Bigg Boss 6 Telugu: కీర్తికి మానస్ వాయిస్ మెసేజ్? ఇంటి సభ్యుల కోసం అలాంటి నిర్ణయం తీసుకున్న రోహిత్

Bigg Boss 6 Telugu: బిగ్‌బాస్ హౌస్‌లో బ్యాటరీ రీచార్జ్ టాస్కు ఇంకా కొనసాగుతోంది.

(Image credit: Star maa)

Bigg Boss 6 Telugu: ఇంటి నుంచి వచ్చిన సర్పైజ్‌లతో కొంతమంది ఇంటి సభ్యులు సంతోషంగా ఉంటే, కొంతమంది మాత్రం అవకాశం లేక చాలా దిగాలుగా ఉన్నారు. ఈరోజు మరికొందరికి అవకాశం వచ్చింది. అయితే బిగ్ బాస్ పెద్ద మెలిక పెట్టాడు. బ్యాటరీ సున్నా శాతానికి పడిపోవడంతో దాన్ని తిరిగి వంద శాతం నింపేందుకు ఓ పని చేయమని చెప్పాడు బిగ్ బాస్. అదేంటంటే రోహిత్, వాసంతిలలో ఎవరో ఒకరు వచ్చే రెండు వారాలకు నామినేట్ అవ్వాలి. చివరికి రోహిత్ తనను తాను నామినేట్ చేసుకున్నాడు. దీంతో ఇంటి బ్యాటరీ వంద శాతం రీఛార్జ్ అయింది. 

ఫైమా ఫుల్ హ్యాపీ
ఫైమా తనకు వచ్చిన అవాకశాల్లో వీడియో కాల్ ఎంచుకుంది. ఫైమా తల్లి తెరపై కనిపించింది కూతురుతో మాట్లాడింది. అమ్మా నేను మేకప్ వేసుకుంటే బాగున్నానా అని అడిగింది పైమా. దానికి ‘నువ్వు మేకప్ వేసుకున్నా, వేసుకోకపోయనా నా కూతురివి’ అని సమాధానం ఇచ్చింది ఫైమా తల్లి. ఇక కీర్తి ఆడియో మెసేజ్ ఎంచుకున్నట్టు కనిపించింది. ఆ ఆడియోలో ఉన్న గొంతు మానస్ అని అర్థమవుతోంది. ఇతను బిగ్ బాస్ సీజన్ 5లో టాప్ 5లో ఉన్న కంటెస్టెంట్. అంతేకాదు కీర్తి, మానస్ కలిసి కార్తీకదీపంలో జంటగా నటిస్తున్నారు. ఆడియో మెసేజ్‌లో ‘నువ్వు ప్రతిసారి బాధపడుతున్నావ్, నీకెవరూ లేరు అని, నీకు మేమంతా ఉన్నాం’ అని చెప్పగానే కీర్తి చాలా ఆనందపడింది. ఈ ఎపిసోడ్‌తో మానస్ అభిమానులంతా కీర్తికి ఓట్లేసే అవకాశం ఉంది. 
 
ఇక రేవంత్ ఎందుకు ఏడ్చాడో తెలియదు కానీ కాసేపు ఏడ్చాడు. ఒక్కసారి చూద్దామనుకున్నా అని అన్నాడు. అతనికి ఫోటో వచ్చింది. వాసంతి, మెరీనా, రోహిత్, సూర్యలకు ఏమి అవకాశాలు వచ్చాయో మాత్రం తెలియలేదు. అయితే రేవంత్ కు వీడియో కాల్ ఆప్షన్ వచ్చినట్టు ప్రోమో ద్వారా అనిపించడం లేదు. భార్యతో వీడియోకాల్ మాట్లాడాలని అనుకున్నాడు రేవంత్. కానీ కుదరలేదు. 

ఇక ఈ వారం నామినేషన్లలో తొమ్మిది మంది ఉన్న సంగతి తెలిసిందే. వారు కీర్తి, మెరీనా, బాలాదిత్య, ఆదిరెడ్డి, గీతూ, సుదీప, శ్రీహాన్, రాజ్, శ్రీసత్య. వీరిలో మెరీనా , రాజ్, సుదీపలలో ఒకరు వెళ్లే ఛాన్సులు అధికంగా ఉన్నాయి. ఎందుకంటే మెరీనా ఆడిన ఆట చాలా తక్కువనే చెప్పాలి. సుదీప బిగ్‌బాస్ ఇంట్లో వంటలక్కగా మారిపోయింది. మెరీనా కూడా అంతే వంట తప్ప మరేమీ చేయడం లేదు. ఆడింది, వాదించింది ఏమీ లేదు. మెరీనా ఉన్నా లేకపోయినా ఆట పెద్దగా మారదు. సుదీప, రాజ్ కూడా అంతే. కాబట్టి ఈ ముగ్గురిలో ఒకరిని బయటికి పంపించే అవకాశం ఎక్కువగా ఉంది.