సూపర్ హిట్స్ అయ్యాయి. ఇప్పుడు ముచ్చటగా మూడోసారి ఆడియన్స్ ని ఎంటర్టైన్ చేయబోతున్నారు. 'ఎఫ్2', 'ఎఫ్3' సినిమాలలో వరుణ్ తేజ్ తో స్క్రీన్ షేర్ చేసుకున్న వెంకీ మామ.. ఈసారి మాత్రం సింగిల్ గానే ఆడియన్స్ ని ఎంటర్టైన్ చేయబోతున్నారు. ప్రజెంట్ ఈ మూవీ ప్రీ ప్రొడక్షన్ వర్క్ శరవేగంగా జరుగుతోంది. ఈ క్రమంలోనే సినిమాలో నటించే ఆర్టిస్టుల కోసం మూవీ టీం కాస్టింగ్ కాల్ ఏర్పాటు చేసింది. వాటి పూర్తి వివరాల్లోకి వెళ్తే..

వెంకటేష్ కొత్త సినిమాలో నటించాలని ఉందా? అయితే ఇలా చేయండి

అనిల్ రావిపూడి, వెంకటేష్ కాంబినేషన్లో తెరకెక్కబోతున్న సినిమాకి గోదావరి స్లాంగ్ మాట్లాడేవాళ్ళు కావాలట. ఈ మేరకు తాజాగా మేకర్స్ కాస్టింగ్ కాల్ పోస్టర్ లో డిటెయిల్స్ రిలీజ్ చేశారు. 6 నుంచి 14 ఏళ్ళు, 25 నుంచి 55 ఏళ్లు వయసున్న మగవారు, ఆడవాళ్లు కావాలని.. ఆసక్తి ఉన్నవారు VENKYANILO3@GMAIL.COM లేదా WHATSAPP: 8247812007 కి మీకు సంబంధించిన యాక్టింగ్ వీడియోలు పంపాలి. ఇన్ స్టా రీల్స్ మాత్రం పంపకూడదు. గోదావరి స్లాంగ్ ని బాగా మాట్లాడే వాళ్ళు ఉంటే ఇది మీకు సువర్ణవకాశం. మీ దగ్గర టాలెంట్ ఉంటే వెంటనే మీ ప్రొఫైల్ ని షేర్ చేసి వెంకీ మామ కొత్త సినిమాలో నటించే ఛాన్స్ అందుకోండి. 

To all the amazing talents out there💥

Join the team of a most entertaining film coming from the Blockbuster combo @VenkyMama & @AnilRavipudi ❤️‍🔥#VenkyAnil3 are looking for new actors who are fluent in Godavari Accent💥

Share your profiles to venkyanil03@gmail.com or
WhatsApp… pic.twitter.com/IRSFEb0AYs

— Sri Venkateswara Creations (@SVC_official) April 17, 2024

వెంకీమామ సరసన గుంటూరు 'కారం బ్యూటీ'

అనిల్ రావిపూడి, వెంకటేష్ కాంబినేషన్ మూవీలో ఇద్దరు హీరోయిన్స్ నటించబోతున్నారట. అందులో ఓ హీరోయిన్‌గా 'గుంటూరు కారం' బ్యూటీ మీనాక్షి చౌదరిని సెలెక్ట్ చేసినట్లు తాజా సమాచారం. రీసెంట్గా 'గుంటూరు కారం'లో మహేష్ బాబు మరదలి పాత్రలో కనిపించి ఆకట్టుకున్న మీనాక్షి చౌదరి.. ఇప్పుడు వెంకీ మామకి జోడిగా నటించబోతుంది. ఇక మరో హీరోయిన్ పై క్లారిటీ రావాల్సి ఉంది.

టైటిల్ అదేనా?

అనిల్ రావిపూడి ఈ సినిమాని మరోసారి తన మార్క్ కామెడీ ఎంటర్టైనర్ గా తెరకెక్కించబోతున్నారట. సినిమాలో వెంకటేష్ మాజీ పోలీస్ ఆఫీసర్ గా నటిస్తున్నట్లు తెలుస్తోంది. అంతేకాదు ఓవైపు భార్య మరోవైపు గర్ల్ ఫ్రెండ్.. ఇద్దరి మధ్య నలిగిపోయే పాత్రలో వెంకటేష్ కనిపిస్తారని అంటున్నారు. ఈ క్రమంలోనే ఈ సినిమాకి 'నారి నారి నడుమ మురారి' అనే టైటిల్ ని పరిశీలిస్తున్నట్లు ఫిలిం సర్కిల్స్ లో టాక్ వినిపిస్తోంది. త్వరలోనే టైటిల్ ని అఫీషియల్ గా అనౌన్స్ చేసే అవకాశం ఉంది. శ్రీ వెంకటేశ్వర క్రియేషన్స్ బ్యానర్ పై అగ్ర నిర్మాత దిల్ రాజు ఈ సినిమాని నిర్మిస్తున్నారు. మే లేదా జూన్ నెలలో వెంకటేష్, అనిల్ రావిపూడి సినిమా సెట్స్ మీదకు వెళ్లే అవకాశాలు ఉన్నట్లు ఫిల్మ్ నగర్ వర్గాల సమాచారం భీమ్స్ సిసిరోలియో సంగీతం అందించనున్న ఈ సినిమాని వచ్చే ఏడాది సంక్రాంతి కానుకగా ప్రేక్షకుల తీసుకురానున్నారు.