Laal Singh Chaddha In Telugu: మెగాస్టార్ చిరంజీవి సమర్పణలో ఆమిర్ ఖాన్ సినిమా

మెగాస్టార్ చిరంజీవి సమర్పణలో బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ సినిమా ప్రేక్షకుల ముందుకు వస్తోంది. ఆమిర్ సినిమాలో చిరు భాగం అయ్యారు మెగాస్టార్.

'లాల్ సింగ్ చద్దా'లో ఆమిర్ ఖాన్ 

బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ కథానాయకుడిగా నటించిన సినిమా 'లాల్ సింగ్ చద్దా' (తెలుగులో చడ్డా అని రాశారు). ఇటీవల మెగాస్టార్ చిరంజీవి ఇంట్లో ఈ సినిమా స్పెషల్ స్క్రీనింగ్ జరిగింది. దర్శక ధీరుడు రాజమౌళి, కింగ్ నాగార్జున, క్రియేటివ్ డైరెక్టర్ సుకుమార్, సినిమాలో కీలక పాత్రలో నటించిన అక్కినేని యువ సామ్రాట్ నాగ చైతన్య సినిమా చూశారు. అసలు విషయం ఏంటంటే...
 
మెగాస్టార్ చిరంజీవి సమర్పణలో 'లాల్ సింగ్ చద్దా' తెలుగు వెర్షన్ విడుదల అవుతోంది. ఈ విషయాన్ని చిరు స్వయంగా వెల్లడించారు. ''కొన్నేళ్ల క్రితం జపాన్ లో నా ఫ్రెండ్ ఆమిర్ ఖాన్ ను కలిశా. అప్పుడు కాసేపు మాట్లాడుకున్నాం. ఆ తర్వాత అతని డ్రీమ్ ప్రాజెక్టు 'లాల్ సింగ్ చద్దా'లో నేనూ భాగం అయ్యాను'' అని మెగాస్టార్ సోషల్ మీడియాలో పేర్కొన్నారు. తన ఇంట్లో ఎక్స్‌క్లూజివ్‌ ప్రీమియర్ షో  వేసినందుకు థాంక్స్ చెప్పారు. ప్రివ్యూ విజువల్స్ విడుదల చేశారు. 

'లాల్ సింగ్ చద్దా' ఒక ఎమోషనల్ జర్నీ అని చిరంజీవి పేర్కొన్నారు. ఈ సినిమా ఒక ఆణిముత్యం అని ఆయన అన్నారు. ఆగస్టు 11న ఈ 'లాల్ సింగ్ చద్దా' ప్రేక్షకుల ముందుకు వస్తోంది.  ఈ సినిమాకు అద్వైత్ చందన్ దర్శకత్వం వహించారు. వయాకామ్ 18 స్టూడియోస్, ఆమిర్ ఖాన్ ప్రొడక్షన్స్ సంయుక్తంగా సినిమాను నిర్మించాయి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Chiranjeevi Konidela (@chiranjeevikonidela)