South Heroines: ఛాన్సులపై ఛాన్సులు - సౌత్‌ను ఏలేస్తున్న స్టన్నింగ్ బ్యూటీస్

సౌత్ ఇండస్ట్రీలో పలువురు హీరోయిన్లు వరుస సినిమాలతో ఫుల్ స్వింగ్ లో కొనసాగుతున్నారు. తెలుగు, తమిళ, కన్నడ చిత్రాలు చేస్తూ దూసుకెళ్తున్నారు. దక్షిణాది సినీ పరిశ్రమను ఏలుతున్న నటీమణులెవరో ఇప్పుడు చూద్దాం.

Photo@Sree leela/Pooja Hegde/Samantha/Instagram

దక్షిణాదిలో హీరోయిన్లుగా నిలదొక్కుకోవడం అంటే అంత ఈజీ కాదు. అన్ని రకాల పాత్రలతో మెప్పించాలి, మురిపించాలి. హీరోలతో సమానంగా డ్యాన్సులు వేస్తూ.. వారి ఫ్యాన్స్‌తో విజిల్స్ వేయించుకోవాలి. గ్లామర్ డాల్‌గానే కాదు.. అవసరమైతే ఐటెమ్ గార్ల్‌గా అయినా టచ్‌లో ఉండాలి. దీనికి తోడు లక్ కూడా కలిసి రావాలి. అదే లేకపోతే.. మనుగడ కష్టమే. ఈ నేపథ్యంలో తొమ్మిది మంది హీరోయిన్లకు అదృష్టం వెంటాడుతోంది. దీంతో అవకాశాల మీద అవకాశాలు క్యూ కడుతున్నాయి. మరి, ఆ లక్కీ బ్యూటీస్ ఎవరో చూసేయండి మరి.   

1. శ్రీలీల

ప్రస్తుతం సౌత్ ఇండస్ట్రీలో ఫిల్మ్ మేకర్స్ ఫస్ట్ ఛాయిస్ గా మారిపోయింది శ్రీలీల. ప్రస్తుతం ఆమె 5 సినిమాల్లో నటిస్తుండగా, అందులో 3 టాప్ హీరోల సినిమాలే ఉన్నాయి. చేసిన మూవీస్ తక్కువే అయినా, టాప్ క్రేజ్ దక్కించుకుంది. డ్యాన్స్, యాక్టింగ్ తో ప్రేక్షకులను మెస్మరైజ్ చేస్తోంది. మరో రెండు సినిమాలు సూపర్ హిట్ అందుకుంటే టాలీవుడ్ నెంబర్-1 హీరోయిన్ గా మారే అవకాశం ఉంది.

2. అనుపమా పరమేశ్వరణ్

‘కార్తికేయ-2’ హిట్‌తో పాన్ ఇండియా స్టార్‌గా మారిపోయింది అనుపమా. ఆ తర్వాత నిఖిల్‌తో వచ్చిన మరో మూవీ ‘18 పేజేస్’ కూడా హిట్ కొట్టడంతో అనుపమాకు అవకాశాలు క్యూకడుతున్నాయి. ప్రస్తుతం ‘టిల్లు స్క్వేర్’ మూవీలో నటిస్తోంది. ఇవి కాకుండా ఒక తమిళం, మలయాళం మూవీలో కూడా నటిస్తోంది. 

3. పూజా హెగ్డే

బాక్సాఫీస్ దగ్గర వరుస బ్లాక్ బస్టర్స్ తో పూజా హెగ్డే మంచి క్రేజ్ సంపాదించుకుంది. త్రివిక్రమ్ తదుపరి రెండు సినిమాల్లో తనే హీరోయిన్. అటు బాలీవుడ్ లోనూ సినిమాలు చేస్తోంది. ప్రస్తుతం టాలీవుడ్ కమర్షియల్ సినిమాలను ఏలుతోంది బుట్టబొమ్మ.

4. రష్మిక మందన్న

‘వారిసు’ సినిమాతో తమిళంలో బ్లాక్ బస్టర్ ఇచ్చి టాప్ హీరోయిన్ గా ఎదిగింది. ‘పుష్ప‘ సినిమాతో పాన్ ఇండియన్ హిట్ అందుకుంది.  తెలుగు, తమిళం, హిందీలోనూ వరుస సినిమాలతో దూసుకుపోతోంది.  ప్రస్తుతం ‘పుష్ప2‘ షూటింగ్ లో బిజీగా ఉంది.

5. సమంత

లేడీ ఓరియెంటెడ్ సినిమాలతో తనకంటూ ఓ గుర్తింపు తెచ్చుకుంది సమంతా. సినిమాలతో పాటు వెబ్ సిరీస్ లు చేస్తూ స్టార్ డమ్ కొనసాగిస్తోంది. సమంతా తాజాగా నటించిన పాన్ ఇండియన్ మూవీ ‘శాకుంతలం‘ త్వరలో విడుదల కానుంది.

6. నయనతార

ఈ మధ్య బ్లాక్ బస్టర్స్ లేవు. కానీ, ఆమెకున్న క్రేజ్ కంటిన్యూ అవుతోంది. డిఫరెంట్ జానర్స్ లో పలు సినిమాలు చేస్తూ ముందుకు సాగుతోంది.

7. త్రిష

‘96’ మూవీ తర్వాత మల్లీ వెలుగులోకి వచ్చింది. వరుస సినిమాలు చేస్తూ బ్లాక్ బస్టర్స్ సాధిస్తోంది. తాజాగా ‘పొన్నియిన్ సెల్వన్‘లో నటించి మెప్పించింది. 

8. కీర్తి సురేష్

‘మహానటి’తో దేశ వ్యాప్తంగా గుర్తింపు తెచ్చుకున్న కీర్తి సురేష్, అటు లేడీ ఓరియెంటెడ్ సినిమాలు ఇటు కమర్షియల్ సినిమాలు చేస్తోంది. పెర్ఫార్మెన్స్ ఓరియెంటెడ్ రోల్స్ తో పాటు గ్లామర్ రోల్స్ చేస్తూ సక్సెస్ ఫుల్ గా కెరీర్ కొనసాగిస్తోంది.

9. శృతి హాసన్

సంక్రాంతికి తెలుగులో రెండు బ్లాక్ బస్టర్లు అందుకున్నది శృతి హాసన్. మెగాస్టార్ చిరంజీవితో కలిసి ‘వాల్తేరు వీరయ్య‘, బాలయ్యతో కలిసి ‘వీరసింహారెడ్డి‘ సినిమాలు చేసి అదిరిపోయే హిట్లు అందుకుంది. ప్రస్తుతం ప్రశాంత్ నీల్- ప్రభాస్ కాంబోలో వస్తున్న పాన్ ఇండియన్ మూవీ ‘సలార్’ మూవీలో నటిస్తోంది. ఈ మధ్యే తన షూటింగ్  కంప్లీట్ చేసుకుంది.