Bigg Boss 8 Telugu: లూజర్ నీ వల్లే నాకు సమస్యలంటూ దూరమై బాంబ్ పేల్చిన ఆడపులి... నసగాడిలా మారిన నిఖిల్‌కు గడ్డి పెట్టిన యష్మి

బిగ్ బాస్ లవ్ బర్డ్స్ మధ్య సోనియా, నిఖిల్ మధ్య మనస్పర్థలు మొదలయ్యాయి. ఫుడ్ టాస్క్ లో కావాలనే ఓడిపోవడంతో చెప్పి మరీ సైడ్ అయిపోయింది సోనియా. కానీ నిఖిల్ ప్రవర్తన మాత్రం మరింత చికాకు పెడుతోంది.

నిఖిల్ అండ్ సోనియా

Source : https://x.com/StarMaa/status/1833821579727286328?t=P4GY6kDEX2-7dP6xsIZyAA&s=08

బిగ్ బాస్ సీజన్ లో అన్లిమిటెడ్ ఎంటర్టైన్మెంట్ ఏమోగాని ఒక్కొక్క వారం ఒక్కొక్కరు తమ తీరుతో రోత పుట్టిస్తున్నారు. ఫస్ట్ వీక్ అంతా మణికంఠ ఏడుపుతోనే సరిపోతే, ఈ వీక్ మాత్రం నిఖిల్ నసగాడిలా తయారయ్యాడు. హౌస్ లో ప్రతి ఒక్కరి నోటి నుంచి నిఖిల్ ఇంత వీక్ గా అయ్యాడేంటి అని మాట వినిపించడమే కాకుండా బయట చూస్తున్న వాళ్లకు కూడా చిరాకు పుట్టించేలా చేస్తున్నాడు నిఖిల్ తన ప్రవర్తనతో. ఈ నేపథ్యంలోనే లవ్ బర్డ్స్ గా పేరు తెచ్చుకున్న నిఖిల్ సోనియా మధ్య వచ్చిన గ్యాప్ హాట్ టాపిక్ గా మారింది. 

లూజర్ తో మాట్లాడను 
నిఖిల్ ఫుడ్ టాస్క్ లో గెలిచే అవకాశం ఉన్నప్పటికీ అవతలి క్లాన్ గెలవాలనే ఉద్దేశంతోనే సరిగ్గా ఆడలేదు. అయితే ఇదే విషయాన్ని నిఖిల్ దగ్గర ప్రస్తావించిన సోనియా నువ్వు ఇలా బిహేవ్ చేయడం వల్లే ఎక్కడెక్కడ నుంచో కాంప్లికేషన్స్ వస్తున్నాయి. ఇలాగైతే నేను నీతో మాట్లాడను అని కుండబద్దలు కొట్టింది. అయితే సోనియా మాటలకు సమాధానంగా నిఖిల్ "నామినేనషన్ లలో నేనేం చేశానో దానికి ఇంకా నాకు గిల్డ్ ఉంది. నేను అక్కడ అందరితోను బేసిగ్గా ఫేక్ చేయట్లేదు. నువ్వు నాకు అభయ్, పృథ్వీ ముందు ఫేక్ చేయక్కర్లేదు. నేను సీరియస్ గా చెప్తున్నాను నువ్వు ఏమనుకున్నావో.. నీ గేమ్ నావల్ల ఇన్ డైరెక్ట్ గా లేదా డైరెక్ట్ గా ఎఫెక్ట్ అవుతుందంటే నువ్వేం చేయాలనుకుంటే అది చెయ్" అని చెప్పడంతో నైస్ అంటూ అక్కడి నుంచి సోనియా వెళ్ళిపోయింది. ఇక అక్కడ మొదలైంది నిఖిల్ మరింత డీలా పడడం. నిన్న చూపించిన ఎపిసోడ్ లో నైనిక దగ్గర కూడా ఇదే విషయాన్ని చెబుతూ ఎమోషనల్ అయ్యాడు. దీంతో నైనిక నువ్వొక ఎమోషనల్ ఫూల్ అంటూ నవ్వింది. దీంతో నిఖిల్ ఇదంతా తన యంగ్ ఏజ్ లో మొదలైందని, బాధ్యతలు తీసుకోవడం ఇష్టమే అయినప్పటికీ తనను తాను కోల్పోయాను అంటూ కన్నీళ్లు పెట్టుకున్నాడు. ఎమోషన్ ని చూపిస్తే ప్రాబ్లం, చూపించకపోతే యాటిట్యూడ్ అంటారు అంటూ తన గోడును నైనిక ముందు వెళ్లబోసుకున్నాడు. కానీ సోనియా మాత్రం మంచి చెప్పినా తీసుకోకపోతే నేను ఎందుకు మాట్లాడతాను అంటూ దూరంగా ఉంటోంది. 

నిఖిల్ కు యశ్మి క్లాస్ 
నిఖిల్ తో అభయ్ మాట్లాడుతూ "ఎందుకు గేమ్ ని ఎమోషనల్ గా తీసుకుంటున్నావ్? బయట 11 ఏళ్ల ఇండస్ట్రీలో ఎన్నో కష్టాలు పడ్డానని చెప్పావు. అలాంటప్పుడు ఇక్కడ ఇలా ఎందుకు ప్రవర్తిస్తున్నావు?" అని ప్రశ్నించినప్పుడు, తాను ఓడిపోయినందుకు హ్యాపీగా ఉన్నాను అంటూ ఏదో జీవితంలో అంతా త్యజించిన సన్యాసిలా మాట్లాడాడు. మొదటి వీక్ అంతా తెగ రెచ్చిపోయిన నిఖిల్ సడన్ గా అనవసరంగా పృథ్వీని నామినేట్ చేశాను అంటూ ఇలా సైలెంట్ అయిపోవడం, పైగా అందరితోను ఇలా చెప్పించుకోవడం చూస్తుంటే ప్రేక్షకులకు నిఖిల్ పై చిర్రెత్తుకొస్తుంది. ఇదంతా కావాలనే చేస్తున్నాడా లేదంటే నిజంగానే ఆయన గేమ్ సోనియా వల్ల పాడయిందా అనేది తెలీదు గానీ యశ్మి కూడా చెప్పి చూసింది. ఎందుకు ఎమోషనల్ అవుతున్నావు? ఫన్, మైండ్ ఉపయోగించి గేమ్ ని ఆడు అంటూ ఎంతగానో చెప్పింది. నీ మీద బయట ఎంత మంది కాన్ఫిడెన్స్ పెట్టుకున్నారో వాళ్లందర్నీ డిజప్పాయింట్ చేస్తున్నావు అంటూ చెప్పినప్పటికీ నిఖిల్ అదే విధంగా ఉంటూ వచ్చాడు.