Madhavi Latha: కృష్ణుడితో ప్రేమలో పడ్డా, ‘బేబీ’ తరహా పాత్రలు చేయను: మాధవీ లత

నటి మాధవి లత తన గురించి ఇంట్రెస్టింగ్ విషయాలు చెప్పింది. ప్రేమ అంటేనే పడని తాను ఒకరి ప్రేమలో పడిపోయినట్లు తెలిపింది. ఆయన తోడుగా ఉంటే చాలా హ్యాపీగా ఉంటుందని వెల్లడిచింది.

Photo Credit: MadhaviLatha/Instagram

సినీ నటి మాధవీ లత గురించి పెద్దగా పరిచయం లేదు.  ‘న‌చ్చావులే’ సినిమాతో మంచి విజయాన్ని అందుకుంది. ఆ తర్వాత ‘స్నేహితుడా’, ‘అర‌వింద్ 2’ లాంటి చిత్రాల్లో న‌టించి మెప్పించింది. నెమ్మదిగా అవకాశాలు రాక సినిమాలకు దూరం అయ్యింది. ప్రస్తుతం రాజకీయాల్లో కొనసాగుతోంది. తాజాగా ఆమె ఓ యూట్యూబ్ ఛానెల్ కు ఇచ్చిన ఇంటర్వ్యూలో పలు ఇంట్రెస్టింగ్ విషయాలు వెల్లడించింది. తన వ్యక్తిగత ముచ్చట్లతో పాటు సినిమా పరిశ్రమకు సంబంధించిన అంశాల గురించి స్పందించింది.

మా అమ్మానాన్నల కోరిక అదొక్కటే- మాధవీ లత

అందరు అమ్మానాన్నల మాదిరిగానే తన పేరెంట్స్ కూడా పెళ్లి చేసి పిల్లా పాపలతో హ్యాపీగా ఉండాలని భావిస్తున్నారని చెప్పింది మాధవీ. అయితే, నాకు నచ్చిన వ్యక్తి దొరికినప్పుడు పెళ్లి చేసుకుంటానని వెల్లడించింది. “నేను చాలా ఎమోషనల్ వ్యక్తిని. చాలా ప్రాక్టికల్ గా ఉంటాను. లైఫ్ అనేది వార్ అని నమ్ముతాను. దేవుడు నాకు ఇచ్చిన రెండు గొప్ప వరాలు నా కుటుంబం, నా ఫ్రెండ్స్. వీళ్లు నన్ను ఎవరూ వ్యతిరేకించరు. అంటే భజన చేయరు. సరి చేస్తారు. ఏదైనా తప్పుగా మాట్లాడితే, అలా మాట్లాడకుండా ఉండి ఉంటే బాగుండేదని చెప్తారు. నాకు పెళ్లి చేసి ఒక చక్కటి కుటుంబాన్ని చూడాలనేది మా అమ్మనాన్నల కల. అన్నయ్యలకు పెళ్లిళ్లు చేశారు. వాళ్ల కుటుంబాలు హ్యాపీగా ఉన్నాయి. మనువళ్లు, మనువరాళ్లతో అమ్మానాన్న సంతోషంగా గడుపుతున్నారు. పెళ్లి వయసు వచ్చిన సమయంలో తల్లిదండ్రులు వాళ్లు చూపించిన అబ్బాయిని చేసుకోమని చెప్తారు. ఆ ఏజ్ దాటిపోయాక, నీకు నచ్చిన వాడిని తీసుకురా చేస్తాం అంటారు. నాకు ఇంత వరకు ఎవరూ నచ్చలేదు. నా ఫ్రెండ్స్ సరౌండింగ్ లో ప్రేమ అనే సౌండ్ వినిపిస్తే చంపేస్తా అని చెప్తాను. మనం అనుకున్నది అనుకున్న సమయానికి ఎప్పుడూ జరగదు. కానీ, ఎప్పుడో ఒకప్పుడు జరుగుతుంది. చాలా మంది ఫిజికల్ అట్రాక్షన్ కు గురై లవ్ మ్యారేజ్ చేసుకుని విడిపోతున్నారు. కొంత మంది ఏజ్ అయిపోయిందని ఎవరో ఒకరిని పెళ్లి చేసుకుని అడ్జెస్ట్ అవుతున్నారు.  నాకు కూడా నచ్చిన వ్యక్తి దొరికినప్పుడు పెళ్లి చేసుకుంటాను” అని చెప్పింది.

ఏ క్యారెక్టర్ అయినా చేస్తా, కానీ, ఓ కండీషన్- మాధవీ లత

సినిమాల్లో అవకాశం వస్తే తప్పకుండా చేస్తానని నటి మాధవీ లత చెప్పుకొచ్చింది.  ఎలాంటి క్యారెక్టర్ అయినా ఫర్వాలేదని చెప్పింది. హీరోయిన్ అనే కాదు, ఏ పాత్ర చేయడానికైనా రెడీ అన్నది. కానీ, అమ్మాయి వ్యక్తిత్వ విలువలు తగ్గకుండా ఉండే క్యారెక్టర్ అయితేనే నటిస్తానని వెల్లడించింది. ‘బేబీ’ సినిమాలో హీరోయిన్ లాంటి అవకాశం వస్తే ఎట్టి పరిస్థితుల్లోనూ చేయనని తేల్చి చెప్పింది.

ఆయనతో ప్రేమలో ఉన్నా- మాధవీ లత

గత కొంత కాలంగా లాడ్ కృష్ణతో ప్రేమలో ఉన్నట్లు చెప్పింది మాధవీ లత. “ఆరు సంవత్సరాలుగా ఎంత ట్రై చేసినా తగ్గని వెయిట్ లాస్, కృష్ణ ప్రేమ అనే ఆనందంలో తగ్గాను. ఎవరు నమ్మినా నమ్మక పోయినా, కృష్ణుడితో ప్రేమలో పడ్డాను. కృష్ణుడితో ప్రేమ ఏంటి? అని చాలా మంది అనుకుంటారు. కానీ, కృష్ణుడి భక్తులకే  ఆ ప్రేమంటే ఏంటో తెలుస్తుంది” అని వెల్లడించింది. తాజాగా రష్మిక మందన్న డీప్‌ఫేక్ వీడియోపై స్పందించిన మాధవి,  సినిమాల్లో ఈవెంట్స్ లో ఆమె వేసుకునే డ్రెస్సుల కంటే, తను చూపించే బూ** షో కంటే ఆ వీడియోలో పెద్దగా ఏమీ లేదంటూ షాకింగ్ కామెంట్స్ చేసింది.