Hansika Motwani : ఉత్సాహంగా ముందుకు సాగాలి... ఆశ కోల్పోవద్దు - డివోర్స్ తర్వాత హన్సిక ఫస్ట్ పోస్ట్
Hansika : డివోర్స్ తర్వాత టాలీవుడ్ హీరోయిన్ హన్సిక ఫస్ట్ పోస్ట్ చేయడంతో వైరల్ అవుతోంది. ప్రతికూల పరిస్థితుల్లోనూ ఆశను కోల్పోవద్దంటూ ఆమె రాసుకొచ్చారు.
Actress Hansika Motwani First Post After Divorce : టాలీవుడ్ హీరోయిన్ హన్సిక ఇటీవలే తన భర్త సోహైల్తో డివోర్స్ తీసుకున్న సంగతి తెలిసిందే. నాలుగేళ్ల వివాహం బంధానికి ఇటీవలే ముగింపు పలికిన ఆమె... డివోర్స్ తర్వాత ఫస్ట్ టైం తన ఇన్ స్టాలో పోస్ట్ పెట్టారు.
ఏం పోస్ట్ చేశారంటే?
తన సోషల్ మీడియా పోస్టులో 'చార్దీ కలా...' అంటూ ఓ పంజాబీ పదాన్ని పోస్ట్ చేశారు. దీని అర్థం ఏంటంటే... 'ఎప్పుడూ ఉత్సాహంగా ముందుకు సాగాలి. ప్రతికూల పరిస్థితుల్లోనూ ఆశను కోల్పోవద్దు.' ప్రస్తుతం ఇది వైరల్ అవుతోంది.
హన్సిక 2022లో తన ప్రియుడు సోహైల్ను వివాహం చేసుకున్నారు. ఆయనకు ఇది రెండో పెళ్లి కాగా హన్సికకు మొదటి వివాహం. వీరి పెళ్లిని 'లవ్ షాదీ డ్రామా' అనే పేరుతో ఓ డాక్యుమెంటరీ సిరీస్గా కూడా రిలీజ్ చేశారు. పెళ్లైన కొంత కాలం బాగానే ఉన్న ఆ తర్వాత ఇద్దరి మధ్య మనస్పర్థలు రావడంతో దూరంగా ఉన్నారు. పెళ్లి ఫోటోలను హన్సిక డిలీట్ చేయడం, ఇద్దరు కొంత కాలంగా దూరంగా ఉండడంతో డివోర్స్ రూమర్స్ హల్చల్ చేశాయి. ఈ నెల 11న ఫ్యామిలీ కోర్టు వీరికి డివోర్స్ మంజూరు చేసింది. విడాకుల టైంలో హన్సిక ఎలాంటి భరణం ఆశించలేదని తెలుస్తోంది.
టాప్ హెడ్ లైన్స్
ట్రెండింగ్ వార్తలు
