Teja Sajja : US అమ్మాయితో పెళ్లి - కన్ఫర్మ్ చేసిన తేజ సజ్జా... డెస్టినేషన్ వెడ్డింగ్ ఎప్పుడంటే?
Teja Sajja Wedding : టాలీవుడ్ యంగ్ హీరో తేజ సజ్జా తన పెళ్లిపై జరుగుతున్న ప్రచారంపై స్పందించారు. తన పెళ్లి పెద్దలు కుదిర్చారని... డిసెంబరులో వివాహం జరగబోతున్నట్లు చెప్పారు.
Teja Sajja Confirms His Wedding In December : టాలీవుడ్ యంగ్ హీరో తేజ సజ్జా పెళ్లి పీటలెక్కబోతున్నారు. రెండు రోజుల క్రితం ఆయన పెళ్లిపై ప్రచారం జరగ్గా... తాజాగా స్వయంగా ఆయనే దీనిపై రియాక్ట్ అయ్యారు. త్వరలోనే తన పెళ్లి జరగనున్నట్లు తేజ కన్ఫర్మ్ చేసినట్లుగా నేషనల్ మీడియాలో ప్రచారం సాగుతోంది.
అమ్మాయి ఎవరంటే?
యూఎస్‌కు చెందిన సాఫ్ట్‌వేర్ ఇంజినీర్‌ను తేజ సజ్జా పెళ్లి చేసుకోబోతున్నారు. 'రాజస్థాన్‌లోని ఉదయ్‌పూర్ వేదికగా డిసెంబరులో డెస్టినేషన్ వెడ్డింగ్ జరగనుంది. అంతకంటే ముందు నవంబరులో ఎంగేజ్మెంట్ జరగనుంది. మా పేరెంట్స్ ఈ పెళ్లి కుదిర్చారు. అమ్మాయికి సినిమాలతో ఎలాంటి సంబంధం లేదు. వాళ్లది బిజినెస్ ఫ్యామిలీ. ఆమె USలోనే పెరిగారు.
నా పర్సనల్ లైఫ్‌ను ప్రైవేట్‌గా ఉంచడానికే ఇష్టపడతాను. అందుకే కేవలం కుటుంబ సభ్యులు, అత్యంత ఆప్తులు, కొద్దిమంది స్నేహితుల సమక్షంలోనే ఈ పెళ్లి వేడుక చాలా సింపుల్‌గా జరుగుతుంది. ప్రచార ఆర్భాటాలకు దూరంగా సన్నిహితుల మధ్య వేడుకలు జరగాలని నిర్ణయించుకున్నాం.' అని కన్ఫర్మ్ చేశారు.
నవంబరులో ఎంగేజ్మెంట్, డిసెంబరులో పెళ్లి తర్వాత ప్రముఖులు, సెలబ్రిటీల కోసం హైదరాబాద్‌లో రిసెప్షన్ ఏర్పాటు చేయనున్నట్లు తెలుస్తోంది. చైల్డ్ ఆర్టిస్ట్‌గా సూపర్ క్రేజ్ సంపాదించుకున్న తేజ సజ్జా... జాంబీ రెడ్డి మూవీతో హీరోగా ఎంట్రీ ఇచ్చారు. ఫస్ట్ మూవీతోనే బిగ్ సక్సెస్ అందుకున్న ఆయన... 'హనుమాన్'తో పాన్ ఇండియా క్రేజ్ సొంతం చేసుకున్నారు. ఆ తర్వాత మిరాయ్‌తో హ్యాట్రిక్ విజయం సాధించారు.
ఓ వైపు వరుస సినిమాలతో అలరిస్తూనే మరోవైపు ఓటీటీలోకి కూడా ఎంట్రీ ఇచ్చారు. ఫేమస్ రియాలిటీ షో 'ది ట్రైటర్స్‌'కు హోస్ట్‌గా వ్యవహరిస్తున్నారు. ప్రస్తుతం 'మిరాయ్ 2'కు సంబంధించి ఓ షెడ్యూల్ పూర్తి చేసిన తేజ సజ్జా... రీసెంట్‌గా 'జాంబిరెడ్డి 2'ను కూడా సెట్స్‌పైకి తీసుకెళ్లారు. హనుమాన్ సీక్వెల్ కూడా కంటిన్యూ అవుతోంది.
Before You Go
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్
టాప్ హెడ్ లైన్స్
ట్రెండింగ్ వార్తలు
